¹ Vɔ gbɔngbɔnlɔ le nunuwɔ nyuiɖe be zanɖe viɛ lɔ amegbogbodewó legbe xɔseɛ lɔ ayi kuɖo bleble gbɔngbɔnwo, gbɔngbɔnvɔnwo nuɖoanyi ŋti. ² To ayéme nu wawa wo, adjeɖaɖawo zu djesido le wo ŋtɔwo djidjinyɔn wo me. ³ Wole sedowɔ be wo ŋgbe srɔ o, wo gbe enu ɖuɖu tsi Mawu ŋtɔ wua be wua ɖui kudo akpekpedodo le xɔsetɔ tsiwo va djesi nyatexoé gbɔ. ⁴ Do nutsiwo kpata Mawu wa lɔ enyɔn, nutsiwo mi ɖu nɔn kúdó akpédódó lɔ, ŋde nyɔn be woagbeo. ⁵ Enutsi ŋti lɔ nuwo kpata ŋti kɔ Mawu yewo nyɔn kudo gbedodoɖame. ⁶ Ne wofia nutsɛwo nɔviwo lɔ wolanyi dɔsɔvi nyuí nɔn Yesu Kristo, ɖu xose yiwo nyɔnwo kuɖo nu fiafia nyui tsi woxɔ. ⁷ Vɔ sɔ enyɔn gbalo tsi nyɔnu xoxowo lɔnnɔnlɔ kɔŋgbe ne nawa kɔkɔɛnyinyi yó ŋtidɔ. ⁸ Enutsiŋtilɔ ŋtí lanme dɔwawa hian nɔ énúvidé, vɔlɔ kɔkɔɛnyinyi ŋti nuwo kpata hian gasiagame, yɛ ŋti ŋgbedodo le legbetsɛ me kuɖó agbetsi gbɔnɔn lɔ me. ⁹ Enyɔn tsɛ le yio téxoé, yí nyɔn be woaxoɛ. ¹⁰ Eyɛ ŋti mi lé avudranwo le dɔsɛnsɛnwo wawɔ, enuyiŋtilɔ misɔ mía ŋɖoɖo ɖo Mawu agbéagbe lɔ me, tsi nyi dela nɔn amegbetɔwo vévitɔ, xɔsetɔwo. ¹¹ Nu enyɔntsɛwo, yí nafiawo. ¹² Mede ŋgbéɖigbɔ axo ɖekadjɛvinyinyio, vɔ nyi xɔse yiwo kpɔdeŋ le nyɔnlɔme, le afodede me, le lɔnlɔn me, le xɔse me, le kɔkɔɛnyinyi me. ¹³ Kaka tsi nava lɔ, le ɖekio ɖo enu hlɛnhlɛn ŋtsi, ŋsɛndodo kúɖo nufiafia. ¹⁴ ŋgbeɖigbɔ nunana tsi le méwo tsi wo nawo to nyɔnnudaɖɛ dji kudo ameganxowo ashi dadaɖo amé dji mé. ¹⁵ Lé ŋkuvi ɖo nu tsɛwo ŋti ne na sɔ ɖekio sɔna keŋkeŋ, né axó ŋko yíyí nanɔn madamadame le nuwo kpata me. ¹⁶ Nɔŋzɔn le ɖekio ŋti ku axó nufiafia ŋti, dovévénu le nutsɛwo me, ne wowa néné lɔ wola ɖé ɖékio, aɖe amé butsiwo le toɖowɔ xan.