¹ Mι nɛ Krιstʋ , mι kpendʋ yeki nɛ ɛkpa ɖoŋ nɛ ɛ-sɔɔlιm , ñeyele nɛ pιlabι mι hʋnʋm . Ɖɔɖɔ lɛ mι nɛ kalιzaɣ ɛlabι nɔɔ kʋɖʋmaɣ nɛ ɛsɔɔlι ɖama nɛ ɛnaɣ ɖama pʋtɔdιyɛ , ² ɛham laŋhʋlʋmιyɛ pιtιŋnι mι-tɛ ɖama nιnaʋ yɔɔ nɛ ɛsɔɔlι ɖama nɛ ɛkpendι ɖamaa kalιzaɣ taa nɛ ɛwɛnι sɔɔlιm kʋɖʋmʋm . ³ Ɛtaala nabʋyʋ se ɛkιlιnι lɛlaa nɛ ɛkʋŋdιnι-pʋ falaa .Ɛlɛ iluzi mι-tι ɖama tɛɛ . ⁴ Paa weyi lɛ ɛtañιnι ɛmaɣmaɣ ɛkɛsaɣ ɖeke yɔɔ ɛlɛ ɛñιnι lɛlaa ñιŋa ɖɔɖɔ . ⁵ Ɛwɛɛnι wɛtʋ ndʋ Krιstʋ Yesu kɛwɛna yɔ , ⁶ Ɛ-nɛ Ɛsɔ paawɛ kιmaŋ. Ɛlɛ ɛtιkpaɣ ɖaɣyɛ nɖι nɛ ɛyaa pʋyʋ . ⁷ Ɛyebι mbʋ pιtιnɛ payι ιιwɛna yɔ pʋtɔm. Nɛ ɛkpaɣ tʋmlaɖʋ wɛɖʋʋ . Ιwɛɛ ɛzι ɛyaa yɔ . Nɛ ɛlι sιι ɛyʋ yɔ . ⁸ Ɛluzi ɛ-tι kpem nɛ ɛña paɣtʋ nɛ ɛkɔɔ ɛzι , Halι kamaŋkaɣ yɔɔ ɛsιba . ⁹ Pʋyɔɔ Ɛsɔ kpasι-ι lone nɖι ɖιkιlι kʋyʋʋ yɔ ɖιtaa , nɛ ɛhayι hιɖɛ nɖι ɖιkιlι hιla lɛɛna yɔ . ¹⁰ Ɛlabι mbʋ se mbʋ pιtιŋa payι pʋwɛ ɛsɔtaa mɛ tataa cιnɛ nɛ halι pιkpendιnι tɛtɛɛ yɔ pιnι hιɖɛ nɖɛ se Yesu lɛ pιñamι-ι nɛ pʋlʋŋ pʋnιmbɛlɛ yɔɔ . ¹¹ Nɛ pʋtɔ se Yesu Krιstʋ lɛ kιbanlʋ se caa Ɛsɔ hιɖɛ ɛsɛɛ . ¹² Pʋyɔɔ lɛ , mataabalaa kʋsɔlaa , ɛñaŋkaɣm alιwaatʋ ndʋ maawɛ mι-cɔlɔ yɔ . Lɛɛlɛɛyɔ mefɛyι mι-cɔlɔ ɛlɛ ɛɖɔkι mbʋ nɛ pιkιlι . ¹³ Mbʋ pʋyɔɔ yɔ Ɛsɔ laakι tʋmιyɛ mιhɛtʋ taa nɛ ɛpιsι mι ɖoŋ tιnaa se ɛla mbʋ ɛɖʋwa se ɛlakι ɛzι ɛsɔlʋʋyɔ . ¹⁴ Mbʋ pιtιŋa payι ɛlakι yɔ ɛlabι pʋ , ɛlɛ ɛtaamιŋti milin-tɛɛ nɛ ɛhɔŋ nι ɖama tɔm , ¹⁵ ιla mbʋ nɛ kawanaɣ nakɛyɛ ɛtaawɛɛ mι yɔɔ , nɛ ιwɛ cιɖιcιɖι nɛ ιkɛ Ɛsɔ piya nzι paanaɣ sι yɔɔ kιwɛɛkιm ɛyaa azaa nɛ mba patatʋsι yɔ pɛhɛkʋ taa . Mbʋ pʋyɔɔ yɔ mι kɛnι ñalιmιyɛ pɛ-hɛkʋ taa ɛzι ɛsɔtaa tιnzι yɔ . ¹⁶ Mιheyiɣnι wɛ tɔm ndʋ tιhaɣ wezuu yɔ . Mbʋ haɣ nι waɖɛ nɛ makʋndι pʋye nɖι krιstʋ lιsιɣ ɛ-tι nɛ ɛwιlι yɔ .Peeye wιlιɣnι toovenim se tʋmιyɛ nɖι mañaɣ pana nɛ mala yɔ ɖιtɛkɛ falaa ñιŋɖɛ . ¹⁷ Mι-lidaʋ ngʋ ιwɛnι yɔ kιwɛ ɛzι kιlaʋ ngʋ ɛlayι yɔ . Pʋtɔma yɔ ,man-calιm kɔŋ sɔsʋ mι-kιlaʋ ngʋ kʋ-yɔɔ . ¹⁸ Paa pιιlaba mbʋ yɔ man-taa wɛɣ leleŋ nɛ ma nι mι dιmayι amaya .Mι ɖɔɖɔ lɛ mι-taa ιwɛɛ leleŋ ma nɛ ɖιmayι amaya. ¹⁹ Mantaɣ kιbaɣlʋ Yesu liu se pʋtɔma yɔ eyekι nɛ metiyiɣni mι timotee nɛ ɛkɔɔ mι nɛ ɛha mι hʋnʋm . Nɛ alιwaatʋ ndʋ ɛpιsιɣ ɛkɔɔ mɔ-cɔlɔ lɛ ɛkɛdιm mbʋ ιwɛɛ ιlakι yɔ nɛ pιlabιm ɖeu . ²⁰ Mbʋ pʋyɔɔ yɔ ,mba patιŋa payι pamaɣsιɣ mι-yɔɔ yɔ , pa-taa lɛ ma nɛ timotee ɖeke koŋ ɖιwɛnιnι lιmaɣza kʋɖʋmɛ nɛ ɖιnιnιɣ mι-kɛzaɣ . ²¹ Nabɛyɛ ñιnιɣ pa-maɣmaɣ pɛ-kɛzasι , ɛlɛ paañιnιɣ Yesu Krιstʋ ñιŋka . ²² Itɛm sιm se timotee lakι mbʋ mbʋ ɛɖʋwa se ɛlakι yɔ mbʋ pʋyɔɔ yɔ ɛsιnιm nɛ ma nɛ-ι ɖιla tʋmιyɛ ɛzι pιɣa nɛ ka-caa yɔ nɛ laŋhɛzιyɛ tɔm tɛsι cɔwʋ . ²³ Mantaɣ liu se matιna ɛzιma mbʋ pιtɛŋι-nιm lɛ mentiyιɣnι mι-ι . ²⁴ Μa-maɣmaɣ mantaɣ liu se kιbanlʋ yɔɔ lɛ mankaɣ kɔm ɖɔɖɔ . ²⁵ Manawa se mataabalʋ pana ñaɣyʋ nɛ lʋlaɣtʋ yaa sɔɔja weyi payaɣ se ɛpafroditis pιsι mι-cɔlɔ . Ma nɛ-ι ɖιlakι nι tʋmιyɛ nɛ ɖιlʋkι Ɛsɔ tɔm sʋsʋʋ yɔɔ .Mι-tiyinι-ι mɔ-cɔlɔ se ɛkɔɔ nɛ ɛsιnιm alιwaatʋ ndʋ mɛwɛ cɛyιtʋ taa yɔ . ²⁶ Mbʋ pʋyɔɔ yɔ ɛnιma se peheyi mι se pιwιɣ-ι lɛ ɛlιmaɣza wɛɛkι , ngʋ ɛ-liu kaawɛ se ɛkɔɔ mι-cɔlɔ . ²⁷ Toovenim lɛ pιwι-ι sιbʋ yɔɔ sιbʋ ,ɛlɛ ɛsɔ na ɛ-pʋtɔdιyɛ . Ɛlɛ pιtɛkɛ eɖeke ɛñιŋɖɛ ɛnawa ,ɛnaɖɔɖɔ ma-ñιŋɖɛ se mɛ-ɛza ɛtaapaŋ ñιŋ-ʋ . ²⁸ Pʋyɔɔ ma ñakι pana se meyele nɛ ɛpιsι mι-cɔlɔ nɛ ɛnayι lɛ mι-taa ɖaɣnι hʋlʋmʋ nɛ ma ɖɔɖɔ lɛ mɛ-ɛza ɛtaatazι ñιŋ-ʋ . ²⁹ Pʋyɔɔ lɛ ɛla ɛpafroditis talaɖeu mι nɛ kιbanlʋ mι kpendʋ taa . Pʋwɛɛ se ɛña ɛyaa mba patιŋa payι pɛwɛ ɖɔɖɔ ɛzι ɛnʋ yɔ . ³⁰ Mbʋ pʋyɔɔ yɔ Krιstʋ tʋmιyɛ yɔɔ ɛsιkaɣ : ɛcoɖi sιm se ɛsιnιm sιnaʋ mbʋ mι ɛtaapιsιɣ se ɛsιnιm yɔ .