¹ Le ŋkéké tɔn gɔn a gbéa, alɔ lélé o kɔnu ɖe nɔn kana le galiléa tsi mɛ yésu nɔn lɔ kpɔ gomɛ le. ² O kpé yésu kudo yi o nukplavi wo tsan. ³ Gatsimɛ vin vɔ a, yésu enɔn lɔ nu ni be," vin ŋɖe gbe le wo si o'. ⁴ Yésu ɖoeŋtsi ni be, " Enyɔn ŋɖe yi le asio ɖo ŋtsi nyɛ?. Gaxoxo tsi nyin ŋɖe kpɔ va o". ⁵ Enɔn lɔ to nɛ sumɔn vi wo be, " ŋɖe kpekpi tsi i la nu nɛ mia, mi wɛ" ⁶ Exɔn a, ékpé zé amadin ɖe le, tsi mɛ juda tɔ wo kunɔn ési ɖo sɔ klɔnɔn ŋtsi le wo kunu wawa gamɛ. Ezé ɛ o xɔ nɔn djidjré amɛ ve alo amɛ tɔn. ⁷ Yésu to nɔn wo be," Mi ku ési ɖɔ ézéɛ wo". Exɔn mɛa, wo ku ési ȡo ézéɛ, yi wo ȡo kaka va ȡo kɔmɛ. ⁸ Eyo mɛa, yésu to nɛ amɛ tsi wo le ŋȡuȡu maɔ wo be, "mi kui, yi mi sɔɛ yi na amɛ tsi le azan lɔ o ŋkɔ " Wo wuɛ ɖo édji nɛnɛ. ⁹ ŋkɔ nɔntɔ a ɖɔ ési tsi trɔzun vin a kpɔ, vɔa ŋɖe nyan afi tsi i só ( vɔa énu mantɔ tsi wo kuia, nyan afi tsi i so). E yɔ nyɔnu ɖetɔa ¹⁰ yi i to ni be, " Amɛɖe kpékpi a, vin adodui ɛ yi i ma nɔn djé ŋkɔ, éyomɛ a, e va sɔnɔn vin ma xɔ asi sɔ kplɔni do, nɛ amɛ o nu adoduiɛ vɔa. Vɔa, o ɖasi vin adodui ɛ daɖɛ kaka va na fifiɛ". ¹³ yuda tɔ wo paké zan gogo, yésu djo yi jérusalem. ¹⁴ Le gbédoɖa xɔmɛ a, e kpɔ ényín, alín kudo huanlín satɔ wo. Ega gbantɔ wo tsan nɔn anyi le xɔn. ¹⁵ Esɔ éka wa éba. E nyan wo kudo ényiɛ wo, alín wo, to le gbédoɖa xɔ lɔ mɛ. E kankan éga lɔ wo, yi i mũ ékplɔn lɔ wo xu anyi. ¹⁶ E to nɛ huãnlín sa tɔ wo be," Mi sɔ énu xɔn wo yi azɔgé. Mi ŋgbé sɔ étɔ nyin o xué sɔ wa adjɔ xué o" ¹⁷ Nuklavi ɛ wo ɖoŋku be o ŋluín daɖe be, " Axué tɔ o o bibi gban do". ¹⁸ yudatɔ'wo mɛgan wo ȡoeŋtsi le nunuɔ ni be," Djési ŋɖe wo yi o sɔ le fiafia wɔ, tsi wo yi ɖe enu wawa tɔ wo o fia?". ¹⁹ Jésu ɖo eŋtsi nɔn wo be," Mi gban gbedoɖa xɔ tsɛ, nyɛ yɛ na trɔ tui le ŋkeke amɛ tɔn o ŋgbé domɛ". ²⁰ Juive wo mɛgan to be," Exué katsi adín yi mi sɔ tu gbédoɖa xɔ tsɛ, yi wɔ va be, ye la tui le ŋkeke amɛ tɔn yomɛa?. ²¹ Exɔn a, ele nuxo xoɔ so yi o ŋtsilan tsi nyi gbédoȡa xɔa ŋtsi. ²² Tsi i fɔn so amɛ kuku o domɛ vɔa, nukplaviɛ wo ȡoŋku be énu ényɔn tsɛ nɛ yéwo va yi, yi wo xɔ ényɔn ŋlɔn ɖaɖɛa wo kudo ényɔn tsi yésu nu va yiɛ dji se. ²³ Tsi wo le jérusalem nɛ paké o wué zan, le azan lɔ gbéa, amɛ sugbɔ xɔ yio nyikɔ dji se, étsi mɛ wo kpɔ ŋdandonu tsi wo yi i wa. ²⁴ Gankéa, yésu ŋɖe dji be ya kpɔ o gbɔ o, ȡo e djési amɛsiamɛ yi ŋɖe dji be wa ȡu ȡasé so ye ŋtsi nɛ amɛȡé o. ²⁵ Yeŋtɔ nyan enu tsi le édji mɛn nɔn wo.