¹ Pol kaŋ ti Isa Almasihu kasa-ize nda Timote kaŋ ti ir baaka, nda ir goykaissina, ² Nda Apiya ir waymaa, nda Arsip kaŋ ti ir tangamkasinoo, nda Eglizoo kaŋ go war hugo ra : ³ Anneema nda baani kaŋ ga hun Irkoy do ir baabaa nda Koyo Isa Almasihu. ⁴ Ay koyoo ma foo nda goy waati kul, ay ga honga ni waati kul ay ŋaarayrey ra, ⁵ Ay maa, naana kaŋ ni na daŋ Irkoy boro hanantaey kul ga. ⁶ Ay ga ŋaaray mane nda teegoy hanney kaŋ ra ir ga marga ma koy nda jiine Almasihu maganda se. ⁷ Ay du ŋaali beeri nda bine kannay, ni bajoo maganda, zama n’na boro hannanantey bibey yenandi, ag’armaa. ⁸ Ba kaŋ Almasihu magadanda se ay go nda fondo kul ka ni horay, ⁹ Ay baa ya wo ceeci ni ga a g’ay Pol aru zeena nda kasa ize Isa Almasihu se. ¹⁰ Ay ga ni ŋaaray ay izo Onezim kaŋ ay na hay korfey ra, ¹¹ Watoo din nafow kul si mane Onezim ra, amma nafow go mane a ra nda a ag’ay se ¹² Ay ga samba mane ay jere faa no, ay hundo no. ¹³ Ay baa ya gabuga ay jeroo ga haala a ma duu ka goy yane ni dogo ra,watoo kaŋ ay go kasa ¹⁴ Ay si baa y’a haya kul te kaŋ ma ti ni baayoo, amma a ma tee haya kaŋ na tee nda ni boŋ. ¹⁵ A ga hin ka tee, a nka moora ni waati kayna hala duu ka kaa tee ni wane halaabada. ¹⁶ Onezime manti baŋaa no koyne a bisa baŋaa, ir arma henna , cere-cere n’taa a g’ay se seko ni mo se, adamizetareye ra nda Isa Almasishu albarka ra. ^{17 18 19 20} Nda n’gay du sanda ni goykasino m’a dii sanda ag’ay no. Nda na dorey tee ma ne wala haya kul kaŋ nga may a ga ma dan ay jindo ga, Ag’ay Pol ka hantum mane nda ay kabo ay g’a ba ne ay si baa ya nee ma n’ azzaatoo hunday agay wane. Ayyo, ag’armaa ay binoo ŋaalandi Almasihu albarka ra. ²¹ Ay ga naanay kaŋ nga hine ka haya tee kaŋ bisa woo kaŋ ay na hantum mane. Ay ga bay kaŋ ay na har mane. ²² Wo banda, ma do soolu yene zama ay ga tammaha kaŋ ni ŋaarayyaney sabey ra ay ga yee kaa ni doo. ²³ Epafras ay hangakasinoo kasa ra Almasihu Isa, ay ga ni foo, ²⁴ Ay goykassinawey Marku, nda Arsitark, nda Demas, nda Luka mo ga ni foo. ²⁵ Irkoyo Isa Almasihu anneema ma bara war lakkaley bande! Amiina