¹ Newreng ngor igom adengiri arim-ini nyor joloyor fele ikpengheirim-ini yurr ba bong nenama,"ba, me nyaba tebe na aba kogor rongho igboro ne akpara we bumor gor alip feb. ² Weh yor atol ndege ibe nongho nene. Fufene, amim akpara ye ya ane mba inenor ngha nfarm ibe bomo." ³ Ngho igarantor, idengiri fonor tab me tum ngor ufu tum ngor ikankan ifu mfenghe nyen nenkal bumorgor njim nyam-sholtoka nyi iroror ne arongrongho abeng. Nyam fonor, fonor ashi arim-ini ne atang igole. ⁴ Nenkal fonor kaga ibin ne agome fenghe bolo ijibe ne afomfom igold, anonob atal, ne amogor gome. Ajorl fele ifomfom igbangala akongho njiroror ne ayeyebe abodo aronrongho abodo akpara ye ngho ubor be. ⁵ Ngho mboke me iyonor mbeng nyi fonor ijejek na jogor: "Igboro Babylon, nyen aneb akpara ne abodo nya ikakpelor iyebe ndege. ⁶ Nyene na nenkal fonor be rorr ne along anonob anebishor ne along anemba ikpolor ngor ishi Jesu. Igara nti nyene , ikor ibatan me na dole. ⁷ Idengiri fonor fenghe bong nenama, "Nanor iwedorka ikor ibatan? Me yaba taga ijome nji nenkal fornor ne nyamshotuka nyor be shol nenkal fornor ijogor, ne nyamshotuka wenji fornor ashi irim-ini ne atang igol. ⁸ Nyamshotuka nyi ayenor re ikpeng iminimineh, nghantega shang, afenghe kpi shebe norgor aba iborr ngor iberrnti ika kpelor itulor. Ngho igarantor, ayor ba rongho shong mbok-a-mbok. Mba inenorgor ndege, mba abeng bor ika yobor ngor nwerr ikpeng gbab ngor iyubitulor nfarm-ikor iba bor tana igaranti mbor yenor nyamshotuka fornor, teb ne abutogor jol, nghantigha akpem re, ayaga fenghe ba. ⁹ Ntingha ireka item ti ikpelor ulongho. Ashi arim-ini fonor ire mon ngole irim-ini nya nenkal fonor bumor. ¹⁰ Mbor re atol arim-ini fufene. Atol aron ikpem re, nyreng yi rero, we nji gor kaba, igara nti aba lor, atigi ba jolor ngor mon igara teke. ¹¹ Nyamshotuka fornor nyi togor jol, aka fengho reror nghantega, atigi kpe re igborbolo irim-ini ntol. Ashum ngor arim-ini fornor, fenghe ferr ngor nrongho ye. ¹² Atang igol nya ayenor ngho ire atol igol mba ikabor ti ko itek utol, mbor fenghe bakogor ikor na atol ngor mgbek igara ntring shumor ne nyamshotuka fornor. ¹³ Nyangha ikpe ntobor njiring, fenghe fenghe ne ikorbor ne utolbor ka nyamshotuka fornor. ¹⁴ Mbor ba nogor ita ne mon njoror fornor fenghe ba fornor ikor shenghe bor teb ne we ada ka adane ntol ka atol - ne mba ireror nene mba mbor be bor kok ba, iyige bor fenghe jol anonob aneh." ¹⁵ Idengiri fonor ba bong ne nama, "alip ma ayenor ngho idi nenkal akpara fonor bumor, igom ane, irorr igom ane, abugor ne alome bong ya. ¹⁶ Atang igole nya-ayenor - nenkal akpara fornor ba bor shaba ne nyamshotuka fornor. Mbor yebe leme ane tene fenghe jol ata-ata, mbor ba lige ngopji ye fenghe tebe kpukpul ne ngon. ¹⁷ Teb ne Ishor be kag nti ngho ngor ntem bor norgor mbor lem ifangha gara na mbor tama tab ikor bor ka nyamsholtuka fornor teh teh teh mbong Ishor ibu lem ifangha. ¹⁸ Nenkal nyor ayenor yor reror igboro ibugor nji ikpelor ikor sheng atolya ngha nfarm."