¹ Sọlu yamai khọ u. Vbọ na Inigbegbe sọse vbi Jerusalemu; da kakabọ gba, elemiẹhọn da vẹn khakha vbi Judia bi Sameria, ọkẹ ekhẹn ọkakuo. ² E lemiehọn gbaiguẹ li stivini, e da rọitọn. ³ Sọlu kakabọ muokhio rẹkhan ọsẹ; ebọi mu agbọn lemiẹhọn kuọ vbighan. ⁴ Ama, elemiẹhọn le lalẹ sisẹ wewe. ⁵ filipu lodẹ Sameria akpitan si kristi. ⁶ Agbọn le buin ke haẹ-ẹn bi emi ọyunua li Filipu uu, e daehọ vbe bọta. ⁷ Eti lọi họmọn siggbọn vbegbe re, e khuoruin, ẹkhi-i, ele gbobọ bi ukpuẹ yẹn vbegbe mi muegbe da-an. ⁸ Eghọghọn lọgbai da ri vbọ lẹvboi. ⁹ Ama, ọmọhe ọso ri vbọlevboi la etioi Saimọni, lọria reti sodobi miẹo lọ yagbọn Unua vbi Sameria, lọ ta khọẹn mọukutu. ¹⁰ Ekhẹn Samaritans erẹmẹ kakabọ muẹkpẹn nai, e tai, ''ọ lọmọhe nai khahu Sosẹlẹbua la etiọi ọlọ khua.'' ¹¹ E daeho ọhiọ, ọtẹi lọ da uemi Oyunua. ¹² Ama, le kerẹ miẹ Filipi họn vbowewe Sẹguai Sosẹlẹbua bi ei-in si Jesu kristi, ada samẹ niaẹn. ¹³ Ọli Samọni ọgbo miẹhọn, asamẹ nai, ọ da dehia kpẹa Filipi ẹghẹ erẹmẹ. Lọ kerẹ miemi lekhua lọu, ọ da yaunua. ¹⁴ Lekhẹn ọkakuo vbi Jerusalẹmu kerẹ họn khi Sameria miẹmọi Sosẹlẹbua họn, e da zi Pita bi Jọni rẹ aẹn. ¹⁵ Le kerẹ sẹ vbevbọ, e lerọmọn ni aẹn, le ọda mieti lofuan. ¹⁶ Ọhiọ rẹsẹ vbẹghẹn, Eti lọfuan sẹrẹ vare zi aẹn osọso, ama, airei-in si Jesu same niaẹn. ¹⁷ Pita bi Jọni da muobọ aẹn vbuhomọ, e da miẹ Eti lọfuan.̈ ¹⁸ Li Saimọn ke rẹ miẹ khagbọn miẹ Eti lọfuan vbebai mu obọ aẹn vbuhọmọn, ọ rẹ regho ni aẹn. ¹⁹ Ọ tai, ''Gbo rọlahu nai miẹ Eti lọfuan.'' ²⁰ Ama, Pita tamai, ''Egho sẹ khueo ba, ọhiọ u fẹẹ lu egho dihọmọhan Sosẹlẹbua. ²¹ uu mạ obọ vbọ lẹmọi na, ọhiọ udu sẹi fua an rẹ zosẹlẹbua. ²² vbọ na, ri obọ vbudu lọbe sẹre, lerọmọn zosẹlẹbua lọ rọkhọ ọ họmọn. ²³ ọhiọ, I dawa ebe gbọya lọ ya-a, ọẹn u vbẹ kẹn Ọkhọ ọ lọ buin.'' ²⁴ Saimọni da ayẹn, 'Lerọmọn zosẹlẹbuai mẹ le lemi u tai na kha da sunu zime. ²⁵ E ke rọsẹi ọvbẹmọi sosẹlẹbua nẹ, Pita bi Jọni da chiere vbi Jerusalemu, e da wewe vbi vbiẹ vboi kere kere vbi Sameria. ²⁶ vbi na, angeli sosẹlẹbua ni Filipu tẹmọi, ọ tai, ''Akhọre, khian lodẹ ukpodẹ Gaza.'' (ukpodẹ lọ khian vbuze bubu). ²⁷ Ọ akhọre lodẹ, ọ mi ọmọhe si Ethiopia, ọwegbe lọ kakabọ mọ ahu, lọ ri vbobọ sọhọba si Ethiopia. Ọẹn mọ obọ vbi emi erẹmẹ solokhuoho. Ọ vare vbọsẹ vbi Jerusalemu. ²⁸ Ọ ke vade, ọ kọọ ebe saizaia vbebe lọfuan, vbẹkẹn ebọ rẹkhian. ²⁹ Ọleti da tama Filipu, ''khian sikẹ ebọrẹ khian.'' ³⁰ Ọ la sikẹai, ọ họin khọ kọọ ebe saizaia lohẹin, ọ rẹ ọi, ''ọvbọ muẹn ẹo kuere khe bu kọọ?.'' ³¹ Eye, u khai miẹ khọya khọ kpamẹobọ.'' Ọ doabọ li Filipu vare ọdeba ọẹn dehia. ³² Ọ nai kho vbiako lọ lẹ Ethiopia kọọ ''Amuọi boghogho lodẹ eza da gbeami, elabo vbioghogho la kẹn ọhaa, vbi zọ ọi ta-an unu sọea, ³³ vbẹ kẹn I rẹo gbea sọe, e riata vbẹ mọ ọn re, ọ kiọ meti khọ khọ nọsẹn ua-ami lọ da deanre? ọhiọ agbọn sọe, okhumotọi na adarọi.'' ³⁴ Ọlọ wegbe da mi-in filipu, ta,"i doabọ na, ọi ọlọhẹin temọi sọe, egbọi da ọya ovbei ?" ³⁵ Filipu da bẹẹ a tẹmọi, vbi ovbiako lọ tegbegbẹmọi si Jesu mai. ³⁶ E bei khian vbukpodẹ, e sẹi vbẹda, ọlọ wegbe rẹ ọi, ''kao we, amẹn ri vba-an. E mia kha ke da samẹin mẹ?'' ³⁷ Filipu da ọi, u kha miẹhọn vbudu sẹ erẹmẹ, a samẹ na.'' ọ lẹthiopia da ayẹn, ''I miẹhọn khi Jesu kristi, ovbosẹlẹbua ọ.'' ³⁸ Ọlọi vbẹthiopia da mu ebọrẹkhian muzan. E oivbẹ kẹn amẹn, Filipu da samẹ nai. ³⁹ Ẹghẹ le ke rẹ da vbamẹn deanre, eti sosẹlẹbua da ri Filipu khuagbe, ọlọwegbei chie miọin, ama, ọghọghọn khuagbe. ⁴⁰ Ama, Filipu miegbọi vbi Azotọs, ọ da khian vbọ li laga ẹn, ọwewe vbẹvbọi ọdọdain, ọkpẹ vare vbi caesarea.