¹ Fifiɛ ŋlé nufia miɔ le mɔnwo keŋkeŋ nu be miawoa kukuɖeɖe kuifan, nyɔxɔxɔ ɖakɔ, akpédodo, kuifanwó ɖa mɛnwo ta, ² égawo, dukplɔtɔwó, dume mɛganwo, be mianɔn nyi le ŋtsi fafa, kũɖo susu djakɔn anyi me, le Mawu vɔnvɔn kúɖo ashí xɔxɔ le amɛwo ŋmɛ. ³ Nɛnle nɛnnɛn lɔ édjɔnɔndji nɔn Mawu tsi nyi mía hlɛngantɔ. ⁴ Ele djidjiɔ be ameowo keŋkeŋ nɛn kpɔ xɔxɔ le Mawu djedjeshi kú nyawototo mɛ. ⁵ Mawu ɖeka yí li, nyamesotɔ ɖeka yí le Mawu ku agbetɔ domɛ, Yesu Kristo tsi nyi amɛngbetɔ ⁶ esɔ yéɖéki tufɛn ɖo miakékéŋ ta sɔ na ɖaseɖiɖi le gaxoxo nyui tɔ dji. ⁷ Taɖodjinu xɔn ŋtsi wo sɔŋ ɖo Mawunyɔntotɔ kudo apotri. Nyawo towɔ ŋle nyɛnŋdé le adjéɖaɔ. Wo do dɔ ashi nu be mafianu trɔnsubɔlawo le xɔse kú nyawo toto mɛ. ⁸ ŋdji be ŋsuwo nɛ kɔ wo lɔ kɔkɔɛ wó ɖodji adogbeɖa le fiɖekpikpi, djibibi kú djimeve súsú ma nɔn mɛn. ⁹ Nɛnnɛn ké ŋdji be nyɔnnuwo tsan ne do awu le nɔnnɔnmɛ nyuitɔ mɛ tsi la wloa ŋkpɛntexoéwo, woa nɔn za, wo ŋgbé sɔ ɖa xoxo vovowó, shika alo djenuwó, alo awu ga gangan, asɔ djraɖo nɛ woɖekio. ¹⁰ Wo ne sɔ dɔnyui woawoa awoa awu do, tsi ladje nɛ nyɔnu tsi wo le wó xɔsetɔnyinyi ɖeɔ fia nɛnɛ. ¹¹ Nyɔnu ɖo la klpan nu le enubɔbɔ kú bɔbɔɛnyinyimɛ. ¹² Nyɛn ŋdé ɖémɔ be nyɔnu ne fianu alo aɖegbe ɖo nusu djio, vɔlɔ yia nɔn nubɔbɔkpo mɛ. ¹³ Do Aɖam yí wo mɛ tutugbɔn, le xɔn godo lɔ wo mɛn Eva. ¹⁴ Ké ŋdé nyi Aɖam yí wo bléo, vɔ nyɔnu lɔ yí wo ble, yí dje agɔdjedje mɛ. ¹⁵ Tsí yi le nɛnɛ tsan elakpɔɖeɖe, yí yi la trɔzun vinɔn, nɛn ekúkutri le xɔse mɛ, agbenɔnnɔn zaa mɛ kúɖo amɛ ɖeki ɖeɖe ɖovo mɛ.