¹ Lẹkhui ihọnmẹkẹe ughomọn ozaza vbohan gheti, azọdan nuda dakha ta atakpotọ. ² Uan nọ zurovbetin ọiteta man agbọn sokpẹn Oisẹlẹbua uanrivbọ nọẹin bọta sokpẹn ọzuro ghemi nọlẹhe vbi Etin. ³ Sokpẹn uan nọ tatakpotọ, agbọn nọtetaman nọda zẹnai khi ere, nọda rienaiakha a, ọgbo sonain udu. ⁴ Uan nọ zurovbetin ọzegbọe khuaere, sokpẹn ọnọtatakpo toe ọzọ sẹ khuaere. ⁵ Ẹghẹna iho nivba zurovbetin. Sokpẹn nọi gbo liyọ, ihoo nivbai tatakpotọ ọgbalẹ ọnọ zurovbetin (sọiu khuan miuro), nada zọsẹ khuaere. ⁶ Sokpẹn ẹghẹna, imiọn men ni ọmọhe bi okhuoho, ikha gavbare nikha zurovbetin, da ee nio rẹivba, sọiu khi teta mavba vbi arẹman da aẹn da atakpotọ da emiman mi? ⁷ Emi ghikhiẹn nọyiafintin enibi ifee da afan ọikpoyeghe deanre, bakihio meti ẹn emighikhiẹn nakhuee? ⁸ Akhafi kakaki vbi ikhuemi naiẹn, bi uan kio meti ẹn sọsẹghẹ ghi muegbe ghoshio? ⁹ Iyiọọ gbo ji vba. Si vba teta ni ẹwanin ri, bi ebi vba tae kio meti muan ẹokuere? Mivba kha teta, ọimuanso ẹokuere. ¹⁰ Vbẹkẹ aizudueva uronọbun ọdọdan nọri vbi agbọn aimiọnọi mọn azẹo. ¹¹ Sokpẹn siẹn azẹo gburo, miokiẹn ọre rẹji ọnọzọe, ọnọzọe ogbokiẹn ọre jimẹn. ¹² Iyọ ọjẹ. Ba rẹ gayẹn wua gbiyiangbe ghọrẹman ghi Etin, riakhaa nuda zọsẹ khuaere. ¹³ Ọnọ zurovbetin lerọnmọn nọda meti miuroo. ¹⁴ Ikha lerọmọn vburoo, etin mẹn lọe, sokpẹn udu mẹn ọi mọn imọnmi. ¹⁵ Bi ki ou? Mio retin mẹn lerọmọn, sokpẹn mio gbo rudu mẹn lerọmọn. Mio retin mẹn suioo, mio gbo rudu mẹn suioo. ¹⁶ Sọiriyọ, ukha re Oisẹlẹbua vbi etin, bọnọ rivbi danmoe kio meti gbi "Isẹ" sua rekhuẹnmi, sọiẹn buata? ¹⁷ Urata rekhuẹnmi nọeọvbọre, sokpẹn ukhuna ọliọre. ¹⁸ Ikhuẹnmi Oisẹlẹbua khi mia zuroetin lẹvbavba erẹmẹn. ¹⁹ Sokpẹn vbẹkẹ ọsẹ mio runu mẹn tikpeta ihẹn niẹni nida man eliọ, lẹ izuro ẹgbẹẹngbeẹn vbodigbe vbetin. ²⁰ Imiọn men, nimọhe bi khuoho, vba khai kiẹn ivbokhan vbaoo. Vbẹkẹ emiọbe, kharẹbi ivbiọ mobọ, sokpẹn vbaoo wẹ kiẹn ọohiae. ²¹ Vbẹkẹ uhi avinọin, "Vbi oẹnmi ghere bi ukpobunu ghi ere mio rọe teta man enagbọnna." "Ọkharẹ khariyọ nai ya hen tamẹn," ọna ni Ebianin tae. ²² Ọhiọghọna a zurovbetin aẹnẹn ọ, ọiwuo ghe enọmiehọn, sokpẹn oghe enọimiehọn. Sokpẹn atakpotọ aẹnẹn ọ, ọiwui okhe enọmiehọn, sokpẹn oghe enọmiehọn. ²³ Ọhiọghọna, ọsẹ erẹmẹn kha vae kugbe khazuzo vbetin, ọọha vboe bi enọimiehọn ore, nayo ta khumuamẹnmẹn? ²⁴ Sokpẹn vbavba erẹmẹn kha atatakpotọ ni ọnọimiehọn da uanvboe ore, mudu ghọe ọribohi nai vbe emierẹmẹn, makio ri emierẹmẹn natae wuighaẹzọ ghọe. ²⁵ Uheegbe ghi udu ghọe mọnegbe man mọn desẹoru, ọgo Oisẹlẹbua ọri vbuse vba ẹsẹsẹn. ²⁶ Bọki sọegbe, imiọn men? Vba kha vae kugbe, ọdiode mọn ioo, amama, arẹma, azurovbetin, da amiuro. Wui emierẹmẹn nuda ziọsẹ khuaere. ²⁷ Akha mi uan nọri oẹnmi teta, etueva da eha kha rivbọ, otuọkpotuọkpa vbọsẹọsẹ. Uan mọn miuro ghebọtae. ²⁸ Sokpẹn suan irivbọ nọmi uroo, nanai ọdeọde han vbọkẹ vbẹ kẹ ọsẹ ọtetaman egbọe bi Oisẹlẹbua ọkpa. ²⁹ Ji oẹn eva da eha teta, eliọ riẹnemi daehọ ji ebatae. ³⁰ Sokpẹn akha riẹnmi ni ọnọ dehae vbi igami, ọnọ teta ọihavbọ. ³¹ Ọdiọde mọn meti tatakpotọ ọkpọkpa ni ọdiọde damaman nanain erẹmẹn gbomọn iriakha a. ³² Ọhiọ etin ghovba ẹn orivbi ee arẹkhian ghenoẹn. ³³ Ọhiọ Oisẹlẹbua ọiwui Oisẹlẹbua ghi orughulabẹ, sokpẹn oghi ọfunre. Enibi ọsẹ erẹmẹn ghi enọfunain, ³⁴ ikhuoho kha havbọ vbẹkẹ ọsẹ. Ọhiọ aireheinain rẹteta, sokpẹn naikha rivbi degbere, ebuhi eta. ³⁵ Akha mi ebinai hoo ninai mama, nai miẹn edọn nain ghevboa. Emighi ẹkhọe ọ ni okhuoho dateta vbẹkẹ ọsẹ. ³⁶ Obọwẹ ni eta ghi Oisẹlẹbua davae? Vbavba ọkpa nọdọegbe? ³⁷ Akha mi ọnọ oọe niegbọe khi oẹn da ọọha ghetin ninọiu, nọiẹn khi emi nivin ji vba iyi ghi Ebianin ọ. ³⁸ Sokpẹn akhami ọnọiẹn ọna, aikhai ẹnọi. ³⁹ Ọhiọ ghọna, imiọn men ni mohe bi khuoho, vbarata ho nivbai tatakpotọ, khai khuan vbi azurovbetin. ⁴⁰ Sokpẹn vba juan wui emierẹmẹn vbi ọhọnmọn bi ọsẹọsẹ.