¹ Kutandikila kisankiya, abhahongi bhakulu, bhatunga bhihanulo na ebheghesiya bhabhilaghilo, na bhaengei na bha " Sanhedrin" bhona. Bhakamaliye kubhoha Yesu, mbamutwala, na bhamuhembela Pilato. ² Pilato amubhuliya ati: olimukama wa bha Yudaya? Yesu amukukamu ati: wabhughiye. ³ Abhakulu bha bhahongi bhakali bhamutayoo bhi bii bhikaniye. ⁴ Pilato amubhuliya bhuyaka: tokukukaghamu kantu? olole bhintu bhingaa bhakuleghiye nabhiyo. ⁵ Na Yesu atakukamu, kyaswekiya Pilato. ⁶ Abhuli kighenu, alekelagha munankomo omui, oghu ekibula kya bhantu kya sabhagha. ⁷ Omunkomo akabha alimu oghu bhakughambagha Bhalabha amui na bhanakiye, abhwa kuita okubhalibhakoliye omu kudimaga. ⁸ Kibula, kinasughaye, kyatandika kubhuliya ebhi asili yabho ebhughiye. ⁹ Pilato abhakukamu ati: mubaliye mbalekelele Mukama wa bha Yudaya? ¹⁰ Nanga akabha amaniye obhubii bhwa bhahongi abhamuletiye amuite. ¹¹ Noo abhakama bha bhahongi bhatamu ekibula bhyoheye, nikuwo Pilato abhahe niye Bhalabha. ¹² Pilato, atoda abhakukamu abhaghila ati: mbiki mubaliye nkole oghu mukubhikilaghamu Mukama wa bha Yudaya? ¹³ Bhatakangana bhuyaka bhati: mumubhambe! ¹⁴ Pilato abhaghila ati: nkisobhi kii akoliye? Na bhatoda bhatakangana by an I bhati: Mumubhambe! ¹⁵ Pilato, nabala kukola eki kibula kibaliye, abhalekelela Bhalabha; na, anuma ya kuhulisiya Yesu bhisanju, amughabha nikuwo abhambuwe. ¹⁶ Bhasilikali bhatwala Yesu anjakati, kikuwo kughil'oti, omu (pretoire), na mbakumakumaniya (cohorte) yona. ¹⁷ Bhamuluika lughoye lumutuku, na bhamulwika sipewa ya mahuwa, eghi bhalukiye. ¹⁸ Na bhamulamukiya: olayo, Mukama wabha Yudeya! ¹⁹ Na bhamukutula mutuwe na lukaka, bhamutwila, na, bhateliya, kumulamiya. ²⁰ Enuma y'okumusekelela, bhamutubula olughoye lumutuku, bhamukukiliya ngoye siye, na mbamutwala kumubhamba. ²¹ Bhakpangba musali oghu alughagh'omumusili, Simoni, wa (cyrene) ese wa Alekizandele na Lufu; aheke musaba ghwa Yesu; ²² Na bhamutwala Yesu akikalo kibhikiwe Gologota, ekimanikisiye kikako kya (crane). ²³ Bhamuha nsandi elunganiye na bhighuma, noo tabhinoye. ²⁴ Mbamubhamba, nakutambulana ngoye siye, mbalibulila ansi bhwakulola eki bhuli muntu akutunga. ²⁵ Ekabha eli saa esatu, obhu bhamubhambagha. ²⁶ Ekihandiko ekyolekagha ekighendeleluwa kya kumuchwela kyabhagha na bhighambo: Mukama wa bha Yudeya. ²⁷ Bhakamubhamba nabhasuma bhabhili, omui omughuliyo, n'onji mughumesu. Abhweki byakolebhuw, ebhi ekihandiko kibhughiye: Bhakamuta mukibhalo kya bhakoli bhebhibii. ²⁹ Bhasali bhamusemanga, na kusingisiliya, mbaghila bhati: He! oghu okasakalula elamiliyo, na waghikwela mubhilo bhisatu, ³⁰ wejune wenini, akusunduka amusalaba. ³¹ Abhabhembi bhakulu nabho, na bhahandiki, bhamusekelela, na bhaghila bhati: Akajuna bhanji, na tanguguba kwejuna! ³² Yesu Mukama wabha Isilaeli, asunduke a musalaba, nikuwo tubhone na tuhikilije! Abhabhamuwe naye bhakala kumusemanga. ³³ Obhu syaikiye saa mukagha, mwelima gwakwata kyalo kyona, kuhikiya saa mwenda. ³⁴ Na saa mwenda, Yesu atakangana mu mumelo ghunamulito : Eloi, Eloi, lama sabachthatani? Nikyo kughila ngu abhwaki luhanga wanje, Luhanga wanje abhwaki watigha? ³⁵ Na bhabhagha bhamilie alabhabhugha: Olole abhilikiye eliya. ³⁶ N'omui aghenda bhwangu asuliya kijibhankobha na vini, aghita eghulu ya kigbutu, amunwesiya, abhugha: Oleke kulola eliya akwisa kumusundunkiya. ³⁷ N'o Yesu atakila kimwi, na alekela. ³⁸ Kateni ya elamiliyo yatika mu bhihande bhibhili, kulugha eghulu nansi. ³⁹ Mukulu wabhasilikale, akabha aamiliye haai na haai na Yesu, obhuoobhone ngoku akuye, abhugha ati: Majima Musasa oghu aabhagha omwana wa Luhanga! ⁴⁰ Na bhakali bhabhagho dee bhaloleye aseliye. Omwebbho aliyo Maliya Mangadalena, na Maliya nina wa Yakobo muto, na Yosiya na Salome, ⁴¹ abhanibho abhamukweme na bhamukoleye obhwele agati ya Galilaya, na bhanji abhaghendi naye Elusalemu. ⁴² Nobhu lwagholo lwahikiye, nanga kikalikili kilo kya kughomola, ebh'omumaiso gha sabato, ⁴³ Yozefu muntu wa Alimatayo akida, muhanuli wengeso naye enini akabhalindi obhukama bhwa Luhanga. Aghendela Pilato amusabhe omubhili ghwa Yesu. ⁴⁴ Pilato asweka ngu amaliye kukuwa; abhilikila omukulu wa bh'asilikale amubhuliya akabhanidiye akuuye. ⁴⁵ Abhu aghuye ngu oghu akida, aha Yusufu mukuu ⁴⁶ Yojefu, oghula siti njelu, aghenga aya muku ghwa Yesu amusalaba, oghubhoha, aghutwala aghuta omukitulo eki ali asanguwe alimiye omukibhale kinamulito. Dumbi ahilingitiya ebhale linamulito aliswikila amunuwa ghe kitulo. ⁴⁷ Malia Mangadalina, na Malia nina ya Yose, bhabhona nambali ataiye kuta muku ghwa Yesu.