¹⁹ Abholughanda, muntu omui omwenuwe nabhuliye aseliye namajima, na onji amuleta, ²⁰ oghu amukukiye akenge ngu akukuyagha mukoli wa bhibii kulugha mukihanda eki aliabhuliyemu, alijuna mwoyo ghwa mukoli wa bhibii kutakuwa na akuswikililagha bhibii bhikaniye. ¹ Eenuwe endindi, bhaguda, mulile na mutakangane, abhwa kubhona bhona kulibabho. ² Bhuguda bhwanu bhwagundiye, hamui na ngoye syanu syalibhuwe na nenje. ³ Fweja yanu hamui na sente syanu syakwatuwe mama; na mama ya bhiyo bhilibhahela bhukaiso obhu bhalibhachwela musango, na elisililiya mibhili syanu nga mulilo. Mukakumaniya etunga mubhilo bhya mpelo. ⁴ Molole, mpela ya bhakali abahuluye misili syanu, nabha mwabhonabhoneye, mbu yalila, na maligha gha nhahulluli ghakidiye mumatuhi gha Mukama wa mahe. ⁵ Mukatula munsi (dans les voluptes et dans les delices), mukakutiya mitima syanu kiloo kya kusaluwa. ⁶ Mukasingisiya musango muntu ahikiliye, mwa muita, ti tabhahakaniye. ⁷ Mubhe bhagumisilija, abholughanda kuhikiya kukuka kwa Mukama watu. Mulole, mukoli alindiye kighuma kya mughaso omuetaka, agumilisilja kuhikiya mbula ya kilogholi kyo kubhanja na kyo kumalilila. ⁸ Nanu, mubhebhagumisilija, mugumiye mitima syanu, na kukuka kwa Mukama kubhelewe. ⁹ MUtahanda handa, abholughanda, nikuwo mutachwelebhuwa: mulole, omuchu ali amuliango. ¹⁰ Mukwate, bholughganda, kya kuloleho kubhonabhona na kugumisilija kwa bhalangi abhabhughiye omulina lya Mukama. ¹¹ Mulole, tughilaghamu abho mugisa abhagumisilijiye bhatakuluwa. Mukaghuwa mbakumiya kugumisilija kwa Yobu, na mukabhona okumalilila oku Mukama amuhaye, nanga Mukama ali nangughuma na kisa. ¹² Ekisaiye bhyona, abholughanda, mutalaila keda omweghulu, keda munsi, keda kulailla kunji kwona. Noo, kusima kwanu kubhe kusima, na kubenga kwanu kubhe kubenga, nikuwo mutalisa kughuwa mukuchwelebhuwa. ¹³ Omui wanu alimukubhonabhona? Asabhe. Aliyo oghu eduwe? alimbe bhilimbo bhya Luhanga. ¹⁴ Omui wanu alwaye bhakulu bha kanisa, nikuwo abhakulu bha kanisa bhamusabhile, mbamusigha magita mulina lya Mukama; ¹⁵ kusabha omu nikilija kuliyamba omulwaye, na Mukama alimumukiya; na akakubha naakoli bhisobhi, alighaniluwa. ¹⁶ Abhweki mwekukemu nsobhi syanu , na musabhilane, nikuwo mukile. Kusabha kwa muntu wamajima kuli na mani. ¹⁷ Eliya akabha ali musasa ahanguwe ngatu: akasabha kwonini ati mbula etatona, kandi ekamala myaka esatu na meli mukagha etakatoniye munsi. ¹⁸ Dumbi asabha bhuyaka, eghulu lya toniya mbula, na etaka lyatwesiya ndimuwa kusemeye. ¹⁹ Abholughanda, muntu omui omwenuwe nabhuliye aseliye namajina, na onji amuleta, ²⁰ oghu amukukiye akenge ngu akukuyagha mukoli wa bhibhii kulugha mukihanda eki aliabhuliyemu, alijuna mwoyo ghwa mukoli wa bhibii kutakuwa na akuswikililagha bhibii bhikaniye.