¹ ಮಹಯೋಜಕಡು ಅನನೀಯಡಯೀನ ಪೇದ್ದವಲ ಕೋದ್ಧಾರನ್ನಿ ತರ್ತುಲಆನಿ ವಗ ಲಯಾರಿನೀ ಪಿಲಸುಕೋನಿ ವಚಿ ಪೊಲಡ ಫೈ ದೇಶದಿಪಥಿಕಿ ದೂರು ಚೆಪೆ. ² ಪಲಾಡನಿ ಪಿಲಚೀನ ತರುವತಾ ತೇರ್ತುಲಮನಿ ತಪು ಮೋಪಡನೀಕಿ ಸೂರುವು ಚಸಿ ಇಲಾ ಅನೆಡು ಮಹಾ ಮಚಿವಡಿವಿವೈನಾ ಪೇಲಿಕ್ಯಡ.ನೀ ಮೂಲಕಮುಗ ಮಾಕಿ ಬಹು ಸಮಾಧಾನಮು ವಾಚಿದನಿ ನಿಕಾ ನೀ ಮುದಲ್ಲೋಚತ್ತೋ ಈ ದ್ದೇಶಮುಲ್ಲೋ ಜನಲಕಿ ಅನ್ನಿ ವಿದಲಲೋ ಅನ್ನಿ ಜಾಗಲೋನು ಸುಧಾರಣಾ ಹೈಯದಾನಿ ಕೋಸ್ಕರಮು ³ ನಾವು ಈ ಉಪಕಾರಲನಿ ಕೃತಜ್ಞಾತನಿಕ್ಕ ಓಪುಕೋವಲಿ. ⁴ ಐತೆ ನಿನ್ನನಿ ಯೇಚುಗ ಬೇಸರಗೊಳ್ಳಿಸುವದಕ್ಕೆ ಮನಸುಲೇಕ ಮನಮು ಸಂಚಿಪ್ತಮುಗ ಚೆಪೇ ಮಾಟಲನ್ನಿ ದಯೇನಿಕಾ ವಿನಿಪಿಚುಕೋವಲನಿ ಆಡುಗೂಕೋಟಾನು. ⁵ ಇ ಮನುಷ್ಯನು ಹಾನಿಕರಾಮು ಲೋಕಮುಲ ಎನ್ನಿ ಎನ್ನಿ ಉನ್ನ ಯೆಹೊದ್ದುಲ್ಯೂಲೋ ದಗೆನಿ ಲೇಪಿಸಡನಿ ನಜರೆತುವಳ್ಳ ಧರ್ಮ ವಿರೋದಿಲ ನಾಯಕುಡು ಎಂತಲೂ ಆನಿವಳ್ಳು ⁶ ಇದಿಕಾಕುಂಡ ಇಡು ದೇವಲಯಮುನಿ ಶೇಡ್ಡಗ್ಗ ಶೇಷೇದನಿಕಿ ಪ್ರಯತ್ನಇಂಚಡು ಆ ಕಾರಣಮುಗ ಈನ್ನಿ ಮೆಮು ಪೊಟ್ಯಾಯಮೂ.. ⁷ ( ಐತೆ ಸಹದ್ರಿಪತಿಐನ ಲೂಸುಡು ಮದ್ಯವಚ್ಚಿ ಬಲವಂಥಮು ಚೇಸಿ ವನಿನಿ ಮನ ಶೇತಿನಿಂಕ ವಿಡಿಪಿನಚುಕೋನಿ ಪೊಯ್ಯಡು.) ⁸ ವೀನಿ ನುವ್ವೆ ವಿಚಾರಮುಶೇಸೆ ಮೆಮು ವಿನ್ನಿ ಪೈನಾ ಮೊಪಿನ ಈ ತಪ್ಪುಲನ್ನಿ ನಿಜಮೋ ಸುಳ್ಳೋ ವಿನಿಂಕ ಥಿಲಸುಕೋನಚ್ಚು >> ಆನಿ ಚೆಪ್ಪಯಾಡು ⁹ ಅವಡ ಯೋಹುದುಲು ಈ ವಿಷಯಮುನಿ ನಿಜಮೈವೇ ಆನಿ ಶೇಪ್ಪಿ ವಾಳ್ಳು ಆ ದೋಷಾರೋಪನ ಶೇಶವಳ್ಳಜೋತಾಕಿ ಶೇರಿಕೋನಿರೀ. ¹⁰ ದೇಶದೀಪತಿಐನ ಪೌಲೂನಿಕಿ -ನಿವ್ವು ಮಟಾಲಡೇದನಿಕಿ ಸೈಸೂಪಿಂಚಿ ವಾಡು ಪ್ರಥುತರಶಪ್ಪಿನಂಧಿ ಎಮಂಟೇ ನುವ್ವು ಅನೇಕ ಯಡದಿನಿಂಕ ಈ ದೇಶಮೂಲ ಜಾನಲಿಕಿ ನಾಯದಿಪತಿ ಆಯ್ಯಿಂಡಾವು ಆನಿ ತೇಲಿಸಿ ¹¹ ನೇನು