Chapter 7
1
ಥೇದೆ ಮೋಟೋ ದೇವನ್ನೊ ಸೇವಕರ್-<< ಆ ವಿಷಯಮ್ ಖಚಿಸ್ನ?>> ಕರಿ ಸ್ಥೆಪನ ಬೋಲ್ತಾನಾ ಯೋ _<<ಭಯ್ಯೇ, ಬಾಓ,
2
ಖಂಜೋ - ಹಮಾರೋ ಮೋಟು ಆದ್ಮಿ ಹುರಿಯುತ್ತೆ ಅಬ್ರಹಾಂ ಖಾರಾನ್ಮ ರಾಹ್ವಾನ ಅಗಾಡಿ ಮೆಸೊಪೊತಾಮ್ಯಾ ರಾಹ್ವಾನಿ ಪ್ರಾಬವಸ್ವರೂಪ ಹುಯುರೋತೆ ದೇವ್
3
ಇನ ದೇಖಾಯ್ನ್ -<ತಾರೋ ಖಾಚಿ ದೇಖ್ಹ್ನ ತಾರು ಬಂದು ಬಳಗಾನ ಮೇಹ್ಲಿದಿನ್ ಮೇವತಾಳುತೆ ದೇಖ್ಹ್ ಮಾ ಚಲೋ ಜಾ> ಕರಿ ಬೋಲ್ಯೋ .
4
- 4 <<ತೇದೆ ಯೋ ಕಲ್ದಿಯರ ದೇಖ್ಹ್ ಮಾ ಥು ಚಳು ಜೈನ್ ಖಾರಾ ನ್ಮಾ ಜೀವಿರ್ಹೂತು. ಇನು ಬಾ ಮರಿಜಯ್ನ್ ಇನ ಅಗಾಡಿ ದೇವ್ ಇನಾ ಯ್ಯ್ಹತು ತುಮೇ ಹನ್ಚೆ ಜೀವಿರ್ಹುತೇ ಆ ದೇಷ್ಮಾ ಬುಲಾವಾನಿತರಾ ಕಾರ್ಯೋ
5
.ಆ ದೇಷ್ಮಾ ಇನಾ ಗೋಡಾ ಮ್ಹೇಲಾವ ಎತ್ರೀಸ್ ಜಮೀನ್ ಇನಾ ನಾ ದೇನು ತಿಮ್ ಇನ ಛೋಗ್ರಾಸ್ ಕೋಯ್ನಿತೆ ಟೆಂಫೇರ್ ತುರಹಿತೆ ದೇಷಮ್ನಾ ತುನಾಬಿ ತಾರಾ ಫಿಟೇ ಅವ್ಶೇ ಥೇ ತಾರಿ ಖಾನ್ದಾನಾಬಿ ಸ್ವಂದಂ ಥೇ ದಿಶ್ ಕರಿ ಇನ ವಾತ್ ದೀದೋ.
6
ಹಂಚೆ ದೇವ್ ಬೊಲ್ಯೊತೆ ಶಾತ್ಕತೊ_< ತಾರಿ ಸಂತಾನಂವಾಳು ಟೂರ್ ಜಾವಾಳು ಹೂಯ್ರಶೇ.ಯೋ ಹಲದ ದೇಶ್ವಾಳು ಇವ್ನ ಸೇವೆ ಕರಾವಲನಿತರ ಕ್ಯಾತ್ರಾಕಿ ವರಖ್ಹ್ ತೋಡಿ ಚಲಾವ್ ಶೇ.>
7
ಬುಜು ತಾರು ಸಂತಾನಂವಾಳು ಸೇವೆ ಕಾರಾವಾಳು ಹಲಾದ ಆದ್ಮಿ ನ ಮೇಸ್ ನ್ಯಾವ್ ತೋಡಿಶ್ .ಬುಜು ಇವ್ನೆ ಜೈನ್ ಆಯ್ನ್ ಆ ಜಗೋಮಾ ಮನ ಪೂಜಾ ಕರ್ಸ್ಶೇ > ಇಮ್ಮಸ್ .
