¹ Ngho igarantor, nyen utanikor mbindege ngor ikun iborr, ifu fengheh tanikor: ngho idijor, ijolor Adengiri ishirimini neh ayam arimine, nya ireror akukulor ayam, tep nembor akanya Ishor ibojolor. ² Nyeneh iomijogor fongho agboro alip shumor ngon ngor iyeneh. Anemba iyemongho mkpa alip fonor ijolor mba ifonor ikor shenghe nyam fonor neh mfongho yeh fengheh fonikor shenghe ireghe nti iyemogor mbeng yeh. Mbor fele abodo abinya Ishor kalobor. ³ Mbor yol tomo abem Moses, nroyome Ishor neh abemonjoror. Neme ya fufengheh tanikor, igboro Ntolishor. Nyaya ireror abarr ya, ntolabugor. ⁴ Nyonor tiyaba begeh, ntol, fengheh yib mbeng ya yuror? Tepneh wonending yor areor gbole. Abugor waa iyaba tigeh ngor amirr ya tep neh inonob nleme ya butep gbole. ⁵ Igaranti nti abodo nya waa ibeh shang, mbreh fengheh yen mbobikun mikpelor itaba ntensheh ribeh gor ukuniborr. ⁶ Adengiri ishirimini mba ifelor ayamarimini fonor ijogor mbobikuiborr fonor. Mbor kaga awuror ya sharr fengheh fon afomfom shebeh ikurunku mbor kak. ⁷ Nyam nreng ngor igom uyamkpen ikala adengiri ishimini afom fom ikpenghe irini nya iroror neh akanya Ishor, weh nenor ikpenigeng geng neh igeng geng. ⁸ Itek ukuniborr fonor iroro neh atutuk kpebgor ntigeh Ishor neh ikor teh. Neneh mam yel shenghimbeh ayam arimini adengiri arimini ibukorn.