¹ Nghati, Ba ngbayen bama mba ijor-korr mme, mba mme sheb, uyebitem bama nne ikpo-utol, ngha mbarr nya fun won atunor nne Adah, annebikorr attembama. ² Mme nkpi gororr Euodia, mbonne syntyche, fun-won item ntereng nne Adah. ³ Ayi, mme mbabu, nne nyo ujor-jen nnor ngor itembaga, nogor won kag anepkal mba ijolemifangha utororr allom nnenama uboh, bodo-nne Clement nne ba-lemifangha bama mbagor, mba abeng bor iyobogor ngor nwerr ikpen. ⁴ Jo-fun-won nyebitem gara Adah. Mme nkpeba bongho, fun uyebitem. ⁵ Nogor anne-wah īkine nna won rerorr tereh-Adah rengha ikpedikpet. ⁶ Ka-won fun ukononter dol ka ijom njin dege ndege. Ikorkobilor, ngor ijom njindege ndege ngo ndor nne igafor, ishor kine ijomji won mebub, ⁷ fufor tereh ishor mbi ishengho nrengha wah, ibag gomoh item ta nne ntobor ya ngor mbeng Jesu Christy. ⁸ Ikukulor, ba-ngha yen bama ijom nji ireror itembagah, ijom nji irerorr nkaga, ijom nji ireror dedede, njindegendege iregor nji inobor wah mal, njige ijom iregor nji wurr ubatige, tobor won gum abaga nyagha. ⁹ Abaga nya won be kpele fenghe fun fenghe yok fenghe yen ngha idi jam a, leme won abaga nyagha, ishor nji rerorr tereh ibajolor nne-nine. ¹⁰ Mme ngor uyebitem ngor idi Adah na-dol, ngonan ngha ntiga won bu-fun ntobor nfemfe gara nenama. Won jol funor ntobor gara nenama ngor njim, iyaga ijolim nogo won kag uboh. ¹¹ Mme nnomor bong na tebneh ikpeme ifan. ¹² Mme mbukoele nogor ijom njindegndege ījo fumme ngo mbarr yindendege. Mme nyiyi na akafonor ijom ijojol, mme mbaga nyiyi na ayeson feb ijojol. Ngo abarr wah nne ngor abaga wah, mme mbukpele ijom nji ireror ngho nna nne joli ijom lili kpekpe afi ngor njal, fenghe fun-feb affi ngor nshebe. ¹³ Mme malba leme abaga wah ngor mbeng nne yor kalor mme ikorr. ¹⁴ Na iyejol, won leme kpekpe ngor mbagah ijeg-jeg ngara. ¹⁵ won annep Philipians kun won ngo īyibitulor alom, ngara nyi mme ntumor shaga Macedonia, ikobashi njindegendege īkagummeh ubor ngor nkaga nne nkogor shenghm won nenteng. ¹⁶ Jol ngara nyi mme njolor ngor Thessalonica, won tome ukagubor shenghe ishenghe ntereng tugemeh. ¹⁷ Ijolim mbe mme njangha nkaga funor. Mme nkpe shebe ijom nji iba won feleh ibeneh yangha ngo inonop. ¹⁸ Mbukor ijom njindegendege, kerr fenghe shenge shaga. Mbor mme kah ngha ntega kpekpe nji mme mbe-kor ngor idi Epahroditus abodo nya won tomor. Abodo nya īkpelor inonop īllu, nyalah nyi ishor kolor fenghe tamma. ¹⁹ Ishor jama bawonika abodo nya won mesheb wah ngor affang itek Jesu Christy. ²⁰ Ngha ntiga ngor idi ishor nshuwure ijol ngor itek jeh ngor ikpen igengen. Nogor ijol nor. ²¹ Kak annep ishor wah īyemor kporong nyor ngor mbeng Jesu Christy. Bangbanyen breh mba īreror nnenama īkpī-won kagah nyor. ²² Annep ishor wah mba ireror kporong ngha nnenama ikpiwon kagah nyor, tenghe kpok mbah ngho itek Caesar. ²³ Igracia Adah Jesu Christy ijol nne uffu bah.