¹ Badhami, inda toleli angalanu bato bati bande baikila golisa, ngaa boubha sinda nde bauma basokalea kpee. ² Bebhobhoa besu bobhu a ahe angaya. Yeli naanda abhobhoi ayonga ande n'tonde atonganani, imbe anga saimisa ngobhoae abudjede. ³ Naye benyangi ngoli a mosundu a ponda ngaa basosikise, kisi belangi kala ngobhoae bhulibhu. ⁴ Bolenge bhea sinda koko atiti, nangebe moheo abhie boni inda nga toa tiali, batambisa nde na ebongo nede nti nde mbe atambisa akondi nee. ⁵ Nangee indo, edaa ande ngobho nede na aebhebha aema ati. Na ngeeli ndo, sinda insa nede inde anga sidisa ndula ati. ⁶ Edaa niyu ande insa, ande leengo'a budjede. Edaa ande mpuo imoti angobho, aunjisa ngobho bhuu, na asidisa ngebe, na iye nganga, amasida aisa la mbelenge. ⁷ Ngaa ntina banyama li bobhu, bambuu, na bande baekolola na bande baiki na ngeji anga baetuga na ndiende aye aetii etunge nda bato; ⁸ impa edaa, inda be in'to nde anga atoisa tugalae; ande budjede nde nda anga ndaa; atumi naelemba nde aola. ¹⁰ Asuba nyoo nde atoa asubi sulia na njomo. Inda toleli, babhami, djala ibo. ¹¹ Asuba etulu nde moti aibo anga atoa beli ibo nde aale na ibo nde aadhia? ¹² Bandami, nkumo anga bota maya la ''mozabibu'', na ''mozabibu'' maya la nkumo? Ibo nde aau nkua inda nga hobisa ibo nde asubii. ¹³ Ande mani angala benu ana maako na aubha ameeme anu? Ahangie mechee ndae anja asuba bowede na maene. v Na ngebe bo, naye bona boso nde adjegeda na esani, asuba meema nu, boobhebhai na boyongai mbea ama domi aleo. ¹⁵ Maako ndo ndanga nde inde atoa anga Mokonga; inde nda na dodo oni, na mechee nda bato na nketi. ¹⁶ Ngaa mpuo nde abe boso na esani, abeli bia na bicholocholo nda djede. ¹⁷ Ngaa maako nde atoa na kobha aadja, abago djedje, awede, inde go aokanea na atumi na lilia na maya adja, inda ana boso, indaga na mangudumba. ¹⁸ Na maya la domi li bakona ameemea mbolele na bande bakola mbolele.