1
1
2
3
1.ದೇವೆನನ್ ಪ್ರಭು ಯೇಸುಕ್ರಿಸ್ತು ಸೇವಕ್ ಯಾಕೊಬ್, ಮಲಕ್ ಸಾರಿ ವಿಕ್ರಾರೇಜಕೋ ಇಸ್ರೇಯೆಲೆರ್ ಬಾರೆ ಗೋತೇವಾಳುನ್ ಲಕ್ಕೆರೋ . ತಮೆನ ಕೊಸಲೆವ್ವದ .
2.ಮಾರ್ ಭಾಯಿಯೇ, ತಮ್ ತರತರರ್ ಬಾವೇಟಿಮಾ ಹಾತಾವೋಜ ನಾ.
3.ತಮಾರ್ ವಿಶ್ವಾಸಮೇರ್ ಪರಿಚೋ ಸಮಾಳೆರ್ ಪೇದಾ ಕರಛಕನ್,
4
5
4.ತಮ್ ಕುನಿಸಮಾಯಿ ಕಮಿತ್ರಚೆನಿಜು ಪುರೋ ಭರಾನ್ ರೇನ ಸಮಾಳೆರ್ ಪೋರೋ ಕಾಮೆನ ಕರೆದ.
5.ತಮೇಮಾ ಕೊಣ್ ತೋಯಿ ಗೇನೇಮಾ ಕಮ್ ರಾತೋ ಸೇನ ಭಾಪುರ್ ದೇವಾಳೋನ ಕೆನಿತೊಯಿ . ಹದ್ದಾರೇನಿಜಕೋ ದೇವೆರ್ ಧಾಂಯಿ ಪುಚೇದ ಜನಾ ಓನ ದಚ್ಹ .
6
7
8
6.ಪಣ್ ಉ ಥೋದಾಸೇಕ್ ತೋಯಿ ಸಂದೇಕ್ ಕರೆನಿಜು ವಿಶ್ವಾಸಮೇತಿ ಪುಚೆದ; ಸಂದೇಕ್ ಕರೇವಾಳೋ ವಾಲೆತಿ ಫುರುಕರಜಕೋ ಸಮುದ್ರ ಮೇರ್ ಹಲೋಳಾರ್ ನ್ಯೆಛ.
7.ಅಸೋ ಮನಕ್ಯ ಉ ದೇವೇತಿ ಕಾಂಯಿತೋಯಿ ಪಾಲಿಯುಕನ್ ಸೋಸ್ ನಕರನು.
8.ಕಸೆನಕತೋ ದಿ ಮನ್ನೆರೋ ಒರ್ ಚಲೇಮಾ ಸೇ ಘಟ ರೇನಿ .
9
10
11
9.ಗರಿಬ್ ಭಾಯಿ ಉ ಉಂಚೋ ವೋಜೇವಾಡಿ ಮೊಟ್ಟಣ್ ಕರೇದ.
10.ಸಾವಕಾರ್ ಭಾಯಿ ಉ ಹೇಟ ವೋಜಿವಾಡಿ ಮೊಟ್ಟಣ್ ಕರೇದ; ಕಸೇನಕತೋ ಉ ಖದೇರ್ ಪುಲರ್ ನ್ಯೆ ಹಾಳ್ ವಚ್ಹ .
11.ದಾದೊ ನಿ ಕಾಲನ್ ತಾವಾಡೋ ಮಾರಜನ್ನಾ ಖಡ್ ವಚ್ಚಾ ; ಹನುಜ್ ಸಾವೋಕಾರಿ ಓರ್ ವಾಟೆಮಾ ಸುಖಾಜಾಯೇ .
12
13
12.ವೇಲಾನ ಖಮೆವಾಳೋ ನಶಿಬ್ ದರ್, ಉ ವೇಲಾಮಾ ಹುಬ್ರೋಜೆತಿ ಪ್ರಭು ಓನ ಪ್ರೇಮ್ ಕರಜೆನ ವಾಗಾದನ್ ದಿನೋಜಕೋ ಜಿವೊಕೆರ್ ಜೀತೆರ್ ಹಾರಿನ ಪಾಲಚ.
13.ವೆಲಾಮ ಪದೆವಾಲ್ ಕೋಯಿ ಮ ದೇವೇತಿ ವೇಲಾ ಪಾರೋ ಚು ಕನ್ ಕೆವನುಕೊನಿ ; ದೇವ್ ಕೆದೆತಿ ಪರಿಚೋವೆವಾಲೋಯಿ ಕೋನಿ ; ಕೆನಿ ಉ ಪರಿಚೋ ಕರೆವಾಲೋಯಿ ಕೋನಿ.
14
15
16
14.ಪಣ್ ಹಯೇಕಿ ಓರ್ ಓ ರ್ ಖಾಸ್ ಹಾತೆತಿ ಖಿಚಾನ್ , ಹಲಜಾನ್ ವೇಲಾಮಾ ಪದಚ.
