¹ Yésu yi Oliviers wo éto dji. ² Le fɔnfɔn mɛa, égbe yi gbédoȡa xɔmɛ, yi dukɔn a keŋkeŋ va égbɔ. E nɔn anyi yi i tɔ énu fiafia wó. ³ Womanwlɛn tɔ'wo kudo farizi tɔ wo kplɔ nyɔnnu ȡe tsi o lé ahasi gbé mɛa va. Wo sɔɛ ȡo dodo mɛ nɛ dukɔn a. ⁴ Yi wo to nɛ Yésu be:" Axuétɔ, o lé nyɔnu tsɛ le gatsimɛ yi i le ahasi waɔ. ⁵ Sɔ zɔn Mosé o séɛ dji a, éhian wa xɔkpé enu tsɛ xa watɔ. Enyɔn soso ŋȡe yi le asi o?" ⁶ Wo nu ényɔn tsɛ a sɔ tikpɔ nɛ wa teŋ sɔ ényɔn ȡo éŋtsi. Vɔa Yésu, yi tɔ énu ŋɔnŋlɔn kudo alɔvi ȡo ékɔ mɛ. ⁷ Gatsi mɛ wo kpɔtɔ le hɔnhlɔn wɔ a, Yésu sité yi to nɔn wo be:" Mía domɛ tɔ tsi ŋtsi nuvuín ŋȡe léo wa nɛ sɔ ékpé nɛ ya dɛ djéŋkɔ". ⁸ E gbé trɔ bɔbɔ, tɔ énu ŋɔŋlɔn kudo alɔvi ȡo anyigban. ⁹ Tsi wo sé ényɔn tsɛa, wo tɔ djodjo ȡéka ȡéka, so amɛ sínsín wo dji. ¹⁰ Vɔvɔ nua, Yésu kudo nyɔnuɔ ȡekɛ kpo yi va kpɔtɔ. Efɔn yi dji, biɔ nyɔnnuɔ se be:" Nyɔnu, fiȡe amɛ tsi wo sɔ ényɔn ȡo ŋtsi o wo ȡe? ¹¹ Amɛȡe ŋȡe bufɔn o lo?" Nyɔnuɔ to be: " O axuétɔ amɛȡe ŋȡe bufɔn ŋ o" Yésu to ni be: " Nyɛ tsan, nyɛ ŋȡa bufɔn o. Trɔ yi axomɛ yi ŋgbé wa nuvuín ke o". ¹² Yésu gbé trɔ xonuxo nɔn amɛha le nunuɔ be " Ŋnyi xixé lɔ o kinklin; amɛ tsi kplɔ ŋdo ŋȡa zɔn le vivitsi mɛ o, vɔa ela xɔ agbé o kinklin". ¹³ Farizia tɔ wo to ni be: " O le ȡasé ȡuɔ so dokui o ŋtsi; ȡasé tɔ o ŋȡe nyawó." ¹⁴ Yésu ȡo eŋtsi nɔn wo be: " Nɛ ŋgbé le ȡasé ȡuɔ so dokuinyɛ ŋtsi tsan, ȡasé tsinyin nyi nyawo. ŋnya afitsi ŋso, yi ŋnya afitsi yiɔ yi ŋlé; vɔa miɔwo mi ŋȡe nyan afitsi ŋso, alo afitsi yiɔ ŋlé o. ¹⁵ Mi le kodjo ȡoɔ sɔ kuȡo ŋtsilan ŋti; nyɛyɛ nyɛ ŋȡe le kodjo ȡoɔ nɛ amɛȡe o. ¹⁶ Nɛ ŋgbé ȡo kodjo tsan, kodjo ȡoȡo tsinyín djɔ, ȡo ŋȡe ényin ȡekɛ yɔ, vɔa ényɛ kudo étɔ tsi dɔŋ ȡoȡa yɔ. ¹⁷ Le ésé miatɔ mɛa, o ŋlui be amɛ éve wo ȡasé ȡuȡu nyi nyawo. ¹⁸ Enyɛ yi le ȡasé duɔ so ȡokui nyɛ ŋtsi, yi étɔ tsi dɔŋ ȡoȡa tsan du ȡasé nuŋ. ¹⁹ Wo to ni be: "Fiȡe étɔ wo le?" Yésu ȡo eŋtsi be: " Mi ŋȡe djési ényɛ alo é tɔ nyɛo; nɛ mi ke djésiŋ ya, mi la djési étɔ tsan. ²⁰ E le ényɔn tsɛ wo toɔ gatsimɛ i le énu fiaɔ le gbédoȡa xɔme afi tsi yi i nyi mɛ xɔ asi, yi amɛȡe ŋȡe tɛn li o, ȡo yi o gamɛ ŋȡe kpɔ va o. ²¹ E gbé to nɔn wo be: " Ŋ djo le yi yiɔ; mi la dji