¹ Gatsi me Yesu le tótówɔ le gbedoȡá xoamea, yió nnúkplánví ȡéka tó ni bé, núfiatɔ kpɔ ékpé xɔashi kú exɔ yɛwó ȡá! ² É nú ni bé:"Mi kpɔ éxɔ gán yɛwóa? Ekpé ȡéká ŋtɔ ŋdá kpɔtɔ nɔ éȡé djí tsi tsi wó ŋdá muio(renversée). ³ Gatsime yí enɔanyí ȡó Olivié tóɔ djí yí dje ŋkɔ gbedóȡáxúɛ lɔ, Piyɛ, Jaki, Eján kúdó André wo biɔɛ bé: " ⁴ Gaxoxo ŋdé mɛ núxɔnwó la va emɛ yi ŋdé wóé mi la tɛŋ sɔ dó djéshi wó eme vavawó? ⁵ Yí Yesu nu nɔwó bé:"Mi kpɔ núíȡé nɔ mɛȡé ŋgbe va flu mio. ⁶ Amɛ sugbɔ la va kú axún nyíkɔ anɔ núnúwɔ bé:"ŋ nyí Kristo". Yí wo la kpɔ ame sugbɔ yiȡó tsrɔntrɔn mɛ. ⁷ Ne mi va le ahuawó kú wó xúáwó séwɔ lɔ, miŋgbe vɔn. ⁸ Nene wó núwó ȡó la djɔ, vɔ ŋdá kpɔ nyí núwúwúɔ haȡéo. Ðólɔ edukɔnȡé la shíté ȡó dúkɔn bú ŋtsi yí dukɔnxoxúȡé la shíté ȡó bu ŋtsí. ⁹ Mi kpɔ núíȡé. Wo lá sɔ mi sa nɔ edumɛganwó, yí wo lá xomi lé xúxóxúéwó. Wo la kplɔ mi yi kódjósoxúé kú efiɔwó gbɔ ȡó ŋtsinye. Tsɛ yí lává nyí kúnúȡéȡé nɔ wó. ¹⁰ Vɔ gbɔxúé núxɔnwó lává lɔ, wo ȡólá nú mawugnɔ nɔ dukɔnwó. ¹¹ Gatsimɛ wo lá lé mi yí wo lá sɔ mi dáshí lɔ, mi ŋgbe vɔn nɔ nyɔ tsi mi lá núo. Ðóa le gaxɔnmɛ tútú lɔ, nyɔ tsi mi lá núlɔ wo lá sɔ na mi. ŋdé nyi miwó yi la xó núxó, vɔ gbɔngbɔn kɔkɔɛ yɔ. ¹² Nɔví lá sɔ nɔví sa bé ne woa wui, yí étɔ' lá sa eviɛ. Ðeviwó lá shíté ȡó wó tɔwó ŋtsi bé wo né kú. Amɛshiamɛ lá gbé hamɛ nɔ mi ȡó axin nyíkɔ ŋtsi. ¹³ Vɔ amɛtsi lá dódji kaka sɔyi enuwuwua lá kpɔ ȡeȡe(xɔxɔ). ¹⁴ Gatsimɛ mi kpɔ núgbangban ȡó vɔnvɔn wó mévává le fitsí ŋdé ȡó lá djɔ leo lɔ - ametsi le hlinhlinwɔa ne sé gɔnmɛ - Amɛ tsiwóé le Yuda nyigban djí wo né shí ayi etówó djí. ¹⁵ Amɛ tsi le exɔtamɛa ŋgbé ȡi va axúéɛmɛ bé yea vá sɔ núȡé kpuikpuio. ¹⁶ Yí ametsi lé gbemea ŋgbé gbɔ vá sɔ yió wulɔgbɔ. ¹⁷ Vɔ babɛ nɔ nyɔnu tsiwóé lá fɔfu kú ysiwóé lá nɔ anɔ' dówɔ nɔ evi le gbexɔngbewó. ¹⁸ Mi dógbeȡa ne ŋgbe va nyí fáfá wó gamɛo. ¹⁹ Ðólɔ gaxɔnmɛa vévésésé gánȡé