¹ Gatsime yi wo gogo Jerusalɛm, Betfagé ku Batani gbɔ, le olivier wó tóa gbɔ lɔ, Yesu dɔn yio nukpanvi ameve ² le totowɔ nɔwó bé:"Mi yi kɔxúé tsi le ŋkɔ nɔ mia mɛ. Né mi ȡo zéȡéká lɔ, mi la kpɔ ésɔviȡé tsi wó doka, tsi dji ameȡekpokpui ŋdé kpɔ ȡéo. ³ Mi ȡékɛ né mi asɔ vá nuŋ. Né amɛȡé biɔ mi bé ŋdé ŋtsi mi le nuxɔn wawɔ ȡo mea, mi ȡoŋtsi ni bé, axuétɔlɔ hin yi gabumea, éla gbe tashi yi ela gbɔva fiɛ." ⁴ Wó yi kpɔ esɔviɛlɔ le ekamɛ le agbóȡédji le emɔlɔ wó xadamɛ. ⁵ Yi wo ȡékɛ. Amɛ tsi woé le xɔn wo biɔwo be ŋdé ŋtsi mi ȡéka sɔviɛ ȡo? ⁶ Wo ȡoŋtsi shi le tsi Yesu nu nɔwo nene. Yi wo ȡémɔ nɔwo bé wone sɔ esɔviɛ yi. ⁷ Nukplanvi eveɛwo sɔ esɔviɛ va nɔ Yesu yi wosɔ wo wu kɔȡodji ne Yesu ya téŋ dédji. ⁸ Ame sugbɔwo sɔ wo vɔwo ȡoȡo emɔlɔ dji, mɛȡéwo ȡo atsi lɔzéwo tsi woso lé egbewo mea. ⁹ Amé tsiwoé lé ŋkɔ kudo ŋgbedeme ni wo le axuɔùa dowɔ bé:"Hosanna! ¹⁰ wo yra ame tsi vá lé axuétɔlɔ wo nnyikɔ mɛ. wo yra mia tɔ David wo fiaduxuéa wo vává! Hosanna nɔ ametsi le djiŋkushi wo kɔkɔxué. ¹¹ Yesu ȡo Jerusalem wo duɔ me yi eyi gbedoxomɛ. Tsi ekpɔ enuwo kéŋkéŋlɔ, ézan tɔ dodo, yi edjo yi Betani ku yio nukplanvio. ¹² Tsi etrɔva Betani lé yio ŋkebe lɔ shive tsi. ¹³ É nɔ azɔgé yi kpɔ (figuier) tsi dji ama sugbɔ léa. Tsi gogui lɔ, ama kɛȡɛ kpo ékpɔ lé dji, ȡolɔ, ŋdé nyi (figue) wo sɛnsɛn wo gaméo. ¹⁴ É tó ni bé:"Ameȡékpokpui ŋda gbe ȡu ku sɛnsɛn tɔwo." Yio nukplaanvio le etó ȡoéwɔ. ¹⁵ Wo va ȡo Yerusalem yi eȡo gbedoxome yi tɔ enusatɔ ku enuxletɔwo le gbedoxɔame. É gban egagbantɔwó kplɔnwó ku huanlinsatɔwo gbanwó, ¹⁶ ŋdé ȡémɔ ne ameȡé bé ya sɔ ŋȡé ava sa le gbedoxɔlɔ meo. ¹⁷ É fia nu wo yi nu bé"wo ŋdé ŋlui lo,' wo la yɔ axué nye mɛ bé dukɔnwo wó gbedoȡa xomɛ? Vɔ miɔ misɔ va wa efi fin xué. ¹⁸ Vɔsatɔganwo kudo nuŋlɔntɔwo wo sé nutsi é toa, yi wo dji bé yewoa wui. ¹⁹ Vɔ wole vɔnvɔnwo ni, ȡolɔ, ameha lɔ kpɔ djidjɔ ȡo yio nufiafia ŋtsi. Le wétrɔme lɔ édjo le eduɔ mɛ. ²⁰ Tsi wo to hɔn ŋdékanyi mea, wo kpɔ bé(figuier) ku kaka yi yio kɛn mɛ. ²¹ Piyɛ ȡo ŋkudji yi enu bé:" Nufiatɔ, kpɔȡa! (Le figuier) tsi wo sɛnkpsɛn nɔ lɔ ku. ²² Yesu xɔ nuxó yi tó nɔwo bé, mi ȡo xɔsé ȡo Mawu dji. ²³ Le nyawo me ŋle totówɔ ne mi, né ameȡé tónɔ étó xɔn bé:"Mawu né kɔkɔ né ya sɔ daȡo axu me" yi le nunuiwɔ yi ŋdé vɔn le yio djiméo vɔ kanȡodji bé nyɔ tsi nuwo yelea la va emea, nuxɔn yi Mawu la wa nɛ. ²⁴ Yiŋtsia, ŋ le nunuiwɔ némi bé, nu tsiwo kpata mi la biɔ tó gbédoȡa méa, mi xɔɛsé bé mixɔɛ djéŋkɔ yi ela nyi miatɔ. ²⁵ Né mile eténu le gbédoȡa wawɔa, mi ȡo la sɔ nu tsiwo kpata miȡo ȡo ameȡé ŋtsia, né mia tɔ tsi lé djiŋkushia né ya kpéŋtsia sɔ mia nuvɔnwo kemi. Vɔ ne mi ŋdé sɔ kéo lɔ, mia tɔ tsi le djiŋkushia ŋda kpéŋtsia sɔ mia nuvɔnwo ²⁶ kémio. ²⁷ Wó trɔ gbɔva Jerusalem ke. Gatsime Yesu le esa ȡiwɔ tó gbedoxɔamea, Vɔsatɔgan kudo enuŋlɔtɔ, hamɛ meganwo va egbɔ. ²⁸ Wo tó ni bé:"Nu atsɛkpakpa tsi wosɔ le nuyɛwo wawɔ yi ameŋdé yi sɔ atsɛkpakpayɛ na? ²⁹ Yesu ȡoŋtsi nɔwo bé:"Na biɔ enyɔ ȡékɛ mi. Né mi ȡoŋtsi nuŋ lɔ na nu fitsi ŋ kpɔ atsɛkpakpayɛ so nɔ mi. ³⁰ Batɛm Ejan tɔ ȡé, djiŋkushi eso aló agbetɔ gbɔ eso? Mi ȡoŋtsi. ³¹ Wo le susu ȡéwɔ lé wo nɔnuiwo me yi le enyɔ tsánwɔ bé:"né mi tó bé,'eso djiŋkushi lɔ' éla to bé 'ŋdéŋtsi mi ŋdé xɔɛ djiséo?' ³² Vɔ né mi tó bé'eso agbetɔwo gbɔlɔ'...Wolé amehalɔ vɔnwɔ, ȡo yɛ lé kpɔkpɔɛwɔ bé nyɔnudaȡɛ tɔ. ³³ Yi wo doŋtsi nɔ Yesu bé:"mi ŋdé nya" Yi Yesu nu nɔwo bé:"Nyétsán nye ŋda nu atsɛkpakpa tsi ŋsɔ le nuyɛwo wa nɔ mio.