¹ Yi pilati sɔ'yesu ná yi wo xui kudo sɔ'bá. ² Sɔ'djawo woa ŋdja kúkú. Wó sɔɛ sɔ tsɔn ɖó tá nɔ'n Yésu yi wo dó awudji nin. ³ Wó va gbɔ yi toni bé:" Mí do gbénɔn Yudátɔwó fiɔ!" Yi wó xo tomé ni. ⁴ Yi pilató gbé tó yí nunɔ dukɔ'n lɔ' bé, : "Mikpɔ'ɖá, ŋ hɛn amɛ vá mi nɔ' mia nyan bé nyɛn ŋde kpɔ gblégbléɖé lé ŋtsi o." ⁵ Yésu tó, wótsɔ'n ŋdjakukú yi wó awufjin ni.Le xɔ'n mɛ lɔ' Pilati tó nɔwó bé: " Mikpɔ', amɛ lɔ'! ⁶ Tsi avɔsatɔ'gánwó kudó dɔ'wɔláwó kpɔ' Yésu lɔ', wó dó axuá tó bé," mi kin!" Pilati tó nɔ'wó bé: " Miɔ ŋtɔ'wó xɔɛ nɛ mia kin, ɖó nyɛ ŋdé kpɔ' nuvuí ɖékpikpuí lé ŋtsi ó." ⁷ Yudátɔ'wó ɖó ŋtsi nɔ Pilató bé: " Esé lé mia ŋtsi , yi , lé sé xɔn ŋtsi ta élá kù, nùtsi ŋtsí lɔ' ésɔ' yiɖókuiɛ wɔ mawu yo vi. ⁸ Tsi Pilati enyɔ' xɔn lɔ', vɔvɔn gbé ɖui ɖodjí ke, ⁹ yígbé ɖó fiɔsámɛ yi biɔ' Yésus sé bé" Edu tsi ŋdé mɛ osó?" Lé gaxɔn mɛ lɔ' Yésu ŋdé ɖó nyɔnɖé ŋtsi ni o. ¹⁰ Pilató ɖó ŋtsi bé: " ŋdé djá ɖó enyɔn ŋtsi nu ló? ŋdé nyan bé ŋɖó ŋsɛn lá ɖasio alo lágbé kán o ló?" ¹¹ Yésu ɖó ŋtsi ni bé : " ŋdé djá ɖó ŋsɛn ablaŋ nɛ ŋdé nyi djiŋkúsí yí wó nán wo só. Amɛtsi saŋ nɔn wo lɔ' wɔ nuvuígan ɖé. ¹² Lé ɖó ŋtsi xɔn ŋtsi lɔ', Pilati djé agbágbá bé yéa ɖasí gaké Yudatɔ'wó dó axuá lé tótówɔ bé: " Nɛ wo ɖasí ŋsu xɔn lɔ' ŋdé gbé nyí Kayizáro yo xlɔn. Amɛtsi sɔ' yí ɖókuiɛ wa fiɔ, xo nuxó tsi sité ɖó Kayizáro ŋtsi. ¹³ Tsi Pilati sé nyɔn xɔnwó lɔ', é ɖé Yésu tó vá xixénu yí nɔayi lé kodjódjóɖóɖó zikpuí lé fitsi wó yɔnɔn bé kpényígban, tsi wo yɔnɔ lé hébritɔwó gbé mɛ bé Gabbatha. ¹⁴ Gbé xɔn gbé nyi Páki yió djadjáɖó wózan lé gaxoxo ámadɛn gɔmɛ. Pilati tó nɔn Yudatɔwó bé: " Efiɔ miatɔ lɔ' ké." ¹⁵ Wó lé axua dówɔ:" Minɔ azɔgé nin, minɔ azɔgé ni; mi kɛ!" Pilato tó nɔn wó bé: " Ɖé mi bé máká yéwó fiɔ lɔ' yia?" Avɔsátɔganwó ɖó ŋtsi bé: " Efiɔ buɖé ŋdé lé nɔn mí tó Kayizaro." ¹⁶ E xɔn mɛ Pilato sɔ Yésu dó asimɛ nɔn wó nɛ woayi kɛ. ¹⁷ Exɔn méa, wó kplɔ Yésu djé xixé nu, kɔ' atisogá ɖó abɔutá nin sɔ djé mɔn tutá téxoé tsi wó yɔnɔ bé amétátéxué, tsi wó yɔnɔn lé hébri gbémé bé golgota. ¹⁸ Wó ka Yésu lé xɔn, yi wó gbé ká ŋsɔùu amévé kúdui, améɖéká lé ɖusimɛ ɖéká lé émiɔmé. ¹⁹ Pilati tsan ŋlɔn djési ɖé yí yi sɔ téɖó atsisogá lɔ' ŋtsi. E ŋlɔn nu tsɛ bé YÉSU NAZARƐTU TƆ, YUDÁTƆWÓ FIƆ. ²⁰ Yudatɔ' sugbɔ hlɛn djési tsɛ ɖó téxoé tsi wóká Yésu léa gógó éduɔ gbɔ. wó ŋlɔn djési tsɛ ɖó Hébrimɛ, Latinu mɛ kudó Grɛki mɛ. ²¹ E xɔn méa Yudatɔ'wó vɔsátɔ'ganwó tó nɛ Pilati bé: " ŋgbé ŋlɛn Yudatɔ'wó fiɔ o; vɔa ŋlɔɛ bohun