¹ Mi kpɔ enyɔ nyui tsi kuȡó Yesu, Mawuwóviɛ ŋtsilɔ ke. ² Enyɔnudaȡɛtɔ Ezayi ŋluin le yio nyɔnunumɛ bé"Mi kpɔ, ŋ sɔ aŋɛndótɔ tsinyɛn le ȡóȡówɔ ȡeȡa mi, tsi la djra mia mɔwó ȡó. ³ É le tótówɔ ne ametsiwóé le toȡóewɔ le zogbeɛme bé wó ne djraȡó ne axuétɔlɔ. ⁴ Eján va, yí ele amɔwó nyrɔwɔ le zogbeme yí le nuxó xowɔ kuȡó djimɛtrɔtrɔ yió nyɔnyrɔ ne nuvɔnwó sɔsɔke ŋtsi. ⁵ Ame gbógbóȡé só Judea kudo Jerusalem duganwóme yí le zogbeɛdji le Eján gbɔ. É nyrɔnwó le Jordan yio tɔ me yí wóle nuvɔnwó gɔme hunwɔ. ⁶ Eján dó zogbedjisɔ yio gbazawu, langbaza lindjíblanú le alin ni. Le gaxɔnmelɔ, é ȡunɔ abɔ ku zogbeme nyishi. ⁷ Le gaxɔnme lɔ, enú mawunyɔ be: zanȡé viɛ ametsi klowuŋ lɔ lava. Neŋsɔɛ sɔkú ȡekinyɛn lɔ, nye ŋde nyi nuȡeó. Nye ŋde djé latú yio fɔkpakawó. ⁸ ŋ nyrɔn mi kúdó shi, vɔ yɛ lava nyrɔn mi kúdó gbɔngbɔn kɔkɔɛ. ⁹ Le gaxoxo tsi me Eján le mawunyɔ tówɔlɔ, Yesu só Nazereti, le Galilé nútowóme va, yí Eján nyruin ȡó Jordantɔ me. ¹⁰ Tsi Yesu tó le tɔme lɔ, lílíkpówó hun yí Mawu wó gbɔngbɔn ȡi ȡódjí. Mawu wó gbɔngbɔn ȡíȡí le huanlin wó nɔnɔme mɛ. ¹¹ Yí egbeȡiȡi só djiŋkúshi yi nú bé:"Wó yi nyí evinye tsi lɔnlɔntɔ. ŋ kpɔnɔ ŋdjedje ȡo ŋtiwó." ¹² Yí Mawu wó gbɔngbɔn kplɔ Yesu yi zogbeme. ¹³ É nɔ xɔn wa ŋkeke eka(40), Abusaŋ teekpɔ. Elanlenúwó nɔ xɔn vɔ mawudɔláwó lebe ni. ¹⁴ Tsɛ wó ŋgbedemelɔ, tsi wó lé Eján dó gakpáme vɔa,Yesu Galilé, afitsi evɛ le Mawunyɔ tówɔ lea. ¹⁵ É nɔnɔ núnúwɔ bé:"Gaxoxoa ȡodjí vɔ. Zanȡé viɛ Mawu laá ȡeefia bé yí nyí fiɔ. Mi trɔ le mia núvɔnwó yome ne mia tashi lewóŋtsi ne Mawu yasɔwó kemi. Mi kánȡó enyɔnyuiɛlɔ djí. ¹⁶ Gbéȡéká, tsi Yesu le azɔnli zɔnwɔ le Galilé tɔtó lɔ É kpɔ ŋsu ameve, Simon kú nɔviɛ André. Wó le eȡɔ dawɔ. Wó kpɔnɔ ega le eȡɔdada me. ¹⁷ Yesu nú nɔ wó bé:"shigbe letsi mi le eȡɔdawɔ yi le lanvi léwɔ nenelɔ, mi kpɔŋdó, yí nasɔ mi wa agbetówó ȡétɔ. ¹⁸ Zéȡéká, wó ȡashi eȡɔwó damȡɛ yí wó kplɛdó. ¹⁹ Le ŋkɔ víȡélɔ, Yesu kpɔ ŋsu améve, Jaki kúdó nɔviɛ Eján, tsiwóé nyí Zébédé wó viwó. Wó ame eveɛwó le tɔdjíhún me le wó ȡɔwó djrawɔ ȡó. ²⁰ Zéȡéká tsi Yesu kpɔ wó lɔ, É tó nɔwó bé miva miayi zéȡéká, wó tashi wó tɔ' Zébédé kú dɔwaviwó ȡó tɔdjíhúnlɔ me yi kplɔ Yesu do. ²¹ Yeu kúdó yio núkplanviwó yiȡó Kapɛnaum le Sabatizán gbé, é gɛnȡó gbedóxɔmɛ; tɔ enú fíafía amɛha gbógbóȡé tsi le xɔn. ²² Nɔnɔmɛ tsi esɔ le