¹ Ngha Jesu ba rorr ne inonob ufu. Abe kuro ngor aya Jordan, inonob ufu bi ituge ngor ikan-kan ifuu. ² Ngho yor nnim yonghe atuu atil-abal. Alilem ijom jom ngho atuu nyanghor ngor ikukulor njal ba yame. ³ Nnim ba bong nene, jolor areror mon Ishor, ka ikor nogor utal mbingha ishere nshege. ⁴ Jesu ba fanghe, inyiyon, Nne jom nene gor nshege nenting. ⁵ Ngha nnim batab Jesu ji tebe abodo mfam waa ngor mon igara teke. ⁶ Nnim ba bong nene, nyaba kaga ikor waa ne nkaga bor. Tep ne mbor bu fenghe na ya waa kame, Malba kaga neyor nye sheb nka-eh. ⁷ Ngha aye fon nkaga kame, abodo waa iba jolor ka-eh. ⁸ Nghor Jesu ba fanghe na, inyonor na, atige ba kumor arong ka Ntol jar ngha ayebe tige wek nenteng ⁹ Ngha nnim ba tuge lomo gor Jerusalem ba tabe kono gor igboro idi itaba ndor, aba bong nene. Jolor areror mon Ishor, ror ujiba shong ngor ndege. ¹⁰ Ngha inyinyon aba kaga ba rogor itom ikor nogor mbor gome. ¹¹ Mbor ba kogor abor fela, inyor atiba kulor ikpada jar utal. ¹² Ngho nfangha Jesu ibongho na, Ka yongho Ntol Ishor jar. ¹³ Igaranti nnim be mal uyonho Jesu, aba tome shaga, kpeem ngor igara ntindege. ¹⁴ Ngha Jesu ba kuror tum gor Galilee ngor ikor inonob ufu, ikikalar iba jen gome ngho iyaga mfam nyinghor waa. ¹⁵ Ngha aba kumo kpele ngor synagogue ane waa itekge. ¹⁶ Aba yel gor Nazareth, ngho mbor lele na ibene bor ireror ayel ngho synagogue ngho ufomfo rege-ashe, aba yeme kog bor. ¹⁷ Ikukpaga nyonor abodo nyen amirr Isaiah ifenghe jol ka-ehAba ribeh ikpukpaga fonor, aba nyen idi mbor yonor. ¹⁸ Ufu Ntol irenenama. Tep abume duk akorr nogor ntoro anonob alom ka akpaga-anne. Abume tom nogor ntoror iyogo shaga akanya ka ane mba iyobor ngor ngbagobor, awaga amirr inyen, fenghe nog ane mba mbor mebor fid-tugor. ¹⁹ Fenghe toror irah ane anonob Ntol. ²⁰ Ngha aba fed ikpaga-te fonor fenghe ne ji ka nleme ifangha ngho idi fonor aba bime. Ngha, amirr ane waa nghor synagogue ijolor idi je. ²¹ Aba kumi bongho nebor, ilelah alom ya ibulem ifangha ngor nyogor yene. ²² Fel ne bong inonob gume, ikor iba tan bor alom nya iyolor jok bor nghor nyor. Mbor ba bib Mon Joseph shang ngha? ²³ Aba fangha bor, ngho itimbaga, wun ba bongho igaan tingha ka mme. Nleme ayam, tele ijiba uyam. Waa nya uyogor mbe alimo ngor Capernaum, bangha lem nor ngha ibugor jar. ²⁴ Itembaga nogor ntak wun, nyene amirr jom lob ngor ibugor je. ²⁵ Ngha itembaga nogor ntak wun. Ifonor ane kal feb mba alom bor ibekpor ngor Isreal ngho igara Elijah, igaranti mborobonta be bam ngor nda irah ne amerr ararah igboro njal ba jol na dol ngho ndege ngha. ²⁶ Ngho mbor tomum Elijah tugor nene. Ishighem Zeraphath ngor Sidon, tugor nenkal nyor nnome bekpor nyor ne nor ngho. ²⁷ Ifonor akemkokod feb ngho Isreal igara Elisha nyene amirr, nene nobum ishenghem Naaman nyor ruror ngho Syrian. ²⁸ Ane waa mba ijolor ngho Synagogue item iba yam mbor igaranti mbor be yok gum abaga nya. ²⁹ Mbor tum yeme, ba nure ugban jok shaga ibugor fonor, fenghe fele lomo ngor afok atal ngor igol, ngho idi mbor nyolor ibugor fonor, ngha mbor mal yebe rogor shaga afok atal. ³⁰ Ngha aba sheng mbor ngor itentenghe batom ngor idi njindege. ³¹ Aba tum ngor Capernaum, igboro ibugor ngho Galilee, aba kum bor ikpele ngho ufumfo rege-ashe. ³² Nkpele ye ba tan bor ikor. Tep ajor bong ka ikor. ³³ Ngha ntiga ngor Synagogue nnenom jolor ngho ne ufu ishashab nnim aba ran urerr jol ngor igboro ilom. ³⁴ Ah jenji uyaba kogor lem, Jesu ngor Nazareth? abala nogor aba runghor wurr fii? nnyinyi nne nyor areror inonob mon Ishor. ³⁵ Jesu ba ran ne nnim fonor ba bong, Ka bong! jok shaga ngobji igaranti nnim be ror nenom fonor tob ngho itentenghe bor, aba jok shaga, alimume ijomjom. ³⁶ Anne mbanghor waa ikor iba tan bor, mbor kpe joro yor tag atem gom ibaga fonor. Mbor kpe bong, ngha ba mkped nbong gha.? Aka ikor ishashab ufu ijok. ³⁷ Ngho ikikala je iba jen ngho abugor nya ireror kukubor. ³⁸ Ngho Jesu ba tom shaga synagogue ji yel ngor itaba Simon. Nnarr jol yama abilamirr. mbor ba goreh kum ishi je. ³⁹ Ngho aba shaga yeme, aba ran ne abilamirr fonor, iba jok shaga. Idulidulor atom yeme kumi leme ifangha kabor. ⁴⁰ Igaranti njol be rede, ane iba kumi kogor ane mba ime yam ne akped ayam waa. Aba kono bor waa ubor iba telebor ayam. ⁴¹ Ulom ibangha jok ngho agobji bor mbandege. Jor rerr jor bong, "Wor yor areror mon Ishor!" Jesu ran ne ulom fonor, atamum mbor bong, tep mbor nyinyi mbe weh yor reror Christy. ⁴² Igaranti idi ibe bang, aba tum ngor idi nene ka reror, Ane dol ijolor jor janghe jang ba ngho idi nji areror. ⁴³ Aba bong nebor, ntege ba toror anonob alom gara ikun-iborr Ishor ka abugor nyagor fufor. Tep na yor iwedor mbor tomome ba ngha. ⁴⁴ Ngha aba kumi toror alom ngho synagogue waa ngor Judea.