¹ इसे कारन आऊ पोलुस जेहडा थआड़े बखरी जातियें अस अते मसीह यीशु दा बंदी ऐं- ² जे तुसैं परमात्मा दे उस्स क्रपा दे प्रबंध दा सनेया सुनया ओए, जेहडा थआड़े अस अते मीकी दिता गया, ³ मतलब ऐ की ओह पेद मेरे उप्पर प्रकाशन दे रहें परकट ओया, जिय्यां आऊ पैलैं गै संखेप च आऊ लिखी चुके दा ऐं, ⁴ जेस कन्ने तुस पढ़ीयै जानी सकदे हो के आऊ मसीह दा पेद कुत्थें तकर समझना ऐ । ⁵ जेहडा बाई बेले च मनुक्खें दी संतानें गी इय्याँ नेई सनाया गया हा, जिय्यां के आत्मा दे रहें हूंन ओहदे पवित्र प्रेरिअतें अते आने अलेवक्अतें उप्पर परकट कित्ता गया ऐ । ⁶ मतलब ए के मसीह यीशु च सनेया दे रहें बखरी जाति दे लोग जैदाद च साझी, अते इक गै जीद दे अते हरज्ञा दे पागी न ।

⁷ आऊ परमात्मा दे उस्स क्रपा दे उस्स दान दे लेखा, जेहडा उस्स दी शक्ति दे प्रभाव दे लेखा मीकी दिता गया, उस्स सनेया दा सेवक बनया । ⁸ मेरे उप्पर जेहडा सारें पवित्र लोकें बिचा नीके थमा भी निकां ऐं, ए क्रपा ओया के आऊ बखरी जातियें गी मसीह दे कठन तन दा सनेया सनां, ⁹ अते सारें उप्पर ए गल्ल प्रकाशित करां के उस्स पेद द दा प्रबंध के ए, जेहडा सबनी दे सृजनहार परमात्मा च पैलें थमा गुप्त हा । ¹⁰ तां जे हूंन कलीसिया दे रहें, परमात्मा दे लाग चाल्ली दा अक्ल उन प्रधान अते आकियें उप्पर जेहडा सुर्ग दी जगहें उप्पर ऐ, परकट कित्ता जा । ¹¹ उस्स सनातन बचार दे लेखा जेहडा उस्स ने साहडे प्रभु मसीह यीशु च किती हे । ¹² जेस च असें गी उस्स उप्पर परोसा करने कन्ने हिम्मत अते परोसे दे कन्ने परमात्मा दे कोल आने दा आक ऐ । ¹³ इसे अस अते आऊ बिनती करना ऐ के जेके क्लेश थआड़े अस अते मीकी ओया करदे न, उंदे कारन हिम्मत नेइ शोड़ो, कीहके उंदे बिच थुआढी महिमा ऐ ।

¹⁴ आऊ इसे कारन उस्स प्यो दे समुक घुटने टेकना ऐं, ¹⁵ केस कन्ने सुर्ग अते तरती उप्पर, अर इक कराने दा नां रखा जांदा ऐ, ¹⁶ के ओह अपनी महिमा दे तन दे ,लेखा तुसें ए दान दीयै के तुस ओहदे आत्मा कन्ने अपने कोल दी इंसानियत च शक्ति पाइयै जोरे आले ओंदे जाओ; ¹⁷ अते परोसा दे रहें मसीह थआड़े दिले च बसै के तुस लाड च जाड पकड़ीयै अते नीव पाइयै, ¹⁸ सारे पवित्र लोकें कन्ने पली भाँती समझने दी शक्ति पाओ के उस्स दी चड़ाई, अते लमाई, अते उंचाई, अते गेराई किन्नी ऐ, ¹⁹ अते मसीह दे उस्स लाड गी जानी सको जेहडा अक्ल थमा परे ऐ के तुस परमात्मा दी सारी परपूरी तकर परोई जाओ ।

²⁰ हूंन जेहडा इसा शक्ति आला ऐ के साहडे बिनती अते समझ थमा कई मता कम्म करी सकदा ऐ, उस्स शक्ति दे लेखा जेहडा साहडे च कम्म करदा ऐ, ²¹ कलीसिया च अते मसीह यीशु च उस्स दी महिमा पीढ़ी थमा पीढ़ी तकर युग -युग ओंदी रवै । आमीन ।