8
ಇಂಖಾಯೇತಿಂ ದೇವ್ ಇನ ಜೋಡ್ಮಾ ವತ್ ಕರ್ಲಿನ್ ಇನಾ ಗುರ್ತುತೆ ಸುನ್ನತಿ ತಾಯರ್ ಕರಿಯು . ಇನಾನಿಸ್ ತರಾ ಅಬ್ರಹಾಂ ಇಸಕ್ನ ಜನಿನ್ ಅಟ್ನು ದನ್ಮ ಇನ ಸುನ್ನತಿ ಕರಿಯು .ಅಗಾಡಿ ಇಸಾಕ್ ಯಾಕೋಬ್ನಾ ಜನ್ಯು, ಯಾಕೋಬ್ ಭಾರ ಜಾಮಾನನು ಅದ್ಮಿ ಜನ್ಯು.
9
ಜಾಮಾನನು ಅದ್ಮಿ ಚ್ಚನ್ಡಾಲ್ಥೆ ಯೋಸೆಫ್ ನಾ ಐಗುಪ್ತ ದೇಖ್ಹ್ನಾ ಎಚಿದಿದು. ಇಜ್ಜೋ ದೇವ್ ಇನ ಜೋಡ್ಮಾ ರಹಿನ್,
10
ಇನ ಆಯುತೆ ಹಕ್ಕಿಸ್ ಬಾದಮಾಥುಬಿ ಇನ ಚೋಡಾಯ್ನ್ ಐಗುಪ್ತ ದೇಖ್ಹ್ ನು ರಾಜೋ ಹುಯ್ರುಥೆ ಫರೋಹನ್ನಿ ಸಮ್ಮುಖಮ್ಮ ಗೋರ್ವಳು ಬುದ್ದಿರಹ್ವಳು ಹುಯ್ರಾನುಕರಿದಿದು. ಫರೋಹನ್ ಇನ ಐಗುಪ್ತ ದೇಖ್ಹ್ ನಾ ಉಪ್ಪರ್ ಬಿ ಇನು ಬಂಗ್ಳಾನ ಉಪ್ಪರ್ಬಿ ಎಕ್ ಅಧಿಕಾರಂನು ಅದ್ಮಿ ನಿ ತರ ಕರ್ಯೂ.
11
ತೇದೆ ಐಗುಪ್ತ ಬುಜು ಕಾನಾನ್ ದೇಷ್ಮಾ ಹುಜ್ಜೋ ಹುಜ್ಜೋ ಕಾಳ್ ಪಡಿನ್ ಆದ್ಮಿನ ಹರು ಘಣು ಕಷ್ಟಮ್ ಹುಯು; ಇಜ್ಜೋ ಅಮಾರಾ ಬಾ ಇವ್ಣಾ ಖಾಣು ಓ ಮಳ್ಯುನಿ .
12
ಇನಾಕಾಜೆ ಐಗುಪ್ತ ದೇಶಮ್ಮಾ ಕಣಗಿ ಕೋಟಿ ಛಾಕರಿ ಬೊಲಿ ಯಾಕೋಬಾ ಖಂಜಿನ್ ಹಮಾರು ಬಾನ ಎಕ್ ಇಜ್ಜೋ ಮೊಕ್ಲ್ಯೂ .
13
ಇವ್ನೆ ಬೆನಿ ಹಲ್ಲಾ ಆಯುತೆ ಯೋಸೆಫ್ ಭಯ್ಯೇ ಬಂದ್ನಾ ಇನು ಖಾಯಲ್ ಮಳ್ನುತಿಮ್ ಕರ್ಯೂ.ಬುಜು ಯೋಸೆಫ್ ನಿ ಖಾನ್ ದಾನ್ ಪರೋಹನ್ನಾ ಮಾಲಮ್ ಹುಯು.
