¹ Abae ngodea: noono ngodei domi, anga benu indabe bande ama bakua, na baonimbe budjeme nda MKOKONGA indo ama bhia n'ekanda. Mbus'elie motoba, Yeso aba ga na Petelo, Yakobo na Yoani abai baga na mamba gaa mema. Abaya etia angaabo. ³ Na ngombe ndaabo abaya bhumana kbee na inda na leengo inde aanga bhumanisa bia ndo. ⁴ Elia na Musa abai baekidila, abai ba ambola na Yesu. ⁵ Petelo abaya ngodea Yeso: Rabi aanga bande budjemi besu ikala nkindi iyani, behie kapolepole isaalo, moti mbe mao, moti mbe ma Mosa na moti mbe ma Elia. ⁶ Ngaa ndagaya ubhi indo anga yonga, ngaa aya emoi ebhobho. ⁷ Ebundu abae degela, na ebundu ndo aba hobelau molenge: Namii imbe, n'kondi nde mamo: Bo m'okanee. ⁸ Mbenombeno li bagoli li ai balenganigi, na aba ba mona ande Yeso iya meene. ⁹ Toa la mamba, Yeso abe ngodea te pooo: Bongodee meno n'to kida la ndambi nde nema ne siana nee. ¹⁰ Abai ba dhungila yonga ndo, na baulisana mbeno a djudjua la kua ande emasina. ¹¹ Bagoli li abai ba mulisa bate: Ngaa emasina bande ndaba toleli bayonga bate a mosamosa li Elia iye awanje abhie? ¹² Abae sisila ate: Elia yeu auma bhia mosa, na komisa la ema li bhuu. Anga emasina yeu muna bato li auma noba na bhana laae? ¹³ M'pa aba noono ngodea n'te Elia abhii, na aba kolela sindande ba n'kondi nee, sindande ba n'saeli. ¹⁴ Sinda nde abaya kida bhila bagoli, aba ba ona buhio mati na bakobe aba ba ambola naabo. ¹⁵ Sindande batoli bobhu aba ba djema ona la dha Yeso na gaala sesea laae. ¹⁶ Abae ulisa: Bomande nde na boaka aemasina? ¹⁷ N'to moti angala batoli bobhu aba n'sisila: Ngolisi, ne m'bii na nami a ntiao ana ba keti a kangana yonga. ¹⁸ Naha baankindi djega ndaae aba ndunga, aba maa adodo, aba kokotisa minyoae na aba nukuta. Neti neengodei bagolisi nde anga ba lamise nami, inda ba toi. ¹⁹ Eboti sinda nde, Yeso abaya engodea, boaka bote elie li bhu abauma nena benu? Boeneka bote auma ba neono sua elieli bhu? Yeso abya yonga ate bo mbhie naaye. Aba ba mbia naaye. ²⁰ Naa ndambi ndo, aba mona Yeso, baketi aba ba n'tetemisa na kaala, abaelingitisa a dodo, aba toa a nyoaae ehulu. ²¹ Yeso aba mulisa abhaae, toa la eni laae, djega nde aya n'kidili mala eenga? ²² Baketi li ai ba maa asuba n'sa na asuba ibo ngaa akue. Nabe nongo n'kolela ema kisikisi o n'kolele. ²³ Yesoaba ngodea: Noyoubhi budjede ndao indaweli nde atalokana angambe alebei. ²⁴ Naa ndambindo, abha miili aba laka, nelebei! O namise nami! ²⁵ Yeso, aba kalea n'keti madjede na aba yonga ate: Eketie ekingi na ekulukutu, neyongi nte otoe angaae na koyo nsianela go. ²⁶ Abatoa na laka, na aba ntetemisa na kaala aati. Na mii aba n;kenga imbe aku, na batoli bobhu aba bayonga bate aku. ²⁷ M'pa Yeso aba ndunga na ndjaga, aba n'somba. Na aba aama. ²⁸ Mbe nde Yeso angi neendu bagholi nde baae ababa nhinhia: Ngaa ee ndagati betoi bea la N'keti ndo? ²⁹ Abae ngodea: mambala ambo anga hoba nde na ememi. ³⁰ Ababa toa wa, na hudisana la Galilaya. Yeso ndaya kondi te ba muubhe. ³¹ Ngama ayaie golisa bagoli nde baae, naabae ngodea: Mu n'to ande ba ngabha a njaga bato; na nda ba moa, na tambusa elie isaalo asuba kua li, ama djudjua. ³² M'pa bagoli nde baae batoloka oka la yonga nde, na bai ba tea hihia laae. ³³ baiba kidi kapelenaumu. na kida la neendu, yeso abae hihia: Boti bo ambolela nde emasina naa sii? ³⁴ M'pa aba ba dhaa, ngama na asii boaka ndaabo nande ubha lambe ande homia badhaae. ³⁵ Aba ika aba e koga moko na babale abae ngodea: Imbe akondi dja la ngula, amadja ndungo abobhu na mokobe nde ma bobhu. ³⁶ Na aba meisa mia mbenje a meeme aabo dhunga la njaga mii nde abae ngodea: ³⁷ Imbe a n'sesei aina mi moti adha bani nde bamo amo sesei nde eme ya meene; na imbe amo sesei, ndaga mo sesei nde eme, a n'sesei imbe aya mo tei. ³⁸ Yoani aba ngodea: Ngolisi, beti be mooni moo moti nae bea baketi ainao nati be nkaisi, ngama inda aso baemei. ³⁹ Bo nkaisai asisi Yeso, inda be n'to anga kola betekoteko aina mi, na tambusa li ayonge adjede angami. ⁴⁰ Imbe nda nongo laasu ande mbe masu. ⁴¹ na imbe ama nopa ibio a noa ainami ngama bonde bande ba Klisito, noono ngodea domi indama bungisa nangee neede moosolo ndaae. ⁴² M'pa, yeli naye a nhetanisa moti adha bani nde bamolebei, atoleli hele djua la kingoae ete mati na maa laae asuba ngedji. ⁴³ Abe njagao nanga ogusa, o huda; ongia beele abha gbutua njaga asuba ngebe li, ⁴⁴ nondogo ngi bele a geene (Kelembelembe) na njagao i bale, asuba nde nda limia. ⁴⁵ Abe egolao nanga ogusa, ohude, ongia beele asuba ngebe li no bhetua, ⁴⁶ nanda bao mai asuba geene li na egolao ibale, asuba insa nde nda limia. ⁴⁷ Nabe mbuuso ao nangao gusa, o hodie; aanja ngaao ngia l'asuba eboame nda MOKONGA na mbuuso moti, nandaga bele baop mai asuba geene, na isoao ibaleli, ⁴⁸ Mpuo nde indabe kua, na mpuo nde insa nda limia. ⁴⁹ Ngaama insa li ama moomisa yeli na n'kua. ⁵⁰ N'kua li ande emaa anja, na n'kua li naye a bungisi bole aae, angabe leemisa na ema sina? Bobe na n'kua asubaanu na bobe na mbolele bimoti na bande batoo.