Chapter 15
1
యూదాతే నుంచి సెగ మంది వాసి,'మోషే నియమిస్తే ఆచారం పకారం సున్నతి తీసుకుట్కే గోని మీకు రచ్చన ఇల్లే.'ఇంజో విస్వాసుర్కీంకుబోధిస్తోరు.
2
పౌలీంకు,బర్నబాత్కు ఓరి తోటే పెద్ద గొడవ జరగతా.ఈ పంచేదు గురించి పౌలు,బర్నబా ఇంకా సెగ మంది యెరూశాలెంతే అపొస్తుర్కు ,పెద్దతోరు దేగేర్కి దాయవాలింజో ఓరంతా తిరియ్తోరు.
3
అస్కె సంఘతోరీను రోతాను వేలత్కు,ఓరు ఫెనీకే,సమరయ నాటేనాల అంజోరూ,యూదుర్కు అయ్యోవోరు దేవునాకే గిరుడ్తే సంగతి తెలియతుంగి అన్నలోరందరీంకు బెచ్చో కుషేల్ కలిగిస్తోరు.
4
ఓరు యెరూశాలెం అందటాంపే సంఘం,అపొస్తుర్కు ,పెద్దాకు ఓరీను చేర్చు కుట్టోరు.దేవుడు ఓరికి తోడాసి మంజీ తుంగ్తే వాన్టీనంత వివరిస్సి కెత్తోరు.
5
రిసయ్యుర్కీను గుమ్పీను విస్వార్కత్తే సెగ మంది తేది,యూదుర్కు అయ్యోవోర్కు సున్నతి తున్గిస్సవాలింజో,మోషే ధర్మశాస్త్రంతీను పాటిస్సనాటే ఓరికి ఆజ్ఞ కెత్తవాలింజో కెత్తోరు.
6
అస్కె అపొస్తుర్కు పెద్దాకు ఈ సంగతి గురించి ఆలోచిస్సనాంకి కూడ్తోరు.చాలా పంచేదు జర్గేతే తరవాత పేతురు తేది ఒరితోటే ఈల ఇత్తోండు,క్రైస్తవుర్కీంకు కుదరనాటే పేతురు కెత్తటం
7
అన్నలోరే,యూదుర్కు అయ్యోవోరు నా పౌటే కుషేల్ కబురు కేంజి నమ్మనాటే మీలో నుంచి నానీను కొన్ని రోజ్కీను మున్నె దేవుడు ఎన్నుకుట్టోండు ఇంజ్ మీకు తెలుసు.
8
రుదయకీను తెలుసుకుట్టె దేవుడు పరిసుద్దాత్మతీను మనాంకు ఇత్తాటే,ఓరికి గూడ ఈసీ,ఓండు ఓరీను దెగేర్ తీస్తోండు ఇంజో కెత్తోండు.
9
మనాంకు ఓరికి బే తేడా ఇల్లకుంట ఓరి రుదయకీను నమ్మకం తోటే సుబ్రం తుంగాతోండు.
10
అందకాడే మన పూర్వతోరు గాని,మనాడు గాని మోసాలో కాన్దితీను శిసుర్కీను మెడకైతే పొర్రో వాటి మీరు బారి దేవుటీను పరీక్షిసోమిందీరు?
11
పెభువత్తే యేసు క్రుపాతే వల్ల మనాడు రచ్చన పొందితాడు ఇంజో నమ్మోనాడు గా?ఆలాకే ఓరు రచ్చన పొందితోరు." పౌలు బర్నబాకీను సాచెం
12
అస్కె బర్నబా,పౌలు ఓరి కైదే దేవుడు యూదుర్కు అయ్యోవోరికి తుంగ్తే సూచక క్రియాకు అద్బుతాకు వివరిస్సి కెచ్చో మత్కు పంచేదు అంతా కొట్టో కేంజ్తే. యాకోబు మాటాకు
13
ఓరు కెత్తటం ఆసత్తే తరవాత యాకోబు ఈల ఇత్తోండు."అన్నలోరే,నా మాట కేంజాటు.
14
యూదుర్కు అయ్యవోరు నుంచి దేవుడు ఓని పెదేటే ఒరో జనతీను ఏర్పాటు తున్గానాంకి ఓరీను మున్నె బేల దయతోపిస్తోండో సీమోను కెత్తోండు.
15
దానికి ప్రవక్తకీను మాటాకు సరిపరసోరు మిందాకు బేల ఇత్కు
16
ఆ తరవాత నన్న గిరుడ్డి వాతాను.మనుసుర్కీనౌటే మందనోరు,నా పెదేటే బెనోరత్కు కలిగి మంతోరో ఆ యూదుర్కు అయ్యవోరు అందోరు,పెభువీను మెక్కనాటే
17
అరిసత్తే దావీదు గుడారతీను మల్ల తోత్తితాను ఇంజో పాదత్తే వాన్టీను గిరుడ్డి తొచ్చి వాన్టీను నిల్లవాటితాను ఇంజో
18
మునేటే కాలాతే నుంచి ఈ సంగతి తెలియతున్గ్తే పెభువు కెచ్చో మిందొండు'ఇంజో రాసి మిందే. యూదుర్కీను ధర్మశాస్త్రం ఇడొపో తత్తగూడు.