14
ಬುಜು ಯೋಸೆಫ್ ಇನು ಬಾ ಹುಯುರೋತೆ ಯಾಕೋಬ್ನಾ ಆಜು ಇನು ಬಂದು ಬಳಗನ ಜೋಡ್ತೆ 75 ಆದ್ಮಿ ಐಗುಪ್ತ್ ದೇಶಮ್ನ ಬುಲಾಯ್ಲಿದು. ಯಾಕೋಬ್ ಐಗುಪ್ತ್ ದೇಶಮ್ನ ಆಯ್ನ್
15
ಇಜ್ಜೋ ಯೋ ಅಜು ಹಮಾರು ಷಾಣುಹರು ಮರಿಗಯು.
16
ಇವ್ಣಾ ಶೇಕೆಂನಾ ಬುಲಾಯ್ಲಿ ಜೈನ್ ಇಜ್ಜೋ ಹಾಮೋರನ ಲಡ್ಖಾತೆ ಅಬ್ರಹಾಂ ರೂಪಾನ ದೀನ್ ಮೋಲ್ಲಿಧಿ ಹುಯ್ ಘೋರ್ಯಡಮ ಮ್ಹೇಲ್ಯೂ.
17
ಬುಜು ದೇವ್ ಅಬ್ರಹಾಂನ ವಾತ್ ದಿದೋತೆ ಜಮಾನ ಖನ್ನೇ ಆಯುತೆ ಟೆಮ್ಪರ್ ಹಮಾರು ಆದ್ಮಿ ಐಗುಪ್ತ್ ದೇಶಮ್ಮಾ ಘಣು ಹುಯ್ಗು.
18
ಬುಜುಬಿ ಯೋಸೆಫ್ನ ದೇಖ್ಯುಕೊಯ್ನಿತೆ ಬುಜುಎಕ್ ರಾಜೋ ಚಲಾವನ ಆಯು.
19
ಆ ರಾಜೋ ಹಮಾರಾ ಷಾಣಾಆದ್ಮಿನಾ ಇರೋದಮ್ ಥೇ ಖರಾಬ್ ಖಯಾಲ್ ಕರಿನ್ ಈವಣ ಲಡ್ಕವ್ನ ಜಾನ್ಥೆ ನಾಮ್ಹೆಲ್ನೂ ಕರಿ ಬೊಲಿನ್ ಭಾಜರ್ ನಾಖೈನ್ ಹಮಾರಾ ಷಾಣಾ ಆದ್ಮಿನಾ ಘಣು ಖರಾಬ್ ಥೇ ಚಾಲೀಲ್ದು.
20
ಯೋ ಸಮಯಮ್ಮಾ ಮೋಶೆ ಪಯ್ದಾ ಹುಯು. ಯೋ ಘಣು
ಲಾಯಕ್ ಥು; ಆಜು ಬಾನ ಘರ್ಮಾ ತಿನ್ ಮೈಹೀನ ಇವ್ನೆ ಪಾಳ್ಯು.
21
ಥೇದೆ ಇನಾ ಭಾಜರ್ ನಕ್ಯೂತೆ ಟೆಂಫೇರ್ ಪರೋಹನಿ ಛೋಗ್ರಿ ಇನ ಪಳ್ಳಿನ್ ಜೈನ್ ಇನು ಲಡ್ಕನಿತಾರ ಪಾಳಿ.
22
ಮೋಶೆ ಐಗುಪ್ತ್ ದೇಶವಾಳನಿ ಅಖಿಸ್ ತರಾನಿ ಬುದ್ಧಿಮಾಬಿ ಖಾಯಾಲ್ಮಬಿ ವಾತೆಮಾಬಿ ಜೀವ್ನ್ಮಾಬಿ ಲಾಯಕ್ಥು
23
.<<ಇನಾ 40 ವರಖ್ಹ ವೈಶ್ ಭರಾವ್ತಿ ಟೆಂಪ್ಪರ್ ಇಸ್ರಾಯೇಲ್ ಜಾತ್ವಾಳು ಉಯ್ರುಥೇ ಇನ ಭಾಯ್ಯೇನ ಜೈನ್ ಡೆಕ್ನು ಕರಿ ಆಸೆ ಇನ ಬುಕ್ಕಾಮಾ ಪಯ್ದಾಹುಯು .
