¹ Igaranti abodo nyangha wa ibeh sheng, mbayen idengiri njindege mebandege jok iborr. Afonor igboro ikor, irana ifengheh jol gor ndege tep neh iglory. ² Arerr joke neh igboro ilome, yorbong na, "igbor, igbor yoreror Babylon ji fulor! Abufengheh jol idi nineneh ulim. idi nieneh ka felufu mbika baror, neh idi nineneh ka fel ishashab neh iroke nji kabaror. ³ Tep abugor waa ibuwor amum anebikorr akpara beh. Ntol ndege ibulemibebe neneh. bajeneh areh gor ndege ibufengheh shere anebafang ngor ikor ishashab mbarr unenikpen teh. ⁴ NGho igarantor nyogibong ngor ikuniborr iyolor bong, "joke wuneh shaga, anebama, inyornji wun tibar shumor ngor abebe yeh, fufeneh inyornji wun tibar kogor uyambeh mbindendege. ⁵ Abebe yeh ibulogikun ganah ukuniborr ngha, Ishor ufengheh boro uleme abebebeh. ⁶ Galeh ikonna agalor anembagor, fengheh kpehgal igorlibal ngor nlemeyeh, ngor igbangara nji ashumor igorlibal na ireror ka-eh. ⁷ Nayibor ijibeh yuror fengheh neneh iteng tenghikpen, ka-eh agboro akanya neh uyamitem.Ngho, ababong ngho item teh, mbum nantol nenkal; menenkal weh nomeh beh kpor shang, fufeneh nintege bayeneh unongho iku. ⁸ Ngor ikukulor, akanya yeh ibabaga gor ufomfombreng! iku unongho iku nenjal. Ngoniyebeh ligeh, tep neh Ntolishor fulor sheng waa, fengheh jol nlam nlama weh. ⁹ Atol ndege mba ilemor ibebe ulongho nenenkal akpara fengheh yor lemayleh ayele neneh ibafaba abibi fengheh yor wul kageh igaranti mbor nyenor atutuk ilolongogeh feh. ¹⁰ Mborba tumor yeme shageh feh, fonubol akanya yeh, yorbong, ndon ka igboro ibugor fonor, ndon, ndon ka igboro ibugor fonor, Babylon, ituntunor ibugor! tep neh ngor monigara ntreng akanyaya ibubah. ¹¹ Bajeneh areh ndege ifababibi fengheh nongho iku ka-eh tep neh nenwreng kperm gono abodo areh bor. ¹² Areba form form ikongho, ayiyerr, anonobatal agiome, anonob abomor, ibin, aurr, akpid abodo ite nya ikpelor iluu waa fel nshugukang ngor ivory felijome njilemor neh inonobikikibeh ikon, mbord, akongho, neh ituntunor utal. ¹³ Ite nji iyor yonor feligara, amonkpana, abodo iluu, myrrh, frankincense, amum, akurr, atena tenghe abodo nshge ngulashak, agodobia nh ujoror, abonkang neh uyamsholtoka neh agobji, neh afu aneh. ¹⁴ Mogor tenyi ashebor neh ikor tawah ferr shaga. Iteng tengheh ikpen tawah neh iformform ibunimeh, nyeneh kpem ray gbugbul. ¹⁵ Anebareh abodo nya, mba isheror afanghaneh ngor ntobor yeh ibayeme gor igboro iyaga feh shageh, yor fababibi fengheh yor nongho iku yor kak agururr bay. ¹⁶ Mbor ba bongho, ndon, ndon ka igboro ibugor nji kagor inonob iwuror , ngor ibin, ngor amogor gome fengheh kakiwuror aform form agome. ateng tenghe anyeh, neh amogor! ¹⁷ Ngor igarantreng afang nya waa iburongho. fel nenkol nshukukang, fel neh wmeh jengor agoboro aya, bajeneh shebe gor aya, neh wambaiyor nenikpen bor gor aya ijoke yeme feh. ¹⁸ Mbor rerr jok nambor yenor atutuk ilolo teh. Mbobabong, "Ba-ibugor ireror na igboro ibugor? ¹⁹ Mbor ror ndege konobor gor ashi, fengheh rerr jok yor fababibi fengheh nongho iku. Ndon ka igboro ibugor,ngho idi mba ifonor ashukukang ngor alib waa iheror anbafang ngor afang yeh. ²⁰ Ngor igarantreng aburogho gor ndege. Gereh kak, ikuniborr, wun wele aneb, batondulor neh bayeneh amirr, tep neh Ishor butap nlamayineh koneh. ²¹ Igboro idegiri tap utal yuror iborr na igboro utal gogabodo utal fengheh ror kagor agboro aya fonor, yor bong; ngha mbarr nya, babylon, igboro ibugor, iba gborgor ndege ngor ikor. inimkpeh bajolor gbini-gbini. ²² Iyork ti ba kobo abodo abin ilemor, batomoe aberm, bayoror mferimfe, nebayoror utang, anim tegekpeh bayogo. uregeh agbid abodo mbinden-dege inimkpeh bajolor, mbajolor nena. Anim kpeh bayogo iyrk ugorgor abodo. ²³ Irana itrikang inim ege kpeh bayaga bolo wun . Wun tege kpeh york nkal moenom, tep bajeneh are bineh ijolor abonatol ndege mbanebkal, abugor ifengheh fon nimeh ngor bong ya. ²⁴ Along bayene amirr neh awere anebishor ijolor ngho ngopji yeh, neh along aneh waa mba ibeh kpor gor ndege.