ŋ yi mi ku le nuvuín wawa o mɛ. Afi tsi yiɔ yi ŋléa, mi ŋȡa teŋ va o ²² " Juif wo biɔ o nɔnnui wo se be : " Alo e ȡo susu be ya wu yedokui gatsimɛ yi i le nunuɔ be " mi ŋȡa tɛŋ va afi, tsi yiɔ yi ŋlé o ya?" ²³ "Yésu to nɔn wo be: " Mi nyi anyígban dji fiɛ tɔ; ényin yɛ ŋ nyín djiŋkusi tɔ. Mi nyi xixé tsɛ mɛ tɔ; nynɛ yɛ nynɛ ŋȡe nyin xixé tsɛ mɛ tɔo. ²⁴ Exɔn ŋtsia ŋ to nɔn mi be mi la ku tsi nuvuín mia tɔ wo mɛ. Nɛ mi ŋȡe dui djési be ényin yɔ o wa, mi laku tsi mia nuvuín wo mɛ. ²⁵ Amɛ ŋȡe yi o nyi"? nɛnɛ yi wo biɛse. Yésu ȡo eŋtsi nɔn wo be: " Enyɔn tsi ŋ nu nɔn mi so gɔmɛdjédjé. ²⁶ So mia ŋtsi a, ŋ ȡo ényɔn sugbɔ la nu kudo éhuɛ soso nɛ amɛ sugbɔ. Vɔa, amɛ tsi dɔŋ doda to nɔn nyãwo; yi énu tsi ŋ se so égbɔa ȡeȡe kpo toɔ ŋlé nɔn xixéɛ. ²⁷ Wo ŋȡe se égɔnmɛ be étɔ lɔ ŋtsi yi ilé nuxo xoɔ nɛ yewo so. ²⁸ Yésu be: " Gatsimɛ yi mi la doŋ ȡo édji vɔa, mi la nya be ŋ nyin huíntɔ yi nyɛ ŋȡe le énu ȡe waɔ le ahũn djro mɛ o. ²⁹ ŋ le ényɔn tsɛ wo nuɔ, sigbé létsi étɔ nyin fia nɛnɛ. Amɛ tsi dɔŋ ȡoȡa le kudo ŋ, ȡo énu tsi djɔnɔdji ni kɛȡɛ ŋ wɔnɔ. ³⁰ Tsi Yésu le ényɔn tsɛ o nuɔ, amɛ sugbɔ xɔ édji sé. ³¹ Exɔn a, Yésu xo nuxo nɛ jufo yi wo xɔ édji sé: " Nɛ mi nɔn agbé le ényɔn tsinyɛ mɛa, éȡefia be mi nyi sumɔnvi nyɛwo; mi la djesi nyawoɔ, ³² yi nyawoɔ la sɔ mi sɔ wa amɛ tsi wo vo. Wo ȡoŋtsi ni be: ³³ " Mi nyin Abraham o djidjimɛ vi wo, yi mi ŋȡe nyi kluvi nɔn amɛȡe kpɔ o; ŋȡe ŋtsi o la nu be mi la nyi vovo mɛ o ȡo"? ³⁴ Yésu ȡoŋtsi nɛ wo be: " Nyawo, nyawo, ŋ le nunuɔ nɛ mi, amɛȡe kpékpi tsi wa nuvuín a trɔ zun amɛ xuéxlué nɛ nuvuín. ³⁵ Kluvi ŋȡe nɔnnɔ axomɛ sɔ yi o. Vɔ a, éviɛ yɛ la nɔn xɔn tɛgbɛ. ³⁶ Ehɔn a, nɛ éviɛ ȡudji nɛ mia, mi trɔ zũn amɛ vovo o. ³⁷ ŋ nyan be mi nyi abraham o djidjimɛ viwo; Ŋ nya be mi le djidjiɔ la wũŋ ȡo mi ŋȡe xɔ ényɔn tsinyín wo dji sé o. ³⁸ E nyɔn tsi o nuɔ ŋ le a, wo nyi énu tsi o étɔ nyɛ wa yi ŋ kpɔ, yi mi wo tsan mi le énu tsi mi se so mia tɔ wo gbɔ wa. ³⁹ Wo ȡoeŋtsi le nunuɔ be: " Mia tɔ nyi Abraham." Yésu to nɔn wo be:" Nɛ mi ke nyi Abraham o vio wo a, mi la wa yé o dɔ wo. ⁴⁰ Mi le djidji ɔ boŋ be yé wa wu amɛ tsi le nyawo tsi i sé so mawu gbɔ toɔ nɔn mi. Abraham ŋȡe wa enu