¹ Mí kpɔ lɔnlɔn tsi étɔ ɖéfia mí ɖa, bé wóa yɔ mi bé mawuviwó, yí mi nyí tsan ! Do tsɛ ŋtsi lɔ, xixɛ ŋdé djeshi mi o, ɖo ŋdé djeshi étɔɔ. ² Lɔnlɔntɔwó, so fifiɛdjilɔ mi nyi Mawu viɛwó, yí wo ŋdékpɔ ɖé nutsi mi djava nyi lɔ fia. Mi nyi bé le Kristo yo vává mɛ lɔ, mi la nɔn letsi yi le, yí mi la kpɔ letsi yi le. ³ Yí mɛshiamɛn tsi mɛn kakanɖodji la nɔn ɖodji lɔ, le yíɖékí ŋti kɔwɔ shigbe letsi yiŋtɔ le kɔkɔɛ nɛnɛn. ⁴ Amɛshiamɛn tsi woa nuvuin lɔ, éda le eséɛ dji, yí nuvuin lɔ nyi esé dji mawoamawoa. ⁵ Mi nya bé Yesu Kristo va zé, bé ya tútú mian nuvuinwó, le éyɛ mɛ lɔ nuvuin ŋdé gbé lé o. ⁶ Mɛtsi yí lé mɛ lɔ, ŋdé woa nɔn nuvuin o, yí amɛshiamɛn tsi woa nuvui lɔ, ŋdé kpɔɛkpɔ, yí ŋdé djeshi kpɔ. ⁷ Miŋgbe na bé mɛnɖé nɛn ɖé mi djo le mɔn lɔ dji o. Mɛntsi woanɔn djɔdjɔɛnyínyí lɔ nyí amɛdjɔdjɔɛ, shigbe letsi Kristo ŋtɔ nyi amɛdjɔdjɔɛ nɛnɛn. ⁸ Mɛntsi woa nɔn nuvɔn lɔ, so bosanŋ mɛ, ɖo bosanŋ woa nɔn nuvɔn so gɔnmedjedjeɛ mɛ. Nuxɔn ŋtsi Mawu viɛ va bé ya gblé bosanŋ yio dɔwoawoa mɛ. ⁹ Mɛnshiamɛ tsi wó dji le Mawu mɛn lɔ, ŋdé gbe woa nɔn nuvɔn, ɖo Mawu yio núkú lemɛn. ŋdé woa nɔn nuvɔn, ɖo o dji so Mawu mɛ. ¹⁰ Nɛnɛ wó djenɔnshi Mawu viɛwó kú mɛntsiwó nyi bosanŋ viɛwó. Nɛnɛn meshiamɛ tsi ŋdé woa nɔn djɔdjɔɛnyínyí o lɔ, ŋdé so Mawu gbɔ, mɛtsi ŋdé lɔnɔn nɔnviɛ tsan, ŋdé so Mawu gbɔ. ¹¹ Do enyɔn tsi mi se so gɔnmedjedjeɛ yí nyi yɛ : yí nyí bé mi ɖo la lɔnɔn mian nɔnuiwó, ¹² ŋdé shigbe Kaín tsi so basanŋ mɛ nɛnɛn o, yí ui wu nɔnviɛ. Yí ŋdétsi yi woɛ ɖo? Do yio dɔwoawoawó baɖa, yí nɔnviɛ tɔwó le djɔdjɔɛ. ¹³ ŋgbé kpatsa mio nɔnvinyɛnwó, nɛ xixɛ mɛ tsri mi tsan. ¹⁴ Mi nya bé mi to ekú mɛ yiɖo agbe mavɔ mɛ. Mɛtsi ŋdé ɖo lɔnlɔn le yio djimɛ o lɔ, tsi ekú mɛ. ¹⁵ Mɛnshiamɛ tsi tsri nɔnviɛ lɔ, enyi amɛwutɔ. Yí mi nyan bé amɛwutɔ ɖékpikpi ŋdé ɖo agbe mavɔ le yéɖéki mɛn o, ¹⁶ Mi djeshi lɔnlɔn, ɖo Kristo sɔ yio gbe ná ɖo mian ŋti; miɔn tsan mi ɖo la sɔ mian gbé na ɖo nɔnviwó ta. ¹⁷ Vɔ lɔ, amɛntsi shi xixɛmɛnwo nunɔamɛshi le, yí yi kpɔnɔn nɔnviɛ le hian mɛ, vɔ yi tú nɔn yio nushishi dji dui lɔ, lédé Mawu yio lɔnlɔn lé mɛn ɖo? ¹⁸ Vinyɛn lɔnlɔnwó, mi ŋgbe lɔn amɛn le nyɔn núnú mɛn kúdo aɖédjio, vɔ lɔ le nuwoawoawó kúdo nyɔntéxoé mɛ. ¹⁹ To tsɛ mɛ, yí mi la dodjeshi bé mi le nyɔntéxoéɛ mɛ, yí mi la do kankanɖodji miá djiwó mɛ le yio ŋmɛn. ²⁰ Do ne mian djiwó ɖo kodjó nɔn mi tsan, Mawu klo wú mian dji, yí yi nyan núshianú. ²¹ Lɔnlɔntɔwó, nɛ mian djiwó ŋdé ɖo kodjo nɛ mi o lɔ, mi la ɖo kanɖodji ɖo mia Mawu dji. ²² Yí enushianú tsi mi la biɔ sogbɔ lɔ, mi la kpɔɛ la xɔ sogbɔ, ɖo mi lé yio sédodowó mɛn ɖashi, yí mi woanɔn nutsiwó djɔnɔndji nyí. ²³ Yío sédódó lɔ yinyí bé, mi xɔ viɛ Yesu Kristo yio nyikɔ djí se, yí miá lɔn miá nɔnviwó, shigbe letsi yiŋtɔ lɔn mi ene. Mɛntsi le Mawu yio seɛ mɛn ɖo ashi lɔ, ²⁴ ele Mawu mɛ yí Mawu le yetsan mɛ. Lé eyɛ mɛa, mi nyi bé ele mian mɛ, to yio gbɔngbɔn tsi yí sɔ na mi lɔ dji.