¹ Le enu xɔn wo yomɛa yesu djo yi galilea o to godo tsi ogbe yɔnɔn be tibériade. ² Amɛwo sugbɔ dje yomɛ ni ɖo wo dosi ŋdandonu tsi wo yi le wawa le donɔn wo ŋti. ³ Yesu djo yi etoɔ o axadji vɛyi nɔn anyi kudo yio nukplaviwo. ⁴ (Paké, juifu wo xué gogo). ⁵ Exɔ̂ a, yesu kɔ ta yi dji yi ikpɔ amɛha ganɖe zɔngbɔnɔ̂ egbɔ, etonɛ filipo be: fiɖe mi la xlué kpɔnɔn le a sɔ na ŋɖuɖu amɛ gbogbo tsɛwo ! ⁶ (Exɔ̂ a yesu le enyɔ̂ tsɛ wo nuɔ asɔ do filipo kpo ɖo yeŋtɔ nya enu tsi yi ledja wa). ⁷ Filipo ɖoŋtsi ni be: enu wogɔ̂ katɔn ŋɖe su nɛ mia wlué kpɔnɔn nɛ amɛwo keŋkeŋ atɛŋ kpɔ ɖuo. ⁸ Nukplaviwo domɛtɔ ɖeka, Anɖré, Simon Pierre o nɔ̂vi, to nɛ yesu be '' ⁹ ɖekadjvi ɖe le fiyɛ tsi si kpɔ̂nɔ̂ amatɔ̂ kudo lanvi amɛve le, vɔa ŋɖe xɔ̂ la wa nɛ amɛ gbogbo tsɛ wo? ¹⁰ Yesu tonɔn wo be ''mi na nɛ amɛwo nɛ nɔn anyi'' (Egbé sugbɔ le texuɛ mɛ'' Exɔan amɛwo nɔn anyi sigbe hɛnhlɛ mɛ hotu atɔn nɛnɛ. ¹¹ Eyomɛa, yesu sɔ kpɔnɔn lɔ wo, tsi dogbéɖa ɖo woɖji vɔa, emi nɛ amɛsiamɛ. Esɔ kpaviɛwo tsan yi iman wo sigbé letsi yi djrui nɛnɛ. ¹² Tsi dukɔn lɔ ɖunu yi xodo ɖɔɛ vɔa, yesu to nɛ nukplaviwo be ''mi xotɛ kpɛtɛ lɔwo nɛ wo ŋgbe gbleo''. ¹³ Wo xotɛwo yi wo ɖɔ kisi amɛ wuive. ¹⁴ Exɔn a tsi amɛwo kpɔ ŋdandonu tsi yesu wa, wo tɔ nunu be ''amɛtsɛ nyi nyatoɖɛtɔ tsi ɖo la va xixeɛ mɛa nyao. ¹⁵ Tsi yesu nya be amɛwo la va leye akpasinsin tɔ a sɔ ɖo efia, edjo le wogbɔ yi azɔgé vɛ yi tsi étodji yiɖekɛ. ¹⁶ Tsi fiɛsimɛ ɖoa, nukplaviɛwo ɖiva axuɔta. wo ɖo aklomɛ tuta capernaum . ¹⁷ (Vivitsi do le gaxɔnmɛ vɔ yi yesu tsan ŋɖe kpɔ yi wogbɔo. ¹⁸ Aya ganɖe dje xoxo dji yi axuɔ tsan le adandji. ¹⁹ Tsi nukplaviɛwo ku akloɔ yi sigbé mɛtemɛ hinhlin amɛ gban nɛnɛa,wo kpɔ yesu sɔn le axuɔ dji gbɔnɔn aklo wotɔ gbɔ, yi vɔnvɔn dje wodji. ²⁰ Gankéa enunɔnwo be''Enyɛ yɔ! ²¹ Vɔnvɔn ŋgbe ɖo mi wo'' Wo dji la kɔɛ ɖo aklo wotɔ mɛ vɔa zeɖeka akloɔ gli ɖo ago tsimɛ yiɔ wolea. ²² Le ŋkeke xɔn godoa, amɛtsiwo tsi ago deɛ mɛa dodjesi be aklo dekpékpi ŋɖe tsi agoɔ mɛ le yewogbɔ wu aklo ɖekao. Yi tsan yesu ŋɖe zɔn aklomɛ kudo nukplaviɛ wo,ɖo woɖekɛ yi nɔn aklo wotɔmɛ sɔ yi ago. ²³ Gankea, aklo buwo so tibéria va fitsi wo ɖu kpɔnɔn le le yesu o gbedoɖa yomɛ. ²⁴ Gatsimɛ amɛha va kpɔ be yesu kudo nukplaviɛwo ŋde gbe le