24
ಇವ್ನಮಾ ಎಕ ಆದ್ಮಿನಾ ಅನ್ಯಾಯಾಮ್ ಹೂವಾನು ಯೋ ದೇಖಿನ್ ಇನಾ ಝಗೋ ದೀನ್ ಖಾತಾಯುತ್ತೆ ಐಗುಪ್ತ್ಯನ ಮಾರಿನ್ ದಾಓ ಮಾ ಕ್ರಿ ದಾ ಓ ಕಾಡಿಲಿದು.
25
ಅಮ್ ದೇವ್ ಇನ ಹಾಥೆತೆ ಛೋಡಾಯ್ ಕಡಿಯೋ ಕರಿ
ಇನಾ ಭಾಯ್ಯೇನ ಮಾಲಂ ಕರ್ನು ಕರಿ ನೆಂಚು; ಥೇದೆ ಇವ್ನೆ ಇಮ್ಮಸ್ ಕೋ ಮಾಲಂ ಕರಿಯುನಿ.
26
ಬುಜು ಎಕ್ ದನ್ ಯೂಣಾನು ಯುಣೇಸ್ ಲಾಡಾಯ್ ಕರು ಕರಾತೆ ಯೊ ಇನಾ ಆಡೇ ಆಯ್ನ್ -<ಅದ್ಮಿಯೇ ತುಮೆ ಖಾರಾ ಭಯ್ಯೇ ಖಾಯೇನಾ
ತುಮೆಶೇ ಎಕ್ನಾಎಕ್ ಆನ್ಯಯಂ ಕರಸ್?> ಕರಿ ಬೊಲಿನ್ ಇವ್ನಾ ಸಮಾದಾನಂ ಕರನಾ ಆಯು.
27
<<ಇನಕಾಜೆ ಇನು ಸ್ವಂತಮ್ ಜಾತ್ನಾ ಷಾಣಾ ಅದ್ಮಿನಿತರಾಬಿ ನ್ಯಾಯಮ್ ಕರವಲನಿ ತರಬಿ ಮೆಲ್ಯೂತೆ ಕೋಣ್
28
?ಕಾಲ್ ಯೋ ಐಗುಪ್ತ್ಯನಾ ಮಾರ್ಯುತಿಮ್ ಮನಾಬಿ ಮರ್ನುಕರಿಛಾನಾ?>
ಕರಿ ಇನಾ ಧಖೇಲಿದಿದು.
29
ಆವಾತ್ನ ಖಂಜಿನ್ ಮೋಶೆ ಮಿಲಾಯ್ಜೈನ್ ಮಿದ್ಯಾನ್ ದೇಖ್ಹ್ ಮಾ ರಹ್ಯು. ಇಜ್ಜೋ ಬೇ ಲಡ್ಕನಾ ಜಣ್ಯು.
30
<<40 ವರಖ್ಹ್ ಭರಾಯ್ನ್ ತದೆ ದೇವ್ನು ದೂತ ಸಿನಾಯ್ ಗುಟ್ಟೇನಿ ಜಂಗಲ್ಮಾ ಕಟಾನಿ ಪೊದಾಮಾ ಬಳುಕರಥೇ ಅಗ್ಮಾಥೋ ಇನಾ ದೇಖಾಯೋ.
