¹ Ngha ijolor ne ufunfo ikor-bashi nji Jesu yor lor jen shang ngor mbor talor abobido, ne ba tuntolor ber, iyol bongho asbi afermer yer, yor krer ngho abor, yor yege amogor yer li. ² Ngha Pharisees iba bong, "nan iweddor amer laim ijom nji ibobor ibebe ngor ufunfor bi ikorbashi?" ³ Ngor nfangha yer, Jesu ba bong, wor wun ka kog nyen na David lemor, igara nti njalyamer wer ne aneber ba ijolor nene? ⁴ Ayele ngor itaba Ishor ji tap nshage ngor idi Ishor, abe li nyandege fenghe ne nya gor ka ane ber mba ijolor ngho nene nogor mbor li, jol na ireror mber ira ka udem neteng nogor ali. ⁵ Abong nebor, "Mon Ishor yor reror Ntol ikorbashi." ⁶ Ikpe ba jol ufunfor ikorbashi, nji abalor ba ji ngor itaba-ndor ji kpele ane ngho, Nenom jolor ngho wer ubor ber ika nobor. ⁷ Anep Scribes ne Pharisees iyol kone nterrr nogor mbor yen njolo aba leme ne-nop ne ikorbashi, iyor ji mbor ba sheber mpa nji mbor ba kogor borber. ⁸ Ayeye ijom nji mbor yolor tuobor, abong ne nenom nyor ubor ber ika nobor, Tum aba yeme ngha itenteng ane waa, nenom fornor ba tum yeme ba. ⁹ Jesu ba bong nebor, ikpekpe ibenne ne ikorbashi nor gor ne lamme innonob afi ibebe nogor anok ikpen afi arunghor? ¹⁰ Aba bree bor waa shebe yerr, ba bong ne nenom fornor terner ubor ba, aba leme nor ubor ber ifenghe ba. ¹¹ Mbor rorr ushapteim fenghe yor ba bong ne atem yor gara na mbor ba lame Jesu. ¹² Ibala ba jol ngor igara ntor nji abalor ba jok tum ngor igol nogor aji jom-ndor, aba jom-ndor atu ruangho waa yor tugor Ishor. ¹³ Igara nti ijolor njol akok ba tuntulor ber ba top ijiber fenghe ba yege igol ne ane-abal ba kok bor ne ba tuntulor. ¹⁴ Abeng ba tuntulor ijolor na, Simon wer nji ayor koge ne Peter, ne ngbayen Adrew, James, Jonh Philip, Bartholomew, ¹⁵ Mathew, Thomas, James mon Alphaeus, Simon wer nyenor ner Zealot, ¹⁶ Judas mon James ne Judas Iscariot, wer yor fenghe ba jolor ngoror wer. ¹⁷ Jesu ba budor ngor igol nebor, ba yeme ngor idi lamalama ne ba tuntulor ber, ne iroror igon ane, ngor Judea ne Jeruselem ne mbor ba ngor npa ayaTyre ne Sidon. ¹⁸ Mbor ba la nogor mbor ranghe aton nogor mbor nop ngor ayam bor, ane ba afu nya ika wellor yor lor ka bor ilam mbor waa iba nop. ¹⁹ Fel ne yor jolor ngho yol shebe nogor alage ubor, tep nenal igor lame ane inop iyol joge ngor ngoji, Noyor abagor lame mbor waa innop. ²⁰ Aba bree ba tuntulor ber ba bong, iya ijol kawun ba, won be gbor akanya, tep ne nan ikun-iborr Ishor ire kawun. ²¹ Iya ijol kawun ba njal ber wun yarm ngha ntega tep ne wun ba yerror, iya ijol kawun ba, wun mer rerr ngha ntega, tep ne wun ba yorlor. ²² Iya ijol kawor ji aka korr ane, mbor yega shaga iran, fenghe yor toa fenghe ten mbeng ya na nnen, tep ne mon Ishor. ²³ Fun iyebitem, tep nenan ire gbol ber aba fornor igboro nshele ngor ikun-iborr, Ngha ba nde bor nkol-kol ilaime ba yene amerr ngho mbarr nyor nyerong. ²⁴ Ngha ndon jol ne nene won ba won kpelor abodo, tep ne wun be kor ubene unara ngoji. ²⁵ Ndon jol ne nene wun ba wun be yurror ngha ntega, tep njal ba wun iyama ikpefornor. Ndon nena wor ji ame yol ngha ntega, tep ne aba nungho iku fenghe rerrr ikpefornor. ²⁶ Ndon enna wor ji ane waa imer bong innonob guma, nor yor fefene ba nde bor nkol-kol ilaim ba kpamala yen amerr. ²⁷ Mer