¹ Nmeh mbreh fenghe yen njoror yemogor igol Zion. Mba ijolor neneh ijolor anor atil arumogol mba mbeng yeh nenyi nde iyonor gor aboke bor. ² meh nyoke ilome ngor iborr nti yolor wul na iyork alep feb neh iyork ndan. iyork nti nyogor ijolor fufeneh naba kobo abogo imeh kobe abogobor. ³ Mbor tome abem mfemfeh ngor ushimerr ite-utol, negor abodo nya ikpelor ikpen anebkol neneh mamkpele abem fonor ishengm aneh atilani mba mbor bebor gono ngor ndege. ⁴ Ngha anemba ikaborti rongho ijibor neh anbkal bangha, tep neh mbor bubome ijibor gbole shaga unongho neh aneh mbangha ba imeh tonor njoror lomogor idinji aferor, Mbangha ifanor nogor ngor igom aneh na agbombarr amogor te ka-Ishor. neh ka njoror. ⁵ Umumala mbindegedege ijolim gor ayorbor mbor fonimube. ⁶ Meh- nyeneh idingiri nyondege meh bugoir iborr ifufeh, weh fonor alom ikpen nor atoror kamba inenogor ndege, fengheh ka fel igboro ibugor, mon ibugor, ilom bong neh aneh. ⁷ Aba kok joke neh ilome gboh, beh- Ishor nogor aka-eh Igraser tep neh igara nlama yeh bulomo. Tegehweh lemor iborr neh ndege, agboro aya neh alep- atal. ⁸ Idingiri nyon dege, igborbolo idingiri itonerh fengheh yor bong gbor Babylon yor reror weh fulor, weh nimor abugor wa tugor nor mbor wor amum-meh ma ikanobor. ⁹ Idingiri njindege tonor bor ngor idingiri igborbolo ira, fengheh yorbong neh itom nti-gboh, jolor nendege tegor nyam fonor neh mfongho-yeh fengheh fonirenghe-teh ngor mboke meh afi gor ubor, ¹⁰ Abawogor amum akanya Ishor fufene, amuma ikabortijumor neh uyamitem beh. Nenyor wolor amum fonor iyebeh lemeh neh ngon neh ifobo ngon ngor amerr ateng tenghe adengiri Ishor neh gor amerr njoror. ¹¹ Atutuk uyene-akanya mbor itum-iborr lomo ikukulor, fufeneh mbor kpem uregasheh njol afi atu-aneb ntigeh nyamba neh mfongho yeh felneh weh kolor irenghe mbeng yeh. ¹² Ngha ikogo ateng tenghe anebishor, mba yor bome mbene Ishor neh ntamabor tugor Jesu. ¹³ Nyoke ilome-ngor ikun-iborr nti ibongho, nyon-ntah, inonob ijol ka ane-mbah ibekpo ngor mbeng ntol timbaga ngha ufubi imeh bong, inyorji mbor malba regeh asheh ngor mfangha bor, tep neh nleme bor babor tonor. ¹⁴ Meh mbreh ijolor mbabara igbogbodo mborombonta. Nenyor bumor ngho igbogbodo mborombonta fonor na mon Ishor. Akugor ifomfom ikpo utol ngor ishijeh neh ikokorr ngudonyor montumor ngor ubobeh. ¹⁵ Ngho igarantor idengiri njindege joke gor itaba-ikobashi fengheh yor koke neh gboh ka nenyor bumogor igbobodo mborombonta: Tap ngudonyor mondumor ya nor agbeb nkemeh. tep neh nkemeh ibulomoe, na abodo kpakpa ibeh bel. ¹⁶ Fenghe nenyor bumor ngor mborombonta kpaga ngudunyor montumor weh kak ndege, fufene ndege bafon mkpaga. ¹⁷ Idengiri nyondege weh jogor ngor itaba ukun iborr, fonor ikokorr ngudunyor montumor fufeneh. ¹⁸ Fufeneh idegiri nyondege kpeh joke gor mboke ikobashi yebluu ba, weh fonor ikor ka-ngon. Aba bongneh ilom gboh kanenyor fonor ikorkorr ngudunyor montumor,tap ikorkorr ngudunyor motumor wa nor abung ishushuk arome ngor abubor ndege log, tep neh arombor ibubel nghatiga. ¹⁹ Idengirir fonor kpaga ngudunyor montumor weh kagor ndege fengheh bung mogurome ibubor ndege. Aba ror-eh kagor akamkama amumakaya Ishor. ²⁰ Mbor jemehamum fonor ngor idindege shaga ibugor fonor, fengheh tor along kak kpeb gor iborr teh lomo aga idibubumeh mbonkang, ngor 1600 stadio.