ದೈರ್ಯಮುಗ ಪ್ರತಿವಾದಮು ಶೇಸ್ಥಾವನ್ನನು ನೇನು ದೇವುನ್ನಿ ಅರದಿಂಛೇದನಿಕೈ ಏರಿಶಲೆಮಿಕಿ ಪೊಯ್ಯಿ ಪಂನೆನ್ನದು ದಿನಾಲು ಮತರ್ಮು ಆಯ್ಯಿಂಧಿ ಮೇರು ತೇಲುಸ್ಕೊನಿಧಿ ¹² ಅಡ ದೇವಲಯಮುಲ ಕಾನಿ ಸಬಮಂದಿರಮುಲ್ಕಾನಿ ಪಟ್ಟಣಮೂಲಕಾನಿ ನೇನು ಯವರು ಜೋಥಾಲನು ವಾಧಿಸೆದಾನಿಕಿ ಜನಲನ್ನಿ ಗುಂಪು ಕುಡಿಷೇದನಿಕಿ ಇಡು ಸುಡುಳೆದು ¹³ ಈದಿ ಕಾಕುಂಡ ಈಳ್ಳು ಈವಡ ನಮಿಂಧ ತಪ್ಪುಲೂ ನಿಜಮನಿ ನೀಕಿ ಸೂಪಿಂಚಿಕಿ ಆಯ್ಯೆಲೇದು... ¹⁴ ಒಗದನ್ನಿ ಮಾತ್ರಮು ನೀಕಿ ಮುಂದ್ರ ಒಪ್ಪಿಕೊಳ್ಳುತನ್ನು ಅದಿ ಎಮಂಟೇ ಈಳ್ಳು ನನ್ನಿ ಧರ್ಮವಿರೋಧಿ ಆನಿ ಚೆಪ್ಪೆ ಮಾರ್ಗಮುಅನುಸರಮು ನೆನು ಮಾ ತಂಡ್ರಿಲ ದೇವುನ್ನಿ ಆರಾಧನ್ಚೆವಾಡು ಐವನ್ನನು ಧರ್ಮಷ್ಟ್ರನಿಕಿ ಅನುಗುಣಮುಗ ಅಮಿಟಿಕಿ ಪ್ರವಾದಿಲು ಗ್ರಂಥಾಲಾ ರಾಶಿನ್ದೆ ಎಲ್ಲ ವಿಷಯಳನ್ನಿ ನಂಬುಥನು ¹⁵ ಇದೆ ಕಾಕುಂಡ ನೀತಿ ಮಂತುಲಕಿ ಅಮಿಟಿಕಿ ಅಣಿತವಂತುಲಕಿ ಪುನರುಸ್ಥಾನಮು ಐಉಂಡೆದಿ ಈಳ್ಳ ದೇವನಿಲ ನಿರಕ್ಷೆ ಪೆಟ್ಟಿಉಂಡೆ ಪ್ರಕರಮೇ ನೇನು ನಿರೀಕ್ಷೆ ಪೆಟ್ಟುಕೊನಿ ಉನ್ನನು ¹⁶ ದಿನ್ನಿ ದೆಸೆಲ ದೇವನಿ ಮುಂದ್ರ ಮನಿಶಿಲಾ ಮುಂದ್ರ ನಿಡ್ರೋಶಮೈನ ಮನಸಾಕ್ಷಿಗಉಂಡಲಾ ನೇನು ದೀನಮು ಪ್ರಯತ್ನಿಸ್ತುನ್ನಮು. ¹⁷ ಕೆಲವು ಯಾಡುದಲೈನ ಪೈನ ನೇನು ಸ್ವತದೇಶಮುವಾಲ್ಲಕಿ ಧರ್ಮದ್ರವ್ಯಲೈನ ತ್ಯಾಚ್ಚೆದಾನಿಕಿ ಕಾಣಿಕೆನು ಒಪ್ಪಿಚೆದಾನಿಕಿ ವಚೇನು. ¹⁸ ನೇನು ಶುದ್ಧಂಶೆಸುಕೋನೆವಾಡಿನೈ ಅವಿನಿ ಇಚೆತವುಡ ಇಳ್ಳು ನನ್ನು ದೇವಥಂನಮುಲೋ ಸೂಸಿರಿ;ಅವುಡ ನಾ ಜೊತಲೋ ಜನಲಾ ಗುಂಪೇಮಿ ವುಡಲೇದು;ಗೋದಲಮು ವುಡಲೇದು.