ikpi bongho kawun ba wun mer rangha atong, fun ikorr ne ujeng, nogor alaim innonob ka ne yor aka korre. ²⁸ Yege bor iya, mba ma tuo, nogor ajom ndor ka ane ba ika-mala fele. ²⁹ Ngor idije, nne yor rumma ngor ukpogor breng, kpe tep mbugor, njolor nne tabor ikono iborr iwurro ja, ka nuror ne jol nji ateng. ³⁰ Ka nedegedege berba, mjolor ne tabor tum ijom nji ireror ija, ka beb womber afenghe ne ji ka. ³¹ Na amerr shep nogor ane ilame ka, ba laim ninor fefene. ³² Njolor afornor ikorr ane mba ikpelor ikorr ka mbaba mba nsheleh rengho ka? tep nenan jol anep abebag, yor ba lam nor fefene. ³³ Njolor alaimor innonob ka ane ba iyor lame innonob ka, ba nshele nghoka? tep ne anep abebage iyor ba lame nor. ³⁴ Aborow nne yor amer kono nterr won ber ayaba kaga, ba nshele ngho ka? Jol anep abebag iyor ba borr aneba abebag nogor mbor kor akobo bor fenghe. ³⁵ Ngha fun ikorr anep ijeng ba nogor aliam innonob kabor, Borr, ka shepijom-jom ngor nfenghe ye, nshele ya ba fugor, fefene aba jolor mon Ntol nji ngor iborr, tep nenan wer fornor ray terre ka fubor ne annep abebe afu. ³⁶ Fun uyenimok na nshuwa ngor iborr kpelor uyenimok. ³⁷ Ka lam, wor fefene bor nem yaba lama, ka rungho, wor bor nem yaba rungho. fun baga ka ane bagor iyor ji wor aba ba funor mbaga. ³⁸ Ka, fefene nkaga ba jolor ka. ijom ji akalor ne item gbol, yede ka, yenghe bodo idi njereng ne ifenghe rorrr kerr, iba fangha wurra ngho ata, tep ne na agannor, nor yor fefene iba ba gama ika. ³⁹ Fefene aba top bor igan, Nwaga amerr mal ba fele ntem nwaga merr.? Njolor alemor mbor ishibalibal iba fornor yel iber mbor nen ba? ⁴⁰ Ntuntulor yom fu shanghe nkpepele wer ngha nyon degedege nyor be kpele waa mal, mal ba jolor na ada je. ⁴¹ Nan iwedor ayor bree mon irurugor ijom nji iyobor ngbanyi ngor imerr, Ayom te renghe igbolte ji iyorba ngor ita imerr? ⁴² Nan amal ba bongho ne ngbanyi, Ngbayen jama ntor yege mon irurugor ijom nyon yorbo ngho imerr, niji wor fornor ator ma yen igbolte nji iyoba ngho ita imerr? Won ba toro-atutoro, Mbor mbarr ayege igbolte ngor ita imerr ngho aba yene akpol nogor ayege mon sheshugor nyor yorbor ngbanyi ngor irem . ⁴³ Tep nenan innonob ite ngor irem nji yor tungho abolbol amogor, afi ibol-bol ite iregor nji yor tunghor atenteng amogor. ⁴⁴ Ngha fel ite uyor renghe ngho nkuk amogor nyi ayor tunghor, tep nenan ane yom kpo lok ngor ifu ajonghor fe mbor mal ba logo amorte kono ngor ajongho njor ifelo. ⁴⁵ Innonob nne ne annonob abaga yer ngor item, yor laim ijom ji innonob, fefene, nne nyor yor aleim abebe ne ibebe abaga ngor item,ayor laim abaga ulem, tep nenan shangor nya na iber row ngor item nji iyor bong. ⁴⁶ Nan iwedor ka ayor kok mer Ntol-Ntol, aka ma fun nka ka ntor ti mber bong? ⁴⁷ Nnendegedege nyor balor ba top mer, fenghe yok ilom tama, feme fan nka ka, mer mba wun itaga na ireror. ⁴⁸ Arena nenom nyor mer tob itaba, wer kpalor na dul tum ngor ndege, fene tub ibomtulor itaba ngor atunkpog atal, igara nti alep iroror, ikur te iba fab ji rum ngho itaba jor, itegem ma renghe tep nenan mbor tub kpekpe. ⁴⁹ Nne yor jok ibong tama ti funnkagaka, rena ne yor tubor itaba je ngor ndege aka bomor, ibumdulor, igara nti nfre alep iba ba jama ngho idulodulor igbor, itek funor itan kpenikpeni,