31
ಮೋಶೆ ಇನಾ ದೇಖಿನ್ ಯೋ ಚಿತ್ರಂ ನಾ ಶಾಕ್ ಹೂಯಿನ್ ಆಶಾತ್ಕರಿನ್ ಇನ ದೇಖ್ಹ್ನು ಕರಿ ಖಾಮೆ ಅವ್ತಾನ -
32
ಮೇ ತಾರು ಷಾಣು ಆದ್ಮಿ ಹುಯ್ರುತೆ ಅಬ್ರಹಾಂ ಇಸಾಕ್ ಯಾಕ್ಕೋಬ್ನೋ ದೇವ್ಕರಿ ಸೌಂಡ್ ಹುಯು.
ತೇದೆ ಮೋಶೆ ಡರ್ತು ಘಟ್ಥೇ ದೇಖಾನಾ ಧರ್ಯಮ್ ಕೋಯ್ನಥೀಮ್ ಹುಯ್ಗು.
33
ಅಜೂ ದೇವ್ ಇನ _< ತಾರ ಗೊಡಮಾಣಿ ಚೆಪ್ಪಲ್ ಕಾಡ್;ತೂ ಭೀರ್ಯೋತೆ ಝಗೊ ಘಣು ಪರಿಶುದ್ಧ.
34
ಐಗುಪ್ತ್ ದೇಷ್ಮಾ ಚ್ಛತೆ ಮಾರು ಆದ್ಮಿನು ಖಾರಬ್ ಪರಿಸ್ಥಿತಿನಾ ದೇಖಿನಾಸ್ ದೇಖಿಶ್; ಯೂಣಿ ಚಿಕ್ರಾಣ್ನಾ ಖಂಜಿನ್ ಯುಣಾ ಚ್ಹೋಡಾವನಕಾಜೆ ಊಥ್ರಿನ್ ಆಯ್ರೋಸ್; ಹಂಛೆ ತುನಾ ಐಗುಪ್ತ್ ದೇಖ್ಹ್ನಾ ಮೊಕ್ಲುಸ್, ಆವ್ ಕರಿ ಬೊಲ್ಯೊ.
35
ಯುಣೇ ಖ್ಯುವು ನಕೊಕರಿ ಧಖೇಲದಿದುಕಿ,< ಅಧಿಕಾರಿನಿತಾರಬಿ ನ್ಯಾಯದಿಪತಿನಿ ತರಾಬಿ ಮ್ಹೇಲ್ಯೂತೆ ಕೋಣ್? ಕರಿ ಬೊಲ್ಯುಕೀ ಇನಾಸ್ ದೇವ್ ಪೊದಾಮಾ ಥೋ ಧೇಖಾಯೋಥೆ ದೂತನ ಹಾಥೆತೆ ಅಧಿಕಾರಿನಿತರಾಬಿ ಚ್ಹೋಡಾವವಲನಿ ತರಾಬಿ ಮ್ಹೆಲ್ಯೂ.ಯೋಸ್
36
ಐಗುಪ್ತ ದೇಶಮ್ಮಬಿ ಲಾಲ್
ದರ್ಯಾವ್ಮಬಿ 40 ವರಖ್ಹ್ ಝಾಡಿಮಾಬಿ, ಅದ್ಭುತಕಾರ್ಯನಬಿ ಸುಚಕಕಾರ್ಯಮಾಬಿ ಕಾರ್ಯಾಂನಾಬಿ ಕರ್ತು ಚ್ಹಾಲಾವ್ತೂ ಆಯು.
