¹ Gatsimɛ yesu se be farizi tɔ wo nyan be ye le nukplavi sugbɔ ² bɔ yi ye le wo nyrɔn wu etsi édjan wɔ a ( ganke yesu ŋtɔ ŋɖe le ame wo nyrɔn wɔ o, vɔa yi wo nukplavi wé). ³ Exɔn a edjo le judé djemɔn yi galilée. ⁴ Ele vévéɖé ni be ya to Samaria. ⁵ Yi ŋtsia, e vɛ ɖo Samaria o du ɖe tsi o yɔnɔn be Sychar, édu tsi gogo jocob o agblé tsi i sɔ na éviɛ joseph mɛ. ⁶ Xɔn yi Jacob o vudí le. Enu tsikɔ nɛ yésu le ye o mɔn zɔnzɔn mɛ yi i djo nɔn a nyi ɖo vudiɛ to. Ga xoxo amadrɛ gɔn mɛ yɔ. ⁷ Nyɔnu samaria tɔ ɖe va esi kugbé yi yésu to ni be" naŋ ési nɛ ma nu." ⁸ Ɖo yi o nukplaviɛ wo yi ɖo éduɔ mɛ la vɛ hlué nuɖuɖu. ⁹ Xɔn mɛa, nyɔnu samaria tɔa ɖoŋtsi ni be," ŋɖe ŋtsi e wo tsi nyi jufu, le esi biɔ enyɛ nyɔnu samariatɔ be ya nu ɖo?" Jufu wo ku samaria tɔ wo ŋɖe donɔ nu wó. ¹⁰ Jesu ɖoŋtsi ni be," nɛ o djesi mawu o nu nana ku amɛ tsi ŋmɛ le esiɛ biɔ wa, ewo boŋ yi la kenu la biɔ, yi yɛ la na o agbé si. ¹¹ Nyɔnuɔ ɖo eŋtsi ni be, " Awe tɔ, tɔka kusi ŋɖe le asi o yi vudiɛ tsa tito". Fiɖe o la kpɔ agbé si ɛ so? ¹² Ɖe yi o wugan mia tɔgbui jacobu tsi ɖe vudi tsɛ nɔn mi, tsi o si yiŋtɔ, éviɛ wo kudo yeo gbɔ wo nu a? ¹³ Yesu to ni be," amɛɖekpékpi tsi nu ési tsɛa, sikɔ la gbé tsi, ¹⁴ vɔa amɛ tsi la nu ési tsi na nia, sikɔ ŋɖa gbé tsi gbéɖe o. Esi tsi na nia la trɔ ési gu le yio lamɛ, yi i la nɔ totoɔ sɔ yi mavɔ mɛ. ¹⁵ Nyɔnuɔ ɖoeŋtsi ni be," awétɔ naŋ ési xɔ nɛ sikɔ ŋgbé tsi ŋ kpɔ gbéɖeo, yi nɛ nyɛ ŋ gbé va vudi tsɛ to kéo. ¹⁶ Yesu to ni be" Yí nɛ na yi yɔ asu o, eye na trɔ va fiɛ. ¹⁷ Nyɔnuɔn gbé trɔ ɖoeŋti le totoɔ ni be," Asu ŋɖe le asinyɛ o". Yesu to ni be, o nui nyuiɖe, 'asu ŋɖe le asió' ɖó o ɖé asu zé atɔn vɔ, ¹⁸ yi tsigbɔ o le egbɛ ŋtɔ tsan ŋɖe nyi asu o, le exɔn meɛ o to nyao. ¹⁹ Nyɔnuɔ to ni be,"axuetɔ, ŋkpɔ be nyɔnu daɖɛ tɔ yi o nyi". ²⁰ Mía togbui wo sumɔn le éto tsɛ dji; yi dukɔn tɔwo yɛ le nunuɔ be jérusalem yi nyi fitsi o la sumɔn le. ²¹ Yésu ɖo ŋtsi ni be, "Nyɔnu, xɔ dji nyɛ se, gamɛ ɖe la va yi ŋɖa nyi éto tsɛ dji, alo jérusalem yi o la sumɔ mia tɔ le o. ²² Dukɔn tsi mɛ so le mɛtsi mi ŋɖe djésio sumɔn ɔ. Miɔ wo, mi le amɛ tsi mí djési sumɔn ɔ, ɖo jufo o gbɔ yi hluingã so., ²³ Gankea, gamɛ gbɔnɔn, yi fifiɛ a eva ɖo, yi sumɔn tɔ adodui wo la sumɔ awuétɔ lɔ le gbɔngbɔn kudo nyawo toto mɛ, ɖo sumɔn tɔ tsi djiɔ awuéto lɔ le wo nɛ. ²⁴ Mawu nyi gbɔngbɔn, yi amɛ tsi wo sumɔnni o ɖo la sumui le gbɔngbɔn kudo nyawo mɛ. ²⁵ Nyɔnuɔ ɖoeŋtisi be," ŋyan be o hluintɔ la va( amɛ tsi o yɔnɔn be kristo). Nɛ éva lɔ, e la nu