¹ Bhikali bhitighaye bhilo bhibhili ekighenu kya Pasika n'eky'emigati sitali na kitumbiso kuhika. Bhakulu bhabhembeli n'abhahandiki bhabalagha mulingo bhakwate Yesu omumayele, na kumuita. ² Nanga bhantu mbaghila bhati: tutamukwatila akigenu Nanga bhantu bhatwika. ³ Nanguku Yesu abhagha e Betaniya, omuka ya Simoni owee ntumbi, omukali omui Nataha, obhu Yesu aliagha. Omukali oghu akali akwete kikebe kya magita ghasasiye na gha bei ekaniye, naatiya ekikebe eki naasesa amagita amutuwe ghwa Yesu. ⁴ Bhamui bh'omubhantu abha bhasughala. Bhaghila bhati: abhwaki n'oobiya amagita? ⁵ Tungughaghuliye sente maghan'asatu, na tusiha entaghi. Na mbasughalila omukali oghu. ⁶ Kyonkaha Yesu abhaghila ati: mumuleke. Abhwaki mmumubhonabhoniya? Aankoleye kintu kisemeye; ⁷ nanga mukukolagha bhwele na bhwele n'entaghi, na mulabhakonyelagha obhu mubaliye, noo tandibha nanu. ⁸ Aakoliye ebhi agubiye; aansighiye magita kughomola muku ghwanje ntakaghendiye mukitulo. ⁹ Mbaghambiye omumajima, hona mbali bhakutebheja kighambo kya Luhanga, omunsi yona, bhalakumiyagha eki akoliye abhwo kumusuka. ¹⁰ Yuda Esikaliota, omui omubheghesebhuwa ekumi na bhabhili, aghenda mubhakulu bha bhembeli, nikuwo abhahe Yesu. ¹¹ Bhakamughuye, mbadeduwa, na mbalagha Yuda nsimbi. Na Yuda nabala bhwele bhulungi bhwa kumuha yoo. ¹² Nakilo kyo kuduba kya migati etalimu kitumbuiso, obu bhasaliye epasika, abhaghesebhuwa bhe bhamughambila bhati: obaliye tughende haa mbali tukutekaniliya kikalo eki okulilamu pasika? ¹³ Atuma bhabhili mubheghesebhuwa bhe, na abhaghambila ati : mughende omukibhugha; mukusanga muntu ahekiye munagha ghwa masi, mumukwame. V 14 Ambali akutaha, mughambile mukama w'enumba munti: Mukama abhughiye ati: nihaa nkulila e pasika na bheghesebhuwa bhanje? ¹⁵ Na akubholeka kisaka kinamulito, eghulu y'enumba na ekyaliye kusemeye: niyo mukututekanililiya e pasika. ¹⁶ Bheghesebhuwa bhaghenda, bhakida mukibhugha, na bhasanga bhyona ebhi bhabhaghambiye; na mbatekaniya Pasika ala. ¹⁷ Obhu lwagholo lwahikiye, akida nabhali ekumi na bhabhili. ¹⁸ Obhu bhabhagha bhanasitamiye mbaliya bhiliiyo, Yesu abhugha ati: mbaghambiye omumajima, omui wanu, oghu akwete kuliya nanje, akunguliya. ¹⁹ Bhatandika kweyunga, na bhatandika kubhulaniya, omui omui bhati: nisiy'oni? ²⁰ Abhakukamu ati: n'omui amwekumi na bhabhili, oghu akwetw kukoliya hamui nanje. ²¹ Mwana wo muntu akughenda eye ngoku kya handikuwe aabhuwe. Kyonkaha, silimubhona amuntu wakughobheliya mwana w'omuntu! Kingubhaye kilungi nguli muntu oghu atabhyawe. ²² Obhu bhanaliyagha, Yesu akwata mugati; na, enuma yokisima aghubegha, dumbi abhaha, nabhugha ati: mukwate, ghuni nimubhili