37
ಯೋ ಮೋಶೆ _ದೇವ್ ಮನಾ ಉಟ್ಹಾಡ್ಯುತಿಮ್ ತಾರಾ ಭಾಯ್ಯೆಮ
38
ಇನೆಸ್ ಸೀನಾಯ್ ಗುಟ್ಟೇಮಾ ಇನಿ ಜೋಡ್ಮಾ ವಾತೆ ಬೊಲ್ಯೂತೆ ದೇವದೂತಮ್ ನಾಭಿ ಹಮಾರಾ ಷಾಣ ಅದ್ಮಿನಾಬಿ ಜಾಡಿಮಾ ಥಿತೆ ಸಬೇಮಾಬಿ ಜಾನ್ ದೇವಾಳೀ ದೇವ್ ನಿವಾತೆ ನಾ ಲೀನ್ ಹಂನಾ ದೇವಾಳು ಹುಯ್ರುಥು
39
.ನೈತೋ ಷಾಣು ಆದ್ಮಿ ಹರು ಇನಿ ವಾತೆ ನಾ ಖಮ್ಜಾ ನ ಮನ್ಸು ಕೋಯ್ ನಿಥೇ ಇನ ಧಕೇಲಿ ದಿನ್ ಪಾಚ್ಹೂ
ಫಾರಿನ್ ಐಗುಪ್ತ್ ದೇಖ್ಹ್ ಭಣಿ ಮನ್ಸು ದೀದು.
40
ಯುನೆ ಆರೋನ್ನಾ ಐಗುಪ್ತ ದೇಖ್ಹ್ಮಾ ಥು ಹಂನಾ ಬುಲಾಯ್ ಲಿನ್ ಆಯುತೆ ಯೋ ಮೋಶೆ ಶಾತ್ ಹುಯೂಕಿ ಮಾಲಂ ಕೊಯಿನಿ ,ಇನಾಕಾಜೆ ಹಂನಾ ಅಗಾಡಿ ಜಾವ್ನಾ ಕಾಜೆ ದೇವ್ನಾ ಹರು ಕರಿ ದಾ ಕರಿ ಬೊಲಿಲಿದು.
41
ಯೋ ದನ್ಮಾ ಯುವ್ನೆ ಎಕ್ ಗಾಯ್ ಕರಿನ್ ಯೋ ಬೊಮ್ಮಾನಾ ಕರಿನ್ ಬಲಿ ಕರಿನ್ ಇವ್ನ ಹಾಥೆತೆ ಕರಿಯುತ್ತೆ ರಾಚ್ಹಾಮ ಸಂತೋಷಮ್ ಪಡಿಯೂ.
42
ತದೇ ದೇವ್ ಇವ್ನನಾ ಫಾಚ್ಹೂ ಫಾರಿನ್ ಆಕಾಶಮ್ನು ಶುಕ್ಕರ್ ನಾ ಪೂಜಾಕರಾನಾ ಓಪಸಾಯೋ.ಪ್ರವಾದಿನಿ ಬುಕ್ ಲೀಕ್ಯುತ್ತೆ ಶಾತ್ಕಥೋ _
<< <ಇಸ್ರಾಯೇಲ್ ಜಾಥ್ವಾಳ,ತುಮೆ ಝಾಡಿಮಾ ತಾತೆ
40 ವರಖ್ಹ್ ಮನಾ ಯಜ್ಞಮ್ ಬಲಿ ನ ಅಕ್ಹು ದೇವ್ನ್ ಕರಾಸ್ ? ಕೋಯೀನಿಖಾಯೇ;
43
ಇನ ಬದ್ಲಾಯ್ನ್ ತುಮೆ ಪೂಜಾ ಕರನು ಕರಿ ಕರಲಿದಾತೆ ಬೊಮ್ಮಾ ನಾ ಕತೊ ಮೊಲೋಕನಾ ಗೂಢಶಿನಾ ರೆಫಾನ್ ದೇವ್ನಿ ನಕ್ಷತ್ರಾ ರೂಪಂನ ಪಳ್ಳಿ ಜೈನ್ ಚಾಲ್ಯ ಖಾಯ್ನಾ .
ಇನಾಕಾಜೆ ಮೇ ತುಂನಾ ಬಾಬಿಲೋನ್ನ ಬಾಜುನ್ ಮೇಲುಸ್ > ಕರಿ ಹೂಯ್ರ್ರೂಸ್.
44
ಆದ್ಮಿ
_ ಥು ದೇಖ್ಯೋತೆ ಇನಿಸ್ ಪ್ರಕಾರ ಇನಾ ಕರನು ಕರಿ ಬೊಲ್ಯೂ.