ನನ್ನಿ ಸುಸಿನವಾಳು ಆಸ್ಯಸೀಮೆನಿಕ್ಕ ವಚೀನ ಕೊದರು ಯೆಹೋದ್ಯಲಾ; ¹⁹ ನಾ ಪೈನ ಒಳ್ಳಕಿ ಏಮೈನ ವುಟ್ಟೆ ಮಿರೇ ಮಿ ಮುಂದರ ತಪ್ಪುಮೋಪಿಚೆದಾನಿಕಿ ಇಡಿಕಿ ರವಲಸುಡೇ. ²⁰ ಲೇಖಾವುಡೆದಾನ್ನಿಕ ನೆನು ಪ್ಯಾದ್ದಸಭೆ ಮುದರ ನಿಲೊಸ್ಕನಿ ವುನ್ನವುಡಾ ನಾ ದಗ್ಗರ ತಪ್ಪುಲೇಮನ್ನ ಸುಸಿಟ್ಟೆ ಇಳ್ಳೆ ಶಾಪ್ಪನಿ. ²¹ ನೇನು ಇಳ್ಳ ಮದ್ಯಲೋ ನೀಲೂಸುಕೊನಿ -<ಪುನರುತ್ಥಾನಮು ವಿಷಯಮುಲೊ ಈಪೊದ್ದು ನಿನೀಕ್ಕ ನಾಕಿ ವಿಚಾರಣಮು ಐತುದ್ದಿ>ಅನಿ ಕೂಸೆ ಹೊರತು ಬೇರೆ ಏಮಾಟಿನಿ ಚೆಪ್ಪಲೇರು>>ಅನೇಡು. ²² ಫೇಲಿಕ್ಯನು ಕ್ರಿಸ್ತ ಮಾರ್ಗಮನಿ ತಗ್ಗಟುಗ ತೇಲಿಸಿನವಡೈನ ವಳ್ಳಾಕಿ -<< ಸಹಸ್ರಾಧಿಪತಿವೈನ ಲೂಸ್ಯಡು ವಚ್ಚಿನವುಡ ನೀ ಪ್ರಕರಣಮುನಿ ತೀರ್ಮಾನಿಸ್ತಾನನಿ>>ಸೇಪ್ಪಿ ವಿಚಾರಣಮುನಿ ನೀದನಮು ಶೇಶಡು. ²³ ಆಮೀಟೀಕಿ ಪೌಲಡನು ಕಾವಲಿ ಕಾಶೆದಾನಕಿ ಪೇಟ್ಟೆದಾನಿಕಿ ಐತೆ ಕಟ್ಟು ನಿಟ್ಟು ಹೋದ್ದುಅನುಕೋನಿ,ಒನಾಕಿ ಸಂಮಂದಂಪಡೇವಳ್ಳು ವಾನೀಕಿ ಉಪಚಾರಂ ಶೇಶದನ್ನಿ ಅಡಂಶೇಯವದ್ದನಿ ಶತಾಧಿಪತಿಕಿ ಅಜ್ಞೆಇಚ್ಚಡು. ಪೌಲಡು ರೊಂಡು ಎಡದಾಲು ಕಾವಲಿವುಡೆದಿ;ವಾಡು ಮಟ್ಲಾಡಿನಾಡು ಫೇಲಿಕ್ಯಡು ವಿನಿ ಮನಸ್ಯುಲೊ ದಿಗುಲಪಡಿವುಡೆ. ²⁴ ಕೊನ್ನಿ ದಿನಲ ಐನಮಿಟ್ಕಿ ಫೇಲಕ್ಯಡು ಯೆಹೂದ್ಯಳೈನ ದ್ರೂಸಿಲನೆ ತನ ಪ್ಯಾಡ್ಲಮಂ ಜೊತ್ಲ ವಚ್ಚಿ ಪೌಲಡಿನಿ ಪಿಸ್ಕೋನಿ ದೇವನಿ ನಭ್ಭಿಕಮು ವಿಷಯಮುಲೋ ಒಡು ಶೇಪೆ ಮಾಟಲನಿ ವಿನ್ಯಾಡು. ²⁵ ಪೌಲಡು ಸುನೀತಿ ದಯ ನ್ಯಾಯವಿಚರಲು ಗುರಿಚ್ಚಿ ಮಾಟ್ಲಾಡೆತವ್ಡು ಫೇಲಿಕ್ಯಡು ಬಯಾಮುಪೋಡಿ-<< ಸದ್ಯಾನಿಕಿ ಪೋ‌;ನಾ ಟೈಮ್ಕಿ ನಿನ್ನು ಪ್ಯಾಲಪಿಸ್ತ>> ಅನಿ ಶೆಪ್ತಡು. ²⁶ ಅದೇ ಸಮಯಯಲೊ ವಡು ಪೌಲಡು ನಾಕೆಮೈನನು ದುಡ್ಡು ಇಸ್ತಡಾನಿ ಆಶ ಪಡಿ,ಅಡೈ ವನ್ನಿ ಪಿಲಪಿಚ್ಚಿ ವನಜೋತ್ಲ ಮಾಟ್ಲಡುತುಡೆ. ²⁷ ರೋಂಡು ಯಾಡದಲೈನಮಿಟಿಕಿ ಫೇಲಿಕ್ಯಡು ಜಾಗಕಿ ಪೋರ್ಕಿಯ ಫೆಸ್ತಡು ವಸ್ತಡು.ಫೇಲಿಕ್ಯಡು ಯೆಹೂದ್ಯಲ ಪ್ರೀತಿನಿ ಸಂಪಾದಿಚ್ಚಲನಿ ಪೌಲನಿ ಅಟ್ಲೆ.ಜೈಲೋ ಇಡಚಿ ಪೋತಡು.