¹ Ngha, uyene amerr Jesu Christy bingha mbi Ishor kaleh nor itep ba rogor itome beh ijome-ji ibajolor. Atomoh adengeribeh tugor John nrogitomebeh mba ilemor ayenor. ² John toror gum ilome Ishor ne utanikor Jesu Christy, abaga waa nya ayenor. ³ Inya iyol ka nenyor bongho ilome uyeneh amerr mba gbole, nemba iyor rangha atong uyeneh amerr fenghe leme ngor ijomeji iyenor ngho, tep ne igara fonor ireh ikpedikped. ⁴ John ne ikorbashi irimini ngor Asia: Nor igrasha ijol ka wun ne tereh ngor idi nenyor reror, ne nenyor togorjol, neyor yagor ba, ne ngor afu arimini mba iyemorgor amerr ite utal beh. ⁵ Ne ngor Jeus Christy, weh reror iteng-tenghe ntensheh, mgbogor mbarr mon ngor igom mba ibeh kpor, ne ntobishi atol ngha ndege. Ka weh nyor kpelor ikorr ka wurr fenghe yigeh wurr. ⁶ Abu lem ikun utol ka wurr, adim ka Ishor jeh ne ndeh nkaga jol ka-ehneh ikor ngor ikpen ikeng-keng ne ikpen ikeng-keng, nogor ijol nor. ⁷ Breh akpi baga ne agbogbodo mborobonta fel imerr iyebeh yeneh, bodo ne mba irebeh akikibeh. Aborn abugor ndege waa iba nongho iku tep ne weh. Ae nogijolnor. ⁸ Meyor nreror mgbombarr ne ikukulor, noyor Adah Ishor beh bong, "nenyor reror, neyor jolor, neh yor babaga, nyor fulor shengh waa. Greek nya ikelor ifan nyandege ibongho na, mgbombarr neh ikukulor, noyor Ada Ishor bongho. ⁹ Meh John mgbay jineh neh neweh nyenor akanya nenineh neh ngor itek utol fenghe fon unara nterr neh tereh nya ireror gor Jesu jolor gor idi alip ishibor kak nji iyinor neh Patmos tep neh ibong Ishor neh utanikor gum Jesu. ¹⁰ Njolor gor ufu gor ufomfo Ishor. Nyogo igboror ilome gor njim yama na ntang. ¹¹ Ibabong yon ijome ji ayenor ngor nwerr, atome tugor ikorbashi irimini tugor Ephesus, tugor Smyrna, tugor Pergamum, tugor Thyatria, tugor Sardis, tugor Philadelphia neh Laodicea. ¹² Nshibeh yerr nogor nyen ilome it imeh bong nenama na nkebor nyeneh akpaditrikang arimini nya ijolor igold. ¹³ Ngor iteng-tenghe akpaditnkang fonor, nendege jolor ngho na mon nenom kagor irapgbol iworor nji ngor ayugugorr ne igold shibeh ikrunku kak. ¹⁴ Ishi jeh neh nlushi ibara mbomor fenghe barr na iburr ngha fufene amerr yeh ijolor na ilolo ngond. ¹⁵ Akpada yeh ijolor na ikongho ajobor nji mbor beh tama kurr, na ikongho ajobor yi mbor joror tep ngor ngon neh ilome teh na iyok alip ma-imeh fab fre-freh. ¹⁶ Afonor arogondo arimini ngor ubob lome beh, neh mgbraja nyi yolor yor korr ajimabalabal yol gogor ngho nyomeh. Ushimerr behiyol yala na njol yi meyah dole. ¹⁷ Igara nti nyeneh, mba gbor nongho ngho arab kpadah na ikpor-kpor neh. Aba konoh ubob lome beh ngor ngobji yamah fenghe bong mbeh ka fon ubol. Meryor nreror mgbombarr ne ikukulor. ¹⁸ Fenghe jol nenyor reror ikpen. Mkpukpor, nghatiga breh, mkpe ikpen igengen! Mfenghekpe agbogoror iku ne ifoboh. ¹⁹ Tep ne nor, nyon ijomeji abeh yen, mjingha ntiga, neh ti ibajolor igara nta ibeh sheng. ²⁰ Na nti wun yenor gum arogondo arimini ngor uboblome bama ijolor sheshele, ne akpada itrikang arimini: Arogondo arimini nyanhor adengiri ikorbashi irimini ne akpada-itrikang arimini ba ireror akobashi irimini.