तीतुस 3
1
लोगो खै सुधि दिला देया कै हाकिमो ओरो अधिकारियो तोडी रोव़, ओरो तिनखै आज्ञा मानो ओरो तिनखै होर एक आच्छै कामो कारियै तैयार रोव़।
2
कोसि खै बोदनाम नै कोरो,झोगडयाऐ नै होवं पोरो बोडे प्यारै सोभाव कै होवं ओरो सोबि आदमै खै साथै बोडै शान्ति खै साथै रोवं।
3
जिथु आमु भै आगै न सोमझ ओरो आज्ञा नै माणवाल़ै, ओरो शक दै पोडियोदै ओरो, एक बोईतै बान्त कै इच्छाओ ओरो सुखतिदा कै दासत्व दै थियै। ओरो बैदभाव ओरो डाह कोरणौ मै जीवन बितोऊ थिए, ओरो गोन्दै थिऐ, ओरो ऐकी दूजरै बैर राखू थिऐ।
4
पोरो जोबे आमारै मोक्षकर्ता पोरमेश्वर कै क्रपा ओरो आदमै पादीं तैसखा प्यार प्रोगट होवां।
5
तौ तेणै आमारा उध्दार मोल दिया, ओरो ऐजो धर्म कै कामो कै कारियै नै जु आमुऐ आपि कोरै पोरो आपणै दोया खै अनुसार नौवे जोन्म खै नैईणो ओरो पवित्र आत्मा खै आमु नोवा बाणौ खै कारिये होवां।
6
जेसै तेणै आमारै मोक्षकर्ता यीशु मसीह खै लैई आमु पांदी बोहितै लैई राखा।
7
जिथ लैई आमु तैसका दोया लैई धोर्मे ठोहरैबा होमेशा खा जीवन खै आशा खै अनुसार ओलाद बोणो।
8
ऐजै बातौ साच्चै ओसो,ओरो ओऊ कै तू इनु बातो खै बारै में मोजबूतै नै सै बोलो इथुकारिये कै जिनुऐ पोरमेश्वर पांदी विश्वास किया, सै भोले-भोले कामो दै लागियो खै ध्यान राखौ। ऐजै बातों भोली ओरो आदमै खै लाभ कै ओसो।
9
पोरो मुर्खो खै बैहसो, ओरो पिडियो ओरो, विरोध ओरो, ओरो झोगडै लैई जु व्यवस्था खै बारै में होवं।
10
कोसि पाखंडी खै एक दौ बार समझायो बुझायो तेसया दा जोई रोव।
11
ऐजो जाणैबा कै ऐशणा आदमै भोटकै गोवां ओरो आपणै आपि खै दोषै ठोहरायो पाप कोरदा रोव़।
12
जोबे ओऊ तेसखै धोरै अरतिमास या तुखिकुस खै छाडुं तो मेरे धोरै निकुपुलिस आणी खै कोशिश कोरैया जिथु मोऐ तिथैऐ जाडै काटणौ खा निश्चय ठाणै राए। बोचियो रोवं, जिथु सै बिनाफल ओरो बेकार ओसो।
13
जेनास व्यवस्थापक ओरो अपुल्लोस खै हिमोत कारियो ओगोडियो बेजै दै, ओरो दैख कै तिनु कुजिई चीजौ कै जरुरत नै होणै पाऐ।
14
आमारै लोग भै जरूरतो खै पूरै कोरणौ कारिये आच्छै कामो दै लागियो दै रोणो शिखौ जिथु सै बिना फल़ नै रोवं।
15
मेरे सोबै साथियो खा तोखै नमशकार जु विश्वास कै कारियै आमु आरि प्यार राखौ, तिनखै नमशकार। तुंओ सोबि पांदी अनुग्रह होन्दा रोवं।