ghwanje. ²³ Aklwata kikopo kya vini; na, enuma ya kusima, abhhaha, na bhanuwa bhona. ²⁴ Na abhaghambila ati: eni ni saghama yanje, saghama y'ekilaghano, eghi ekuhanjaguwa abhwa bhakaniye. ²⁵ Mbaghambiye enuwe majima, tankutoda kunuwa vini, kuhikiya obhundighinuwa bhuyaka mubhulemi bhwa Luhanga. ²⁶ Enuma ya kulimba bhilimbo, bhanina mwena ghwa Oliva. ²⁷ Yesu abhaghila ati: enuwe bhona mukuswajibhuwa; nanga kikahandikuwa: n'gukuhula omulindi, n'entama sikuhanjikana. ²⁸ Kyonka anuma obhu nkuhumbuka, ndibhahikila e'Galilaya. ²⁹ Petelo amughila ati: Obhu bhona bhalihemuka, siye ntindihemuka. ³⁰ Yesu amughamba ati: N'kughambiye omumajima, uwe, obhwalo, mukilo kyo bhwalo, nkoko etakakokiye milundi ebhili, okubha nuwanehighane kasatu. ³¹ Kyonka Petelo akikukilila akigumiye: Kandi kikumpikilija kukuwa nawe, tankuguba kukwehighana. Na bhona bhabhugha bhatiyo. ³² Mbaghenda omu kika bhakwetayo Getesemani, yesu aghila abheghesebhuwa bhe: Musitame ani, ngende n'sabhe. ³³ aghenda na Petelo, Yakobo na Yohana, dumbi ntandika kwehighuwa kutuntula, kandi ali n'obhujune. ³⁴ Abhaghila ati: mutima wanje ghuli o'mukyeyungo kwikiya kukwuwa; mutighale hani, na musabhe. ³⁵ Abhweki, anaghendeiye umumaiso, ateliya ansi, na'asabha naghila ati, n'kyabhaye kigubukane, o'bhwele bhuni bhuntighilile. ³⁶ Aghila ati: ''Abba'', tita, bhyona bhikugubukana haliwe, onjiyo kubhona bhona, noo, etalingoku nibaliye, kuyo ngoku uwe ubaliye. ³⁷ Dumbi aghenda hali abhaghesibhuwa bhe, abhasanga bhaghwesaghiye, abhugha na Petelo: Simoni, ulangaye! Tuwagubiyo kukesio saha emui! ³⁸ Mubhukesiye na kusabha, nanga mutaghuwa omu bhijibhu; mooyo ghutekane kuyo o'mubhili ghwa luhiye. ³⁹ atoda kubhatigha, na a'sabha esala e'mui ghi. ⁴⁰ N'abhakuko, natoda kusanga bhanaghwesaghiye; Kandi maso ghana bhaliotiye. Bhata kuguba kumukukamu. ⁴¹ Atoda aghenda o'lwa kasatu, nabhaghila ati: daani mulangale na muhumule! N'obhwele bhwahikiye, mulole, mwana wo muntu akuhebhuwa omungalo sya bhabi. ⁴² Mumuke, tughende, mulole oghu akungobheliya asiye. ⁴³ Na, obhu abhagha nanabhugha, Yuda, omui w'ekumi na bhabhili naasa na kibula kya bhantu bhakwete mihiyo na miigho, kitumuwe na abhabhembi bhakulu, bhahandiki n'abhakulu bha masunagogi. ⁴⁴ Oghu akamuhemba, akali nabhahaye kakodiyo: oghu nkukumbata, niy'oghu, toli mumukwate na kumutwala kwoninikwonini. ⁴⁵ Obhu akidiye nagheenda hai na Yesu na kumubhilikila, Mweghesa! Dumbi namukumbata. ⁴⁶ Saha eghi mbakwata Yesu. ⁴⁷ Omui wabhabhagha ala, nakwata omuiyo na kusenga kutuwi kwo mukoli wa mubhembi mukulu. ⁴⁸ Yesu amakwat'ebhugha naghil'ati: mwisiye kunkwata na mihiyo nga mutemo, nukuwo muntwale. ⁴⁹ Nakalagha nanu bhulikilo, nintebheja munumba ya Luhanga, na taliyo nakilo nakimuim mwankwete. Bhini ni nanga ebhya handikiwe bhikolekane. ⁵⁰ Dumbi bhona abhakalagha naye mbamutigha, na kwekubha. ⁵¹ Mutabana omui na mukwama alwete suka yoka, naye mbamukwata; ⁵² noo nahanja esuka yee na kwekubha muhina bhugheleghele. ⁵³ Mbatwala Yesu ow'omubhembi mukulu ambali bhabhembi, bhajei bha sunagogi, na bhahandiki bhali bhadungane. ⁵⁴ Peetelo n'abhakwamilila mu makpengbukpengbu kuhik'omukikali ky'omubhembi mukulu; nasitama na bhakoli bh'omubhembi mukulu nan'ota kakala. ⁵⁵ Bhabhembi bhakulu, n'ekoti yona bhakabala bhukahiso bhwakumulumililiya nikuwo bhamuite, noo tibhatungiye na kantu; ⁵⁶ nanga bhanamunji bhaletagha bhukaiso bhwa bhisuba bhutasusane. ⁵⁷ Bhamui mbamuka na kuhangilila, bhati: ⁵⁸ tukamughuwa naghila ati nkuhend'enumba ya Luhanga eghi ekweleuwe na mikono ya bhantu, n'omubhilo bhisatu nkusimbo enji eghi etakweleuwe na mikono sya bhantu. ⁵⁹ N'obhukaba habhw'ensonga eghi, bhukaiso bhwabho tibhwasusasusane. ⁶⁰ Nibhuwo mukulu wa bhahongi, amiliye omulukulato olu, abhuliya Yesu ati: toli na kyakukamu? Mbiki ebhi bhani bhantu bhakubhikiye? ⁶¹ Yesu akala aholeye, na atakukamu kantu. Mukulu wa bhahongi atoda abhuliya bhuyaka, amughila ati: oli Kilisto, mana wa Luhanga owemigisa? ⁶² Yesu akukamu, nikuwo ndi. Kandi mulibhona mana wa muntu asitamiye muluhande ghwa mukono ghwa bhuliyo mubhutoki bhwa Luhanga, kandi naasa mubhichu bhy'omweghulu. ⁶³ Dumbi mukulu wa bhahongi atemula njungu siye, aghila ati: onakubala bhakaiso bhanji? ⁶⁴ Mwaghuye amambu mukuchuwamu bhikii? Bhatuwamu bhona bhabonganuwe luku. ⁶⁵ Bhamui mubhantu abha bhatandika kumutwilakakila, bhamubhoha aliso na bhamutalangiya, mbamughila bhati: mulindi uwe! Dumbi bhakoli bhamuguba mbanamutalangiya. ⁶⁶ Peetelo eye anasitamiye anja Kati n'otaa mulilo, manabhukali omui abhaheleliya bha mukulu wa bhahongi nasa . ⁶⁷ Ahabhone Peetelo n'otaa, akala amuloleleye, na amughila ati: nawe wabhagha na Yesu wa Nazaleti. ⁶⁸ Ehighana, aghila ati: tinimumaniye, tanetegheleye ebhi okubala kubhugha. Dumbi Peetelo aghenga eelembo. Nkoko nikoka ⁶⁹ . Obhu manabhukali oghu, amubhone, atandika kughambila tena abhabhagho ati: musasa oni naye n'omui wabho. Na atoda ehighana bhuhiyaka. ⁷⁰ Anuma ya bhwele bhukee, abhabhagha bhali ala na Peetelo bhaghila bhati: majima kuwo oli omui wa bhantu abha, nanga oli Mugalilaya. ⁷¹ Atandika kulahila na kuchuwa ati: tanimaniye omusas'oghu mukwete kughamba. ⁷² Dumbi, alwakabhili, nkono ya koka. Na Peetelo asuka eki Yesu amughiliye ati: nkoko etakakokiye kabhili, okubha nuwanehighane kasatu. Na nanasuka, alilila kimui.