45
ಹಮಾರು ಮೋಟು ಆದ್ಮಿ ಇನಾ ಇವ್ನು ಜಮಾನನು ಆದ್ಮಿಥೆ ಲಿರಾಖ್ಯೂಸ್; ಇವ್ನೆ ಯೆಹೋಶುವನಿಸ್ ತರಾ ಚಾಲಿನ್ ದೇವ್ ಧಖ್ಯೆಲ್ಯೊತೆ ಅಲಾದ ಆದ್ಮಿನಾ ದೇಖ್ಹ್ನಾ ಸೊಂತಂ ಕರ್ಲ್ಯಾವನಿ ಟೆಂಪೆರ್ ಯೋ ಘರ್ನಾಬಿ ಲಾಯು. ಯೋ ದಾವಿದ್ನಾ ಕಾಲಮ್ಮಾಬಿ ಅಜೋಸ್ ಥು.
46
ದಾವಿದ್ ದೇವ್ನಿ ಸನ್ನಿದಿಮಾ ಆಶೀರ್ವಾದ್ ಲೀನ್ ಯಾಕೋಬ್ನಿ ಜಾಥ್ವಾಲಾನ ಕಾಜೆ ದೇವ್ನು ಘರ್ ಭಾಂದಾನಾ ಪರ್ಮಿಷನ್ ಹೊಣು ಕರಿ ಬೊಲ್ಲಿದು.
47
ತದೇ ದೇವ್ನಾಖಾಜೆ ಭಾಂದ್ಯುತೆ ಸಲೋಮೋನ್
48
ರಹಿಥೋಬಿ ದೇವ್ ಆದ್ಮಿನಾ ಹಾತೆ ಭಾಂದ್ಯುತೆ ಘರ್ ಮಾ ರಹ್ವಾಳೋ ಖಾಯೇ
49
< << ಅಕಾಶಮ್ ಮನ ಸಿಂಹಾಸನಮ್ ,
ಧರ್ಥಿ ಮಾರಾ ಗೋಡಾನಾ ಪೀಠಮ್ .
ತುಮೆ ಮನ ಕಿಂನು ಘರ್ ನಾ ಭಾಂದಿ ದೀಶು?
ಮನ ಆರಾಮ್ ಕರಾನಿ ಝಾಗೋ ಖಿವಿ?
50
ಆ ಖಾರೂ ಮಾರೋ ಹಾಥಸ್ ಕರಿಯುತೇ ಖಾಯೇನಾ ಕರಿ ದೇವ್ ಬೋಲಾಸ್> ಕರಿ ಪ್ರವಾದಿ ಬೋಲಿರಾಖ್ಯೂಸ್.
51
ಹಠಮಾರಿ, ಮನಶುದ್ದಿ ಡೋಲಾನು ನಜರ್ ಅಚ್ಚು ಕೋವೈನಿತೆ
ಆದ್ಮಿಯೇ ತುಮಾರು ಷಾಣು ಆದ್ಮಿ ಕಿಮ್ಕಿ ಇಮ್ಮಸ್ ತುಮೆ ಕದೇಬಿ ಪವಿತ್ರಾತ್ಮನಾ ಫ್ಹಾಚ್ಹೂ ಪದಾವಳ ಹುಯ್ರಾಸ್.
