¹ Nyogo igboro ilome ijogo ngor ateng ikobashi fengheh yor bong neh adengiri ishi irimini, shong, nor ayishala ikpenghe uyamtem Ishor irimini wuror gor ndege. ² Mgbogorbarr idengiri batum ji wuror ikpenghe jeh ngor ndege ; ashashab neh iyamyam arok ibatop anemba ifonor irenghe nyamfonor. ³ Igborbolo idegiri ibal yi shala ikpenghe jeh kagor agboro aya. Isheralong, nalong ikporkpor nne, fel ijomikpen ngho aya fonor ikpor. ⁴ Igborbolo ira idegiri kpeh shalikpenghe jeh kagor alip feb negor alipatal, fufene mbor sheralong. ⁵ Nyogo idegiri alip imebong, wor arey dedede wonji areror kpeh fengheh jol, wewele nne, tep neh abufon nlaka abodonya. ⁶ Tep neh mbor shala aloong anonob anebishor nebayeneh amirr, Abor ka aloong nogor mbor wor, ntimbor sheborntitingha. ⁷ Nyoke mboke ikorbasheh fangha, itembagaji, ntolishor weh fulor waa, nlamaya rey dedede fengheh jolitembaga. ⁸ Igborbolo ini idegiri shala ijeh ikpenghe konogor njol ifengheh ka-eh ikor nor aterpaneh fonor nengon. ⁹ Mbor mbeng Ishor weh kpelor ior ka ayamya waa, mbor yanghim afi ka-eh ntigeh. ¹⁰ Ngho igarantor, igborbolo iron idegiri bayagha ayeh wuror gor ite utol nyam fonor fufeneh ijingheh ibolo ikun utol beh. Mbor li alebeh bor tep neh iyama. ¹¹ Mbor rongho mbeng Ishor ukuniborr tep neh iyamaneh arok, mbor tegeten nombor yangha nleme bor. ¹² Idengiri igborbolo irara ba yanghayeh kagor agboro aya,Euhrates. Alip ,meh ika inyorji iba joro mbarr katol nya ibabagor east. ¹³ Nyen afu ara nya ikabaror mba ijolor na akpata imeh jogor nyor nyam neh ilolongon ngor nyor, nyam ne ngor nyor nyeneh amirr umumala. ¹⁴ Tep mbor afu nimya imeh lemagboro abaga atol mfam waa inyorji mbobabor kogo konashi tep neh itanti imebagor igboro ufongfo Ishor weh fulor waa. ¹⁵ Breh! mkpibaga nah nju! nya ijol kanenyor kpelor ukono nterr, fengheh yor atiba jeneh shibeh ngopji gbole. fufeneh inyorji mbor tiba yeneh ndonyeh. ¹⁶ Mbor kok bor konashi gor idinji mbokomeh armagaddon ngor Hebrew. ¹⁷ Ngho igarantor igbor bolo irimini idengiri bashalayeh kagor ifufeh. Igboro ilome ijogor itek ukuniborr negor ite ntol yor bong, ibulem! ¹⁸ Ngho nranafeb ibatep, ayork feb, ayork ndan, neh igboro mfing- ukede ndege shenghe mfing nyindendege nyi ibetogor jol, na neh gbebor neningha ndege, igboro ukpede ndege jolor. ¹⁹ Igboro ibugor fonor ibak idira, abonabugor ngho agboro abugor ya igbor. Ngho igarantor, Ishor ba kogor item teh igboro Babylon fengheh ka ibugor igbongara njiroror neh amuma iolemogor uyamitem akanya yeh. ²⁰ Fel idinji alip ishibor kag inimeh, fufeneh ngole ikpm jol. Igboro ilibatal nya ijolor igara igara iba yurr gor iborr bandege kono aneh. ²¹ Mbor yor toh Ishor tep neh ashashab akanya fonor ifonor utanikor