lá nɔ anyí tsi ŋdé djɔ só gɔnmedjedje kpɔ, yí ŋdá gbe vá djɔ lé xixéɛ mɛ gbeȡeo. ²⁰ Né Mawu ŋdé ȡíȡí ŋkeke xɔnwó, gbaza ȡé ŋdá kpɔ ȡéȡéo. Vɔ sɔ kuȡó amɛ tsántsán, ame tsiwó étsánwó ŋtsia, ŋkeke xɔnwó lá ȡíȡí. ²¹ Kexɔn, ne ameȡé nú nɔ mi bé: "Mi kpɔȡá, kristoɔ lɔ ke!" aló " Mi kpɔȡá, yí ke" Mi ŋgbe kánȡódío. ²² Ðólɔ, améblé Kristowó kú améblé nyɔnúdaȡɛtɔwó lává zɛn. Wo lává wanɔ djeshiwókú ŋdandónúwó bé , ne wo lá kpéŋtsi lɔ, ne wɔa blé amɛ tsántsánwó tsán. ²³ Mi nɔ ŋuzɔn, ŋ nú nyɔ yɛwó nɔ mi daȡɛ. ²⁴ Vɔ lé vévéséséyɛ wó ŋgbédemea, Nyidɔn lá dó vivitsí, wlétsi lá bu yió kɛnklɛn, ²⁵ wlétriviwó lá gɛn só djiŋkúshí, djiŋkúshí yió ŋsɛnwó lá húnhún. ²⁶ Kexɔn, wo lá kpɔ Agbetɔ wó viɛ yi lá ȡíȡí le linlinkpówó djí, kúdó nusɛn ganȡé kú dódóȡódjí. ²⁷ Yí élá dɔn yió mawudɔlawó, yí éla xóxú yió ametsántsánwó só aya ameneɛwó djí só anyígbán wó vɔvɔxúé sɔ yi djiŋkúshí wó vɔvɔxúé. ²⁸ Mi kplán élódódó só (figier) ŋtsi. Né eshi ȡó yió lɔzɛnwó yi édó ama lɔ, mi nyanɔ bé ézóme tɔ ȡó vɔ. ²⁹ Nénéké, né mi va lé núxɔnwó kpɔwɔ yió lé djɔdjɔwɔa, mi tó né mia ȡékiwó bé é gógó vɔ. É ȡó hɔntrúɔ djí. ³⁰ Le nyawótótó me lɔ, ŋ le núniwɔ ne mi, djidjime yɛ ŋdé dja váyi, gbɔxué núxɔnwó lá djɔ. ³¹ Djiŋkushí kúdó anyígbanwó lá vá yi, vɔ enyɔ xinyɛnwó ŋdá váyio. ³² Vɔ sɔ kuȡó ŋkeke aló gaxoxoa ŋtsialɔ, ame ȡé kpokpui ŋdá nyán, neneke mawudɔlawɔ tsán ŋda nyán, éviɛwó tsán ŋdá nyán, vɔ Mawu ȡékɛ pɛ kpoé la nyán. ³³ Mi kpɔ nyuiȡé! Mi nɔ ŋzɔn ȡo mi !ŋdé nyán gaxoxo tsi mɛ yi ela vá djɔ. ³⁴ É le shigbe axúétɔ tsi yi le emɔdjí néné, é ȡashí axúɛ nɔ yió subɔviwó. É ȡó édɔ nɔwó ȡéká ȡéká. Étó nɔ agbódjí sɔdja bé né nɔ ŋzɔn. ³⁵ Mi nɔ ŋzɔn, ȡó mi ŋdé nyán gatsimɛ axúɔ lává. É lá tɛn trɔvá wétrɔmɛ, aló ézandomɛ, aló fɔnfɔn mɛ futu. ³⁶ Né évá lé manyá mɛ lɔ,ŋgbe vá kpɔ mi le alɔndɔnxuéo. ³⁷ Nutsi tówɔ ŋlé nɔ mi lɔ, ŋ le tótóewɔ ne amɛshimɛ: mi nɔ ŋzɔn.