52
ಪ್ರವಾದಿಮಾ ತುಮಾರು ಷಾಣು ಆದ್ಮಿ ಕಷ್ಟಾ ದೇವಾಳು ಕೋಣ್ ಚ್ಹಾ ? ಯುಣೇ ಯೋ ನೀತಿ ಸ್ವರೂಪ ಹುಯುರೋತೆ ದೇವ್ನು ಅವಾನೀ ಟೈಂಮ್ಮ ಅಗಾಡಿ ಬೊಲ್ಯೂಥೇ ಆದ್ಮಿನಾ ಮಾರ್ರಖ್ಯು, ತುಮೆ ಹಂಚೆ ಇನಾ ಧರ್ಲಿನ್ ನಕೋಮರ್ಅವ್ಷು
53
ದೇವಾ ದುಥರ್ನಾ ಭಾಣ್ತು ಬೋಲ್ ರಾಖ್ಯುತ್ತೆ ಧರ್ಮಾಶಾಸ್ತ್ರಾನಾ ತುಮೇ ಲೀದ್ಹೆಹುಯ ಇನಾ ಇನಿನಿ ತರ ಕೋ ಚ್ಹಾಲ್ಶುನಿ>> ಕರಿ ಬೊಲ್ಯೂ.
54
ಆ ವಾತೆನಾ ಖಂಜಿನ್ ಯುಣೆ ಚ್ಹನ್ಡಾಲ್ನು ಮನಸುಥೆ ಇನಾ ಉಪರ್ ದಾತ್ ಚ್ಹಾಯು.
55
ತದೇ ಯೋ ಪವಿತ್ರಾತ್ಮಾಥೆ ಭರಾಯ್ನ್ ಅಕಾಶಮ್ನಾ ಭಣಿ ಡೊಳಾಥೆ ದೇಖಿನ್ ದೇವ್ ನಿ ನಿಗ್ಯಾಥೆ ದೇವ್ನಾ ಖಾವಾತ್ನಿ ಬಾಜುನ್ ಇಬ್ರಥೆ ಯೇಸುನಾ ದೇಖಿನ್
56
<<ಹಂದೆಕ್ ಅಕಾಶಮ್ ಕಾದ್ರಾಕ್ಯೂತೆ ಆದ್ಮಿನೋ ಛಿಯ್ಯೋ ದೇವ್ನು ಖಾವಾತ್ ಭಣಿ ಭಿರ್ಯುತೇ ಮೇ ಧೇಖುಕುರುಸ್ >>ಕರಿ ಬೊಲ್ಯೂ.
57
ತೆದೆ ಯೂಣೆ ವೋಟು ಸೌಂಡ್ ಥೆ ಚಿಕ್ರೀನ್ ಕಾನ್ನಾ ಮುಚಿಲಿನ್ ಜೋಡ್ತೆ ಇನ ಉಪರ್ ಪಡಿನ್
58
ಇನಾ ಗಾಂನಾ ಭಾಜಾರ್ ಧಕೇಲ್ಲಿಜೈನ್ ಬಂಡೋ ಭಿಕ್ಕಾಯ್ನ್ ಮಾರ್ಯು. ಸಾಕ್ಷಿ ವಾಳುವೈ ಯುಣಾ ಲುಘ್ಡವ್ನಾ ಪಾಡಿನ್ ಸೌಲ ಕರಿ ಎಕ್ ಕವಾರಾನ ಗೋಡಾನ ಖ್ಹಾಮೇ ಮ್ಹೇಲ್ಯೂ.
59
ಯುನೆ ಸ್ಥೆಪನ ಉಪೆರ್ ಬಂಡಾ ಛಿಡ್ಕು ಕಾರಾನಿ
ಟೆಂಪೆರ್
60
ಯೋ ದೇವ್ನು ನಾಮ್ ಬೊಲಿನ್ _ <<ದೇವ್ ಹುಯ್ರೋತೆ ಯೇಸು ಮಾರು ಅತ್ಮಾನಾ ರಾಖಿಲಾ >>ಪ್ರಾರ್ಥನೆ ಕರಿನ್ ಘುಡ್ಗ್ಯಾ ಮೇಟಿನ್ _<<ದೇವ್ ಆ ಪಾಪಂನಾ ಯುಣಾ ಉಪೇರ್ ನಕೋ ನಾಖಿಶ್ ಕರಿ ಬೊಲಿನ್ ಮೋಟು ಸೌಂಡ್ ಥೇ ಚಿಕ್ರಿಯು .