égnɔn o keŋ keŋ nɔn mi. ²⁶ Yesu nuni be," Enyɛ tsi le nuxo xoɔ nɔn tsɛ yɔ." ²⁸ Exɔn a, eɖasi godoɔ daɖɛ, zɔn yi duɔ mɛ, vɛ kan aseŋ nɛ amɛ o, " ²⁹ Mi va kpɔ amɛ tsɛ, e tu xo nuŋ so agbé ŋnyɛ ŋti, ŋɖe kristo yi la nyi lo? ³⁰ Wo djo le duɔ zɔn va kristo gbɔ.i ³¹ Le walɛbɛ xɔn a, nukplaviɛ wo zín édji le nunuɔ ni be" Axuétɔ ɖu enuɖe". ³² Vɔa e ɖoeŋti nɔn wo be," Nuɖuɖu de le asinyɛ ŋdja ɖu tsi mi ŋɖe djési o wa." ³³ Nukplavi wo tɔ nunu le wo nɔnnui o domɛ be," alo amɛɖe hin ŋɖuɖu va ni ya?" ³⁴ Yesu to nɔn wo be," Ŋɖuɖu tsi nyin yi nyi be ma wa amɛ tsi ɖɔŋ ɖoɖa o jro wo, yi ma wù yio dɔ wo nu. ³⁵ Ɖe míŋ ɖe nunɔn be, ékpɔtɔ wétsri amɛnɛ nɛ nuku ɖeɖe o yɔ wa ? Nyɛ yɛ ŋto nɛ mibe," Mi kɔ éta yi édji nɛ mia kpɔ agblé tsi o nuku wo sɔgbé na nɛ ɖeɖe! ³⁶ Nuku ɖetɔ xɔ nɔn fíntu yi i bɔ nɔn nuku o danɔnɖɛ nɛ agbé mavɔ, aléa be nuku dotɔ kudu éɖetɔ wa wa djidjuɛ ɖeka ŋmɛ. ³⁷ Le éxɔn mɛa, ényɔn tsi nu nyi nyawo,' amɛɖe do yi amɛɖiɛ ɖí'. ³⁸ Ŋɖɔ mi ɖoɖa nɛ mia ɖe nuku tsi mi ŋɖe dó. Amɛ bu o wa dɔ yi miɔ wɔ mi vɛ ge ɖo wo dɔ wawa mɛ." ³⁹ Samaria tɔ sugbɔ xɔ yésu dji se ɖo nyɔ a ɖu ɖase ní. "E nu enu tsi o keŋ ŋ wa o nuŋ". ⁴⁰ Tsi samaria tɔ wo va kɔɖɛa, wo ɖekuku ni be nɛ nɔn yé wo gbɔ yi i gbé nɔn wo gbɔ na ŋkéké amɛ vé. ⁴¹ Amɛ sugbɔ xɔsé to yi o nyɔ nunu o dji. Wo to nɛ nyɔnu ɔ be," ⁴² Mi ŋɖe xɔse kpo ɖo ɖasé tsi o ɖu ŋtsi o vɔa mi a ŋtɔ wo mi sé yi o nuxo. ⁴³ Le ŋkeke vea yomɛa; E djo le xɔn yi galiléa. ⁴⁴ Ɖo yésus ŋtɔ nui be ényɔn nudaɖɛ tɔ ŋɖe djenɔn ŋun le yeŋ yo o dumɛ o. ⁴⁵ Tsi i va ɖo galilea, galilea tɔ wo xɔɛ. Wo kpɔ enu tsi o keŋ yi wa le jérusalem le azan ɖu gbé, ɖo wo nɔn azan mɛ. ⁴⁶ E gbé trɔ gbɔ va kana le galiléa, afi tsi i sɔ ési trɔ vin le. Efiɔ o ahua ga ɖe le capernaum, tsi o vi le éɖɔ. ⁴⁷ Tsi isé be yésu djo le judéa trɔ gbɔ va galiléa, e zɔn yi yésu gbɔ, ɖé kuku ni ⁴⁸ Yésu to ni be," Nɛ amɛ wo ŋɖe kpɔ djési alo ŋdanu o wa, wo ŋɖe xɔnɔn sé o". ⁴⁹ Ahua ga lɔ to ni be "Axué tɔ, ɖi va keŋgbɔ xué nɛ évi nyin nɛ ku". ⁵⁰ Yésu to ni be , " Yí, évio le agbé". Daweɛ xɔ yésu o nyɔn dji sé, yi i djo." ⁵¹ Gatsi mɛ yi i trɔ gbɔnɔn a, yi o sumɔn vio va dogui yi wo toni be, évi o le agbé. ⁵² E biɔ wo se be, gaxoxo ŋɖe dji yi i haya le. Wo ɖo eŋtsi ni be " Esɔ, le gaxoxo amadrɛ gɔn a mɛa vivɔ lɔ djo le edji. ⁵³ Zéɖeka, évi tɔa dui djési be gaxoxo xɔn mɛ yi yésu to nɛ ye be, "Evi o le agbé" Exɔn mɛ a, yi ŋtɔ kudo yi o xuédo keŋ xɔsé. ⁵⁴ Ŋ̀dandonu éve gɔn tsi yésu wa étsi mɛ i djo le judé va le galiléa yiɔ nɛ.