enú fíafía wawɔ kpátsá amɛwó. É le enúɔ fia kú atsɛkpakpaȡé tsi tóvo ne ayémenú watɔwó tɔ. ²³ Dawɛȡé tsi me gbɔngbɔnvɔnwó lea le gbedóxɔ tsi me Yesu le núfiafia wawɔ lea. ŋsuɔ tɔ axúá djí, ²⁴ le gbɔngbɔnvɔn lɔ wó ŋsɛn mɛ. Hé! Yesu miɔwó gbɔngbɔnvɔnwó mi ŋde ȡó nuȡé la wa nɔ ewo. Wo dja vá tsrɔn mí yea? ŋ nyá ame tsi wo nyiá. Wo nyí kɔkɔɛ tsi só Máwu gbɔa. ²⁵ Yesu gbé enyɔ nɔ gbɔngbɔnvɔn lɔ le núnúwɔ bé: bɔnu ne nɔ tó le daweɛ mɛ. ²⁶ Gbɔngbɔnvɔn lɔ húnhún daweɛ kú adán. É dó axuá sɛnsɛnȡé yi tó le daweɛ mɛ. ²⁷ Ame yio kpata le xɔnlɔ wó tsáká, wóle enyɔ hɛnwo le wonɔnɔɛwó dome yi nu be: eyɛ kpátsá ame ŋtɔɛ! ŋdenyi be efia enu yéyéwó kpoyɔ vɔ kudo ŋsɛn, eɖegbe ɖo gbɔngbɔnvɔnwó djí yi woɖotóé. ²⁸ Zéɖéka amɔwó kankan nútsi Yesu wa ɖo Galilé nútówó me. ²⁹ Yi edjo le gbedoɖá xuéá, Yesu, Simɔn ku André, wonɔdu kúdó Jaki ku Ejan yí wó yi Simɔn kúdó André wó xóme. ³⁰ Simɔn lɔnxóalɔ le anyimlɔnxué ɖó vivɔ kɔɖɔdjí. Zeɖekalɔ wo nu nyɔlɔ nɔ Yesu. ³¹ Yesu yi nyɔ nulɔ gbɔ, yí ele alɔ ni shíte. Vivɔlɔ kan nɔ nyɔnuɔ zeɖeka yi etɔ dɔsɔsɔ nɔwó. ³² Le wuetrɔ xɔn gatsime ewe ɖóxɔ vɔlɔ amɔwo kɔkɔ dɔnɔwo ku ame tsiwó me gbɔngbɔnvɔn lewó va Yesu gbɔ. ³³ Amɔwo keŋkeŋ va bɔ do Simɔn yíó gbódji. ³⁴ Yesu dadɔ ne ame sugbɔ tsi woé ledɔ vovowó. E degbe ɖo gbɔngbɔnvɔnwó djí be ne wóató le amewó me. ŋde ɖemɔ nɔ gbɔngbɔvɔnwó be wone to enyɔ so yeŋtsio nuyiŋtsia wonya be yí nyi Mawu yio kɔkɔɛtɔlɔ. ³⁵ Tsi eŋukelɔ, le fɔnfɔnme fut ulɔ, Yesu djoyi zogbedji yi vɛ le gbedowɔɖá. ³⁶ Simɔn kúdó yitɔwo vɛ djí. ³⁷ Tsi wo kpɔɛ lɔ, wo núní bé"amewó so du vovowó me va le djídjíɔ" ³⁸ E to nɔwó bé, "Mi ɖólá yi edu buwó me be miasɔ enyɔnyuiɛlɔ nɔ wótsán, yiŋtsi ŋva xixeɛme ɖó. ³⁹ É yi Galilé wó xúxoxúé(synagogue) wó me fitsi Yesu tó mawunyɔ le yí egbe nyan gbɔngbɔnvɔnwó tsán le. ⁴⁰ Gbeɖekalɔ, ŋsu ekpodɔnɔtɔɖé vá Yesu gbɔ. Edó enu gun le kúkúɖéɔ ní bé: "Yɔdɔnuŋ ɖo ŋsɛn le ashio be na naŋ lamesɛn ne wodjróa." ⁴¹ Yio nu wa ŋshinshin nɔ Yesu ŋtɔ, yi evlun alɔ sɔtɔ ŋsuɔ yi tóní bé: "ŋdjró, xɔ lamesɛn." ⁴² Zeɖeka, kpodɔlɔ vɔ ní. ⁴³ Yesu dósé ní ŋtɔ gboxué bé né djóyi. ⁴⁴ Enyɔn tsi Yesu nuni ke: "ŋgbe nu enútsi djɔ ne ameɖeo, bohun nayi avɔsatɔgánɖé gbɔ nasɔ ɖekio fiɔɛ ne yatɛn kpɔ, le etsɛ godolɔ, wa kɔkɔɛnyínyí yio vɔsa tsi Moyisi fia ne yatɛn nyi kúnúɖeɖe né dukɔn tsi me wósó.