19
అందకాడే యూదుర్కు అయ్యవోరు నుండి దేవుటాకే జరుడ్డనోరీను మనాడు కష్టం వాటకుండా
20
బొమ్మేకీంకు సంబందిస్తే అపవిత్రమత్తావు,జారత్వం తీను విడసీదవాలింజో,గొంతు పిస్కి ఔక్తే వాన్టీను ,నెత్తుటీను తిన్దగూడు ఇంజో,ఓరికి ఉత్తరం రాసి రోతవాలింజో నా ఆల్పు.
21
బారిత్కు,కూడాని గుడికినాగా పతి రోమాను రోజీను మోషే రాస్తే మాటాను సదవోరు తరతరకీను నుంచి దానీను కెచ్చోరు మందనోరు పతి పట్టాణాతే మిందోరు."ఇంజో కెత్తోండు.
22
అస్కె అన్నలోరౌటే ముఖ్యమత్తే బర్సబ్బ ఇందాని పేరు మందాని యూదాతీను సీలతీను ఎన్నుకునిజి,పౌలు బర్నబాకీను తోటే అంతియోకయ రోతటం మెంచీడు ఇంజో అపోస్తుర్కీంకు పెద్దకీంకు సంఘం అంతటికి అనిపిస్తే.
23
ఓరు ఈల రాసి రోతోరు,"అపొస్తుర్కు పెద్దాకు అన్నలోర్కు అత్తే మమ్మా
24
సెగ మంది మాయగ్గా నుంచి అంజి ఓరు భోధతోటే మీమీను వెరిపిస్సి,మీ మనుసుతీను సెడ గొట్టో మిందోరు ఇంజో
25
కేంజ్తాము.ఓరికి మమ్మ బే అధికారం గుడ ఈదిల్లాము. అందకాడే సెగ మందితీను
26
అంతియోకయ,సిరియా,కిలికియాతే యూదుర్కు అత్తే అన్నలోర్కు,మెంచి జరగావాలింజో కెచ్చి రాసనాదు,
27
అందకాడే యూదాతీను సీలతీను రోచోమిందాము.ఓరు గూడ నోటి మాటాతే తోటే ఈ విషయాకు మీకు తెలియతుంగో మిందాము.
28
బొమ్మేకీంకు ఇత్తే వాన్టీను,నెత్తుటీను,పీక పిసికి ఔక దానీను తిన్దగూడు.జారత్వంత్కు దూరంగా మందవాలి .
29
ఇవ్వు తప్పకుంట తుంగనావు వీంటికి తప్ప పెద్ద పనుంగు బోతా కూడ ఓరు పొర్రో వాట గూడు,ఇంజో పరిసుద్దాత్మత్కు మాకు అనిపిస్తే, వీంకు దూరంగా మంజీ జాగ్రత్త పరత్కు అదు మీకు మెంచిది.వందనాకు."సంతోసిస్తోరు.
30
ఆ పెరికె ఓరు ఓరీను విడిసి అన్తియోకయ వాసి శిసుర్కీను కూడ్పి ఆ ఉత్తరం ఇత్తోరు.
31
ఓరు దానీను సదివి బలం పొంది సంతోసిస్తోరు.
32
యూదా,సీల గూడ ప్రవక్త ఆదాను వేలత్కు ఓరు చాలా మాటాను తోటే అన్నలోరీను ఆదరిస్సి బలపర్స్తోరు.
33
ఓరు అగ్గ కొంత కాలం మత్తస్కే తరవాత,ఓరీను రోత్తే
34
ఓరా దాయానాంకి,అన్నలోరు ఓరీను చక్కగా రోత్తోరు.
35
పౌలు బర్నబాకు అన్తియోకయతే చాల మందిత్కు పెభువీను కెచ్చోరు మత్తోరు. పౌలు రెండో సారి కుషేల్ కబురు పయనం
36
సెగ రోజ్కు అత్తే తరవాత పౌలు 'బే బే పట్టాణాతే పెభువు వాకేం కెత్తాడో ఆ పతి పట్టాణాతే మందాని అన్నలోరాగ గిరుడ్డి అంజి,ఓరు బేల మిన్దోరో ఊడ్క ఇంజో'బర్నబాతోటే కెత్తోండు.
37
అస్కె మార్కు ఇందాని పేరు మందాని యోహానీను పెరికె వాటి అందనాంకు బర్నబా ఇష్టపర్తోండు
38
అత్కు పౌలు,పంపులియాతే పని సేన్క మనతోటే వాదకుండా విడిసి అత్తోనీను పెరికె వాటి దాయటం మెంచిదయ్యో ఇంజో అల్స్తోండు.
39
ఇరువురీను మజ్జేతే పెద్ద గొడవ ఆదటం వల్ల ఒరు ఒరొనీను ఒరోండు విడిసి వేరు ఆసి అత్తోరు.బర్నబా,మార్కీను పెరికె వాటి ఓడ తర్రి సైప్రస్ అత్తోండు.
40
పౌలు సీలాను పెయిసి,అన్నలోరు ఓనీను పెభువు క్రుపత్కు అప్పగిస్సాని వేలత్కు తేది, .
41
సంఘాను బలపరసోరు సిరియా కిలికియ దేశానాల అత్తోండు.