nɛnɛtɔ o. ⁴¹ Mi le mia tɔ o dɔ wo wa. Wo to ni be: " Mi ŋȡe nyi ahasi vi wo; étɔ ȡeka yi le mia si, mawu ⁴² Yésu to nɔn wo be: " Nɛ mawu ke nyi mia tɔ a, mi la ke lɔŋ, ȡo ŋ to le mawu mɛ yi ŋ so émɛ; nyɛ ŋȡe so ȡokui nyɛ mɛ o, vɔ a , yi ȡɔŋ ȡoȡa. ⁴³ ŋȡe ŋtsi yi mi ŋȡe le ényɔn tsi nyɛ wo gɔn mɛ seɔ? Nutsi ŋtsia mi ŋȡa tɛŋ wa ȡo o djio. ⁴⁴ Mi so satana tsi nyi mía tɔa mɛ, yi mi dji la wa mía tɔ o djidji wo. So gɔnmɛ djédjéa e nyi amɛ wutɔ; ŋȡa tɛŋ le nyawoɔ ȡo asi o, ȡo nyawo ȡe ŋȡe le yi ŋtɔ mɛo. Nɛ élé nusu kan ɔ gaȡe mɛa, élé wawɛɔ ȡo yeŋtɔ o nɔ̂nɔ̂ mɛ dji ȡo e nyi nusu kantɔ, nusu wo tɔ. ⁴⁵ Ganké a, mi ŋȡe le kankan ɔ ȡo djinyin be ŋ le nyawo to wɔ. ⁴⁶ Amɛ ŋȡe yi le mia domɛ la tɛŋ ȡu dji nyín be ma wa nuvuín? Nɛ ŋ le nyawo toɔ, ŋȡe ŋtsi yi mi ŋȡe xɔnɔn djinyɛ séo? ⁴⁷ Amɛ ȡe tsi nyi mawu tɔa, ȡonɔn éto mawu o nyɔn; vɔa, mi ŋȡe donɔn éto ényɔn lɔ ȡo mawu tɔ tsi mi ŋ ȡe nyi ŋtsi o. ⁴⁸ Juifs wo ȡoŋtsi ni be: " Enyɔ ŋȡe djɔ nɔn mi nɛ mi to be o nyi Samaria tɔ, be o nyi satana o wa? ⁴⁹ " Yésu ȡoeŋtsi nɔn wo be: " Satana ŋȡe le asinyɛ o; boŋ a, ŋ donɔn étɔ nyɛ ȡo édji, yi miɔ wo ya, mi ȡenɔn ŋkpɔtɔ. ⁵⁰ Nyɛ ŋȡe djinɔn axũn dodo ȡo édji o; vɔa amɛȡe tsi djinɔn yi gbé ȡonɔn kodjo. ⁵¹ Nyawo, nyawo, ŋ le totui ɔ nɛ mi, amɛtsi la lé ényɔn tsínyɛ ȡo asi a, ŋȡa ku o. ⁵² Juifs to ni be, " Fifiɛ a mi nyan be satana le mɛ o. Abraham kudo ényɔn nu daȡɛ tɔ o ku; gankéa o le toto ɔ be amɛ ȡe kpikpi tsi le ye o nyɔn do asia ŋȡa ku o" ⁵³ Ŋ ȡe wugan mi tɔ Abraham tsi ku o, alo?Eyɔn nudaȡɛ tɔ o tsan ku. Le o le ȡokui o kpɔ ȡo? ⁵⁴ Yésu doeŋtsi be: " Nɛ ŋ do dokui nyɛ do dji a, dodo ȡo édji ɛ nyi énu gbalo. Etɔ nyɛ tsi o nyikɔ mi le yɔyɔ be ényi yéo mawu, yi donɔŋ ȡo édji. ⁵⁵ Mi ŋȡe djési o vɔ a, nyɛyɛ ŋ djési. Nɛ ŋ to be nyɛ ŋȡe djési o wa, na nyi nusu kan tɔ. Gankéa, ŋ djési yi ŋ le yi o nyɔn ȡo asi. ⁵⁶ Edji djɔ mia tɔ Abraham be ye kpɔ ŋkeke tsinyin; ékpɔɛ yi i ȡɔ kudo djidjɔɛ. ⁵⁷ Wo to ni be: " ŋȡe kɔ̂ ȡo éxué katakpo tétio, yi o be ye kpɔ Abraham?" ⁵⁸ Yésu ȡo eŋtsi nɔ wo be: " Nyawo, nyawo, ŋ le toto ɔ nɔn mi be, keŋ gbɔ xué wa dji Abraham, ŋ le. ⁵⁹ Wo sɔ ékpé o be ye wa dɛ vɔ a Yésu be yi to le gbédaȡa xɔlɔmɛ.