¹ Jolor Jesu kpelor ukagubor, jolor ikpelor iteng teng ijom nji ikorr imalba lime njige ujolor idi njereng ireror ngor ufu nna ijolor ngor ikorr. ² Lem uyebitem bama ifu ngor nna won bafonor item ntereng, ngor ikorr ntereng, jol njereng ngor ufu fenghe fon ntobor nyereng. ³ kalim iform njindegendege ngor ubed afi utabal ngobji mbi ikajogor ijom-jom-ikabkobulor mbor, ngor tereh tab-anne mbagor nna mbo kpe lor ifan shenghe wor funor . ⁴ Nne ndege ndege ti-breh ngor nti agalle kpeh ifan, fufo ngor nti ikpelor anne mbagor ifan. ⁵ Fon item ntigha ka ujiba nti Jesu Christy bagor fon. ⁶ Nyo ballor ngor nfongho ishor, attobom nna areror nne ishor krededeh nna ijom nji ikpele ifan. ⁷ Ikobkobolobor, afab illeh wah kan ngor nfungho nrogitom, mbo fenghe belleh ngor nfonho nne. ⁸ Abom illeh tereh fenghe fon nkaga lomongor ngara iku ngor icross. ⁹ Tep ne nor ishor tabeh yaru. Akae mbengh nyi fulor shenghe abeng nyagor waa. ¹⁰ Allimme nna iyor ngor mbeng Jesu Jokigum waa ibakumeh kaeh, arreng nyagor iborr nne ndege nne nyagor itulo ndege. ¹¹ Allimme nna iyor alibe waa ibatama mbeh Jesu Christy ntol yi ngor ntige ishor. ¹² ha, annep ikorr bamma nna wun kpelor nkaga, itijol ngara nyi nrerorr nnenine fufor ijol dol nji nka-rerorr, fun won noggor yine nne ubol nne ifel-fel. ¹³ Ngonan ishor ji melim ifangha ngho ngobji yine nna ikoreh fenghe lime ifangha ngor nnobor yeh. ¹⁴ Ka-wun fun uyamtem ngor ijom njindegendege nji won belim. ¹⁵ Inyor won bajolor kporong ti-fon nkpaga, abon ishor ka-won fon ibebeh njin degendege ngha isha-shab nnip nya, nyi wun mme yah nna irana ngha nfam. ¹⁶ Felleh alom ikpen inyor ngor ufonfor Jesu mme mba gaba mme ne mme nkatobo able tan afi la-me ifangha tan. ¹⁷ Jol mbor yige mme yige jok nna nkaga nyalah, nne inonop ifanghe tah, item ibame yebeh fenghe fun igere nenine wah. ¹⁸ Fufor wun wah item iyebe won nna mme ¹⁹ Ukononter bama iregor idi Ada Jesu nogor attom Timothy tuge-won babah inyor mme mbafumor attinne ngara nyi mme nye nyi abaga guma. ²⁰ Mme nkpen nnene nna weh, nyor kpelor ntobor gara ngor itembaga. ²¹ Ngonam mbowah ijor sheb nti ijor korr bor, abaga. ²² Na wo ayilor na illagor, ngom an nna mon nenom nne nshue, nnoyor arrogor itom nnenama ngor utoror allome. ²³ Nna mme meshep nogor ntome babah nna mme nye yen nna abaga ibajotor nenama. ²⁴ Na mme nkpelor ukononter ngor idi Adah meme mefonor fufor ngolba baga. ²⁵ Na mme mbe tobor mmene illaga nogor ntom Epaphroditus bagor idi nja Ngbayen ja ma nne neyor ujor lime ifangha nor nne neshoja nrogitom waa ngor abodo nya meshap. ²⁶ Ijol kaleh illam kpekpe, nna ajolor shep nogor ayen wun wah, ngonan won buyok nna ajolor yam. ²⁷ Ngor itembaga a jol yamah kang Ishaga terkeh nogor akpor. Ishor fonor uyenimok kaa afonum kag nenting, afonor kamme fufor, inyor nji mme nyitiba fonor tereh. ²⁸ Ngor nna megbede yor mme metom, inyor ngara nyi won kpele yen wun bafonor uyebitem, fufor tereh ibajolor tekeh kamme. ²⁹ Kor Epaphiroditus ngor mbeng Adah nne uyebitem wah kark anne nna weh. ³⁰ Tep nne ifangha Christy yor ajenor kula iku-Atab ikenteh na ijomjom nogor arogor mme fenghe lime ijom nji wun kamalor lime ngor urogor bah kamme.