¹ Igarantor fufene nyeneh, nyeneh nyam nyindege beh joke gor agboro aya meba iborr. Afonor atang igolr neh ashi arimini. Atang igonor akpo utol igole, fel ashi yeh ifonor irong-rongho mbeng. ² Nyam nyi yeneh jolor na ikperemgbe ngha akikil kpada yeh iyolor na akikilkpada uyor, nyor meh jolor nah me mgbe. Nyam fonor kaleh ikor teh, neh utol beh fengheh ka-teh igboro ikor teh ngor agum. ³ Nyam neh ashi feb fonor mkpakshi yeh nyreng fonor igborijom, ijom jor ibukpor. Ikor ibatan mfam waa nambor tonor nyam fonor. ⁴ Fufene mbor yor tamatugor nyam fonor tep neh afengheh neh ikor teh ka nyamyogor. Mbor tama tugor uyam fonor ishibal fengheh yor bong, Nyonor reror na nyamsholtoka? fufene, nyonor malba nogor nene? ⁵ Nyamsholtoka mbor kaleh nyor mi a mal ba bongho ubosheh fenghe yor rongho ane abeng. Mbor yageh abor nogor atepikor teh ngor itil neh merrabal. ⁶ Nyamsholtoka fonor baribeh nyomeh nogor abong isha shab mbong gum Ishor, ronghe mbeng ne itek jeh, mba inenor ngor ikun iborr fufene. ⁷ Ikor iyolor ka-eh nogor anokita neh anono anebishor nogor afenghe bobbor fufene ikor jolor ka-eh ka feb ijarr ibugor, ane, ilome neh Abugor. ⁸ Anemb inenor gor ndege waa iyebeh tigeh, nendendege weh mbeng yeh kanyonor, kpeb gor iyigitulot mfam, ngor nwerrikpen, nji reror ka monjoror webekpor. ⁹ Jolor nendendege kpelor utong nogor ayok. ¹⁰ Jolor nendenge yagor yel mgbagobor aba jogo ngho mgbagobor nyor. Jolor nendendege yagor jol neh mgbraja ngho mgbraja fonor abakpogor. Ngha, ikok anemba ikpelor ubob team nentama nkpa anebishon ¹¹ Ngho mgbebayen nyamsholtoka nyindege. Meh joko gor ndege ba iborr. Afonor atong abal namonjoror fengheh bong na nyam ikor ngha. ¹² Abatep ikor mgbombarr nyamsholtoka waa ngho amirr yeh, fenghe lem ndege nemba inenor ngho nor mbor tamatugor mgbombarr nyamsholtoka weh igboro ijom je ibe kpor. ¹³ Alim gboro utanikor. Afenghe lim ngon foro ngor iborr bandege ngor amirr ane. ¹⁴ Tẹp nen atanikor nya mbor kaleh ikor nyamsholtoka, aba nimms anemba inenor ngandege jor takbor nombor lim nfongho nyam fonor limor ijon neh mgbraja, atege kpeh ray ikpen. ¹⁵ Afonor ikor nor akaa mfongho nyam fonor iyor inyor ji mfongho nyam fonor iyor inyor ji mfongho nyam fonor babongho fenghe limba itenor waa mbeh mbor nimba tamatugor nyam fonor normbor yolbor. ¹⁶ Fufene abanuror fel neh, mba ikafulor nemba ifulor, anebafang neh akpaganeh, mba-ikareror ajo neh ajo, nombor fon irenghe gor uboblome afi gor mboke. ¹⁷ Ijolim kpereng kanendendege nor agono fengheh shengmbeh akpe irengheh nyam fonor. Ngho ijogo mbeh ijomji iyemor gara mbeng yeh