¹ Yesu yíȡó kuifanxóme yí ŋsuȡé xɔmɛ tsi alɔ kúná. ² Wó le Yesu kpɔwɔ dún le trɔtrɔwɔ le ŋtsi be elá tɛnŋ dadɔ ni le Sabatizán dji bé ne wóa teŋ ȡó kodjó ni. ³ Yesu tó nɔ dɔnɔlɔ bé" shíte ne nanɔ dodomɛ." ⁴ Yí Yesu tó nɔ dukɔn lɔ bé:"E djé bé wola wa nunyui alo nuvɔn le Sabati yio ŋkekeɛ djía, ényɔ bé wone wluɛnamegán ló alo wɔa tashi ne ya bua? Xɔnme lɔ, wó keŋkeŋ wó ȡóȡa. ⁵ É sa ŋkúvi tó wódjí kúdó edjibibi kú núxaxa djidjiȡé lé wó dji mɛ, etó nɔ ŋsuɔ bé:"vlún alɔ ȡóȡá", É vlún alɔwó ȡóȡá yi Yesu dadɔ ni. ⁶ Zéȡéká lɔ, Farizitɔwó tó yi wówa sébla kúdó Heroditɔwó ȡóŋtsi bé né wó awui. ⁷ Yí Yesu kudó yió nukplanviɛwó yi ȡó axuɔ tó yí ameha sugbɔ klpɔɛdó só Galileya ⁸ kudó Judea, Jerusalem, Idumea, kudo Jordan yio tɔlɔ wó agóme, kudó Tyr ku Sidon yio nutowó me, ameha xɔn va egbɔ, ȡólɔ wó sé nutsiwó kpata wawɔ yi elewó. ⁹ É tó né yio núkpánvwó bé wo né djra tɔdjíhúnȡéká ȡó nɔ ye le amɛha gán lɔ yio gingin ŋtsi. wo latɛŋ zondjí djró. ¹⁰ É le edɔ dawɔ ne amɔwó káká amɛ ysi wóé lédɔwó va le djídjíwɔ. wó lé djídjíɔ bé yewó la talɔɛ. ¹¹ Né gbɔngbɔnvɔnwó kpɔɛ lɔ, wó zenɔ ni yií tɔnɔ axúá bé:"Mawú wó ví yi wo nyí. ¹² É gbenɔ nɔwó vévéȡé bé wó ŋgbe djrá yeo. ¹³ É yi etó djí, é yɔ amɛ tsiwóé djɔdji ni wó yí wo yi gbɔ. ¹⁴ É tsán amɛ amewúíve (tsiwó é yɔ bé apɔstólówó) tsiwóé la nɔ anyí kui yí ya dɔnɔ wó ȡédá mawúnyɔ núxúé ¹⁵ kúdó gbɔngbɔnvɔn nyanya wó tsɛkpakpa. ¹⁶ Ame tsiwó é tsán wó ke: É sɔ nyikɔ nɔ Simɔn bé Petro; ¹⁷ Zébédé wó vi Jaki, Eján tsi nyí Jaki wó nɔví tsi é sɔ nyikɔ na bé Boanerges tsi gɔnmɛ nyi bé djíȡégbé ŋsen víwó; ¹⁸ kúdó André, Filipu, Bartélémi, Matié, Toma, Alfé wó ví Jaki, Tadé, Simɔn Zelɔti tɔ, ¹⁹ kúdó Yuda Iskariɔt tsi va sɛa. ²⁰ Wó le axome yiwɔ yi amehalɔ gbe le egbɔsuwɔ kaka be wó ŋda tɛŋ aȡu núo. ²¹ Tsi yio xomɛtɔwó sé lɔ, wó va be yewoa va kplɔɛ, wó tó be:"etagbɔ le gblegblewɔ ni". ²² Wema ŋlɔtɔwó tsiwóe só Jérusalem wó tó be:" gbɔngbɔnvɔn wófiɔ so axué ȡó eme, yí dji tówɔ ele sɔ le gbɔngbɔnvɔnwó nyawɔ. ²³ Yesu yɔwó va yiȡeki gbɔ yí dolo nɔwó be:"lede Abusaŋ latɛŋ wa ahua kudo Abusaŋ ȡó?" ²⁴ Ne fiɔȡuxuéȡe má le yiȡekimɛ lɔ, fiɔȡuxué xɔn ŋda gbe nɔanyi gbeȡeo. ²⁵ Ne axuéȡe má le yiȡekimɛa ŋde kpɛŋtsi anɔanyio. ²⁶ Ne Satana dje aglan ȡó yeȡehi ŋtsi lɔ, éla má. ŋda ten anɔnyí djidjiȡeo. ²⁷ Vɔlɔ, ameȡe ŋda tɛŋ aȡó ŋsu sɛnsɛn yio xóme avɛ fin yio kɛsinɔnuwó ne ŋde li bla keŋgbɔxuéo, nene ela wa gbɔxué ateŋ lɔ axuéalɔ. ²⁸ Nyawo ŋle tótówɔ nemi bé: enuvuin agbetɔwotɔ lanyi sɔsɔke nɔwo, busunyɔ tsi wó lató ŋtɔtsán, ²⁹ vɔlɔ busunyɔn tótó ɖó mawugnɔ kɔkɔeɛ ŋtsi ŋda ɖó sɔkeo, vɔa nene wó me dje agɔ tsi nyi nuvuin wo gɔdjedje mavɔ mavɔ. ³⁰ Yesu nu enyɔyɛ ɖólɔ, wó le nunuɔ bé:" eɖó gbɔngbɔ baɖa" ³¹ Enɔlɔ kúdó nɔviɛ wó vá, wóle xixenu yi wódɔ ameɖe bé ne yɔɛ. ³² Ame sugbɔ nɔanyi trɔdui yi wotóni bé: "Enɔwo kúdó nɔviwowó le djidjiɔ". ³⁴ Yesu ɖoŋtsi nɔn wó bé:"mɛɖé woe nyi enɔnye kudo nɔvinyɛwo?" ³³ Tsi eɖe ŋkuvi kpɔ ame tsiwoe trɔdui vɔlɔ, enu bé, "Mikpɔ, ame tsiwoe nyi enɔnye kudo nɔvinyewo ke. ³⁵ Ame tsi wanɔ etɔnye yio djrolɔ woe nyi enɔnye kudo nɔvinye ŋsu ku nyɔnuwó".