yewo gbɔ o wa,wo ɖo aklo mɛ dje yesu yomɛ yi kapernaum. ²⁵ Tsi wo vɛ keɖo ŋti le ago ɖea mɛa, wo to ni be: Nufiatɔ gaŋɖemɛ yi o va fyɛ! ²⁶ Yesu ɖoŋti nɔn wo be''nyao nyao mi le djidjiŋkɔ, ŋɖe nyi be ŋwa amlimanu ŋtio vɔa ɖo mi ɖunu yi mi ɖɔ xodo. ²⁷ Mi tɔte edɔ wawa ɖo ŋɖuɖu tsi wo gblenɔn wo ŋti, vɔa mi wadɔ nɛ ŋɖuɖu tsi la nɔanyi nɛ agbemavɔ tsi agbetɔ o viɛ la nami ɖo mawu etɔ djsi ɖoŋti. ²⁸ Wo trɔ biɛse be ''ŋɖe mi la wa a tɛŋ sɔ wa mawu o dɔ? ²⁹ Yesu ɖoŋti nɔn wo be: Edɔlɔ yi be:Mia xɔ amɛtsi dɔŋ ɖoɖa dji se'' ³⁰ Wo to ni be: ''ŋdãdonu ŋɖe o la wa nɛ mia kpɔ a sɔ xɔ djio se? ŋɖe o la wa?'' ³¹ Miatɔgbuiwo ɖu kpɔnɔn le zogbedji, sigbe letsi o ŋlui daɖɛ nɛnɛ'' Enawo kpɔnɔn tsi ge so djiŋkusi nɛ waɖu". ³² Yesu ɖoŋti nɔwo be,"nyao nyao, ŋɖe moisiyi nami d jiŋkusi o kpɔnɔ o, ³³ vɔa etɔnyɛ yi nami kpɔ̂nɔ̂ adodui so djiŋkusi. Ɖo mawu o kpɔ̂nɔ̂ yi nyi kpɔ̂nɔ̂ tsi ge so djiŋkusi, yí nana agb xixeɛ. ³⁴ O gbe nui be, "Axuetɔ nanɔ̂ mi kpɔ̂nɔ̂ xɔ̂ gbesiagbe. ³⁵ Yesu ɖoŋti nɔ̂ wo "nyi agbe kpɔ̂nɔ̂,amɛtsi va gbɔnyɛa fivé ŋɖagbe tsi gbeɖeo, yi amɛtsi xɔ djinyɛ sea sikɔ ŋgbe tsi gbeɖeo. ³⁶ Gâkea, ŋtui nɔ̂ mi " Mi kpɔŋ, vɔa mi ŋɖe xɔseo". ³⁷ Amɛtsiwo keŋ etɔ nyɛ sɔ naŋ woa, wo la va gbɔnyɛ, nyɛ ŋɖa gbe amɛɖe tsi va gbɔnyɛo. ³⁸ Ɖo ŋ so djiŋkusi va, ŋɖe nyi be mava wa djidji tsinyɛ wo, vɔa amɛtsi dɔŋ ɖoɖa o djidjiwo. ³⁹ Amɛtsi dɔŋ o djidji yi nyi be nyɛ ŋgbe bu amɛɖe amɛtsi wo isɔ do asimɛ nuŋ wo ŋtio, vɔa ma fɔ̂ wo le ŋkeke kpɔtɔɛ gbe. ⁴⁰ Ɖo djidji etɔnyɛ tɔ yi nyi be amɛtsiwo kpɔ eviɛ yi xɔ edji sea wo nɛ kpɔ agbemavɔ, yi nyɛya, na fɔ̂ wo le ŋkeke kpɔtɔɛ gbe. ⁴¹ Juifo wo ŋkɔ nɔ̂tɔ wo hluŋ ɖo ŋtsi, ɖo enube "Enyɛ yi nyi kpɔ̂nɔ̂ tsi so djiŋkusi". ⁴² Wo gbe be" Alo ŋɖe yesu, josefu o vi tsi mi nyâ etɔ ku enɔ̂ nao yɔo wa? ŋɖe ŋti yi la tonɔ̂ mi be ye ɖi so d jiŋkusi ɖo?" ⁴³ Yesu siâ do wo be," Mi tɔte hûhlû le mia nɔ̂nui wo domɛ. ⁴⁴ Amɛɖe ŋɖa tɛŋ va gbɔnyɛ nɛ etɔ tsi dɔŋ ɖoɖa ŋɖe tsiŋ o, yi nyɛ ya na fuí le ŋkeke kpɔtɔɛ gbe. ⁴⁵ Enyɔ̂ nudaɖɛtɔwo ŋlui be: Wo keŋ keŋ la xɔ nunyâ so mawu gbɔ. Amɛ tsi, tsi xɔ nunyâ so etɔ nyɛ gbɔa la va gbɔ nyɛ. ⁴⁶ Amɛɖe ŋɖe kpɔ etɔ nyɛ tovo nin amɛtsi so mawu gbɔ o, yɛ yi kpɔ etɔa. ⁴⁷ Nyâo nyâo, amɛtsi xɔsea la kpɔ agbe mavɔ. ⁴⁸ Ŋ nyi agbe kpɔ̂nɔ̂. ⁴⁹ Mia tɔgbui wo ɖu kpɔ̂nɔ̂ le zogbedji yi wo ku. ⁵⁰ Kpɔ̂nɔ̂ tsi ge so djiŋkusiɛ ke, amɛtsi la ɖu kpɔ̂nɔ̂ tsɛa ŋɖa gqbe ku o. ⁵¹ Enyí yi nyi kpɔ̂nɔ̂ tsi ɖi so djiŋkussi.Nɛ amɛɖe ɖu kpɔ̂nɔ̂ tsɛa, ela nɔ̂ agbe tɛgbɛ. Kpɔ̂nɔ̂ tsi yi na na mia, yi nyi ŋtsilã nyɛ nɛ xixeɛ o gbe. ⁵² Juifo wo se veve le wo nɔ̂nui wo domɛyi wo tɔ enu dɔ̂dɔ̂ be,"lede ŋsu tsɛ la tɛŋ sɔ yo ŋtilâ na mi nɛ mia ɖu ɖo?". ⁵³ Egodoa, yesu to nɔ̂ wo be" Nyâo nyâo nɛ mi ŋɖe ɖu agbtɔ o viɛ lɔ o ŋtilâ, yi mi ŋɖe nu yio hû o wa, mi ŋɖa kpɔ agbe le mia ɖokui mɛo. ⁵⁴ Amɛtsi ɖu ŋtilâ nyɛ, yi nu ehũ nyɛ la kpɔ agbemavɔ, yi nyɛ yɛ na fuí le ŋkeke kpɔtɔɛ gbe. ⁵⁵ Ɖo ŋtilâ nyɛ nyi ŋɖuɖu adodui yi ehũ nyi enu nunu adodui. ⁵⁶ Amɛtsi ɖu ŋtilâ nyɛ, yi inu ehû nyɛa, le mɛ nyɛ yi nyɛ tsâ ŋle yɛ mɛ. ⁵⁷ Sigbe letsi etɔ agbeagbeɛ dɔŋ ɖoɖa, yi sigbe letsi ŋle agbe ɖo ŋtia, nɛnɛ ke amɛtsi ɖu ŋtilâ nyɛa la nɔ̂ agbe ɖo ŋti nyɛ. ⁵⁸ Kpɔ̂nɔ̂ tsi ɖi so djiŋkusiɛ ke, ŋɖe le sigbe tsi mia tɔ wo ɖu yi wo ku nɛnɛo. Amɛ tsi ɖu kpɔ̂nɔ̂ tsɛa la agbe tɛgbɛ. ⁵⁹ Yesu to enyɔ̂ tsɛ wo le gbedoda xɔmɛ gatsimɛ yi le enufiaɔ le Kapernaum. ⁶⁰ Yi, nukplavi sugbɔ se enyɔ̂ tsɛ wo, yi wo tɔ nunu le wo nɔ̂nui wo domɛ be: Enu fiafia sɛŋ ŋɖe yi gbe nyi tsɛ, mɛɖe la tɛŋ xuɛ? ⁶¹ Yesu nyâ le ye ɖokuimɛ be nukplavi wo le hũhlũɔ ɖo enyɔ̂a ŋti. E to nɔ̂ wo be: Ezízí mi ya? ⁶² Nɛ mi djo kpɔ agbetɔ o viɛ djo yi edji le fitsi yi so va ɖe? ⁶³ Gbɔ̂gbɔ̂a yi nanɔ̂ agbe, ŋtilâ ŋtɔ ŋɖe nyi ŋɖeo. Enyɔ̂ tsi wo ŋ nu nɛ mi wo nyi gbɔ̂gbɔ̂ kudo agbe. ⁶⁴ Gâkea, amɛ wo le mia domɛ tsi wo ŋɖe xɔseo wa. Ɖo so gɔ̂mɛ djedjea yesu djesi amɛ tsi wo ŋɖa xɔseo kudo amɛ tsi la sɛ. ⁶⁵ E to be: yi ŋti ŋ nu nɔ̂ mi be amɛɖe ŋɖa va gbɔ̂nyɛ nɛ etɔ nyɛ ŋɖe ni mɔ̂ o. ⁶⁶ Egodoa, nukplvi sugbɔ trɔ djo, yi wo ŋɖe gbe le kui o. ⁶⁷ Yesu to nɛ wuive kpɔtɔɛ wo be: Alo miɔ̂ wo tsâ mi dji la tete yi ɖa? ⁶⁸ Simon Pierre ɖo ŋti ni be, axuetɔ mɛɖe gbɔ mi la djo yi? Agbe mavɔ o nyɔ̂ wo le asi wo mɛ. ⁶⁹ Mí xɔse yi mi dui djesi be woɖekɛ kpo yi nyi mawu kɔkɔɛ. ⁷⁰ Yesu to nɔ̂ wo be alo ŋɖe enyɛ yi tsâ mi mɛ wuiveɛ wo yi amɛ ɖeka le miadomɛ nyi gbɔ̂gbɔ̂ o wa? ⁷¹ Ele enyɔ̂ tsɛ wo nuwɔ sɔ kuɖo yuda,simɔ̂ Iscarit o viɛ ŋti, ɖo yi yɔ, wuive o domɛtɔ ɖeka tsi lasa yeua.