bé é tó bé : " ŋ nyi Yudatɔwó fiɔ." ²² Pilati ɖó ŋtsi bé: " Enu tsi ŋlɔn lɔ' a ŋlui yɔ." ²⁴ Tsi sɔdjáwó ká Yésu vɔa wó sɔ awu yitɔwó yí wó manwó ɖó texoé nɛn nɛ wó nɔnuiwó, akpá ɖéka nɛ sɔdjá ɖéká; awu hláyá yítɔ tsan. Awú hláyá lɔ' ŋdé nyínénu wó tɔn vɔa wó lui blibó só djí vá gɔmɛ. ²³ Exɔn a,wó tó nɔ wó nɔnuiwó bé:" mí ŋgbé vuío, vɔ mía dákɔ nɛ mía kpɔ' amétsi tɔ' yi lá nyi." Etsɛ kpɔ' émé vává nɛ ŋɔnŋlɔɛwó nuwúwú." Wó man tsinyɛwó lé wónɔnuiwó dómɛ, yí wódákɔ nɛ awu hláyá nye. ²⁵ Sɔdjá lɔ'wó wa énútsɛwó . Yésu nɔn lɔ', naviɛ lɔ', Maria Klópas ásiɛ lɔ' kúdó Maria Madgdala tɔ', nyɔnu tsɛwó nɔté ɖó atiɔsógá gbɔ'. ²⁶ Tsi Yésu kpɔ' énɔn kúdó núkplávi tsi iɖó lɔlɔná lé égbɔa, é tó nɛ énɔn lɔ' bé: " Nyɔnu, évio ké!" ²⁷ Yí i tó nɛ nukpláviɛ bé:" Enɔo ké!" Yí só gáxɔmɛa núkplávíɛ xuɛ ɖó yo xómɛ. ²⁸ E yómɛa, tsi Yésu nyan bé énúwó keŋkeŋ vɔ, nɛ ŋɔnŋlɔnawó awú énua, énú bé: " Sikɔ tsiŋ." ²⁹ Yáwágbán ɖɔ' kú vinɛgri ɖé lé téxoɛ me; wó ŋrɔn kusán ɖó vinɛgriɛ mɛ, sɔ'ɛ ɖó kpátí mán ŋtsi yikoɛ ɖó énun nin. ³⁰ Tsi Yésu nu vinɛgriɛ vɔa, énu bé: " Evɔ." E dó tá gu yí sɔ' yó gbɔngbɔn ná. ³¹ Djádjráɖó yó gámɛ yɔ, yí nɛ ŋtsi lánwó ŋgbéntsi atísógádjí lé Sabati gbé woa (ɖó Sabati nyí azan tɔxɛɖé), Yudátɔwó biɔ' Pilati bé wóa ŋɛn áfɔ nɛ amɛtsi ókáwó, yí wóɖé ŋtsilánwó lé atisógá ŋtsi. ³² Exɔn a sɔdjálɔ'wó vá yi wó ŋɛ afɔ nɛ amevé tsi wó ká kúdó Yésu. ³³ Tsi wó ɖó Yésu gbɔa, wó kpɔ bé é kú vɔ yi ŋtsiá wó ŋdé gbé ŋɛ afɔ nio. ³⁴ Gákéa, sɔdjá lɔ'wó dómetɔ ɖéká tɔhuan axádámɛ ni, yi zéɖéká éhun kudó ési tó. ³⁵ Amɛtsi kpɔ' énútsɛa ɖu yo ɖásé yí wó ɖáséɛ djɔ'. Enyan bé yo ɖáséɛɛ djɔ' nɛ miɔwó tsan mia teŋ xɔsé. ³⁶ Enú tsɛwó kpɔ émé vává nɛ ŋlɔnŋlɔɛ woa teŋ wú nu: " wó ŋdá ŋɛ yo xu ɖékpékpio." ³⁷ ŋɔnŋlɔɛ bú tsan bé : " wó lákpɔ' amɛtsi wó tɔ' nuan. ³⁸ Etsɛwó ŋgbédomɛa, Josɛfu Arimaté tɔ, ɖó tsi yi nyí Yésu yó nukplávi vɔ ylánɔ yi ɖókui ɖó é vɔnɔn Yudatɔ'wóa, é biɔ' égbé Pilato bé yasɔ' Yésu yo ŋtsilan djó. Pilato ni gbé. Exɔn a, Jozɛfu vá yi isɔ' ŋtsilán djó. ³⁹ Nikodɛmu tsán vá, yɛ tsi ɖé áfɔ' yi Yésu gbɔ' sán lé ézan mɛ. E tsáká mírá kudó aloɛs tsi yo kpɛnkpɛn mɛ lásɔ' líva kavétákpó sɔ'vá. ⁴⁰ Exɔa wó sɔ' Yésu yo ŋtsilán yi wó blɛ ɖó klóbá mɛ, wó wú ami hɛnhɛnwó ni sɔ'zɔn ɖó Yudatɔ'wó yo amɛɖiɖi kɔ'nú wawawó ŋtsi. ⁴¹ Lé afitsi wó ká Yésu léa abɔ ɖé gogo xɔn; yi yɔdó yéyé ɖé tsimɛ wó ŋdé ɖi amɛɖó kpɔwoa lé abɔlɔ' mɛ. ⁴² Ɖo tsi yinyi djádjraɖózán nɛ Yudatɔwóa, yi yɔdoɔ sɔ xɔn a, wó sɔ' Yésu dáɖó émɛ.