15.ಜಾನಾ ಮಾಮ್ದೊಹಾಯಿ ಪೆತೆತಿವೇನ್ ಪಾಪೇನ ಜನಚ; ಉಪಪ್ ಒರೋ ವದ್ದಜನಾ ಮಾತಿನ ಪೆದಾಕರಚ.
16.ಮಾರ್ ಪ್ರೆಮೆರ್ ಭಾಯಿ ಯೇ , ಡಾಕಾವೋಮತ್,
17
18
17.ಹಯೆಕ್ ಶೆಸ್ತ್ತ ಇನಾಮನ್ ಹಹಯೇರ್ಕ್ ಪೂ ರೋವರಂ ಸ್ವಗೇಮಾ ಪೆದಾವೀನ್ ಜೋಎತೆರ್ ಬಾಪೆರ್ ದಾಮ್ಯಿತಿ ಅವಚ ಓರ್ ದಾಂಯಿ ಕುನಿ ಬದವನಿನ್ ಕನಿರ್ ತೇದಾ
ರ್ ಚೆಮ್ದಿಚೆನಿ.
18.ಉಜ್ ಉ ಬಣಾಯೆಜಕೋ ಸೃಸ್ತಿಮಾ ಅಪನ್ ಅಗದಿಯಾರ್ ಘಳ್ವೇನಾ ಅಪ್ನೆನ ಸತೆರ್ ವಾತೆತಿ ಒರ ಖಾತ್ರೆರ್ ನ್ಯೆ ಪೆದಾಕಿದೋಚ.
19
20
21
19.ಜೆಟಿ ಮಾರ್ ಪ್ರೆಮೆರ್ ಭಾಯಿಯೇಹಯರ್ಕ್ ಮನಕ್ಯಯಿ ಸಮಾಲ್ಲೇನ ವತ್ರವಲ್ ಕರನು;ವಾತೆಕರೆನ ದಿರೇತಿ ರೇವನು ; ರಿಸ್ ಕಾರಣ ಸಿಲೋ ವೆರೆನು .
20.ಮನಕ್ಯರ್ ರಿಸ್ ದೇವೆರ್ ಖಾತರೆರ್ ನಿಯತೆನ ಪುರೋಕರಣಿ.
21.ಜೇಟಿ ತಮ್ ಸೋಲಿ ದೊಷೆಣನ್ ಕೆದೆರ್ ಗೊನೆನ ಚೆಟಿಕರೆನ್ ತಮಾರ್ ದಲೆಮಾ ಗದಾನ್ ತಮಾರ್ ಅತ್ಹ್ಮನ ರಕ್ಷಣ್ ಕರೇನ ಜೋರ್ ಕರಾಜ ಕೋ ದೇವೇರ ವಾತೆನ
ಶಾಂತಿತಿ ಮಾನೋಮ .
22
23
24
25
22.ಉಜ್ಜಿ ತಮೇನ ತಮ್ ಡಾಕಾ ದೆಲೆನಿಜು ; ದೇವೆರ್ ವಾತೆನ ಸಾಮಳಜೆರ್ ನ್ಯೆಜ್ ಕೊನಿಪನ್ ಓರ್ ನ್ಯೆ ಚಲೇವಾಳ್ ವೆಜಾವೂ.
23.ಕೊಯಿತೊಯಿ ದೇವರ್ ವಾತೆನ ಸಾಮಳನ್ ಓರ್ ನ್ಯೆ ಚಾಲೇನಿತೋ ಕಾಚೇಮಾ ಓರ್ ಖಾಸ ಊಊಡೇಣಾ ದೆಕಜಕೋಮನಕ್ಯರ್ ನ್ಯೆ ಛ.
24.ಓನ ಉ ದೆಕ್ಲ್ಮೆನ್ ವತೆತಿ ನಿಕಳನ್ ಜಾಯೆರ್ ಸಾತ್ ಓರೋ ರೂಪ್ ಕಸೇಕೋ ಚಕಜೇಕ ಜನ್ನಾಜ್ ಉ ಭೂಲ್ ಜಾವಚ.
25.ಪಣ್ ಸ್ವಾತಂತ್ರೆರ್ ಕಾರಾರ್ ಪುರೋ ಕರೆನ ನರಕನ್ ಡೆಕನ್, ಓಮಾ ಘಾಟ್ ರೆವಾಲೋಜೆನ ಭುಲೆನಿಜು ಓರ್ ವಡಿರ್ ಕಾಮಿನ ಕರಜೆರ್ ನ್ಯೆ ಓರ್ ರಚಾಲೆಮಾ ನಶಿಬ್ದರ್
ವಿನಾ ರಚ್ಹ .
26
27
26.ತಮೆಮ ಕೋಯಿತೋಯಿ ಒರ ಜಿಬೇನಕಡಿ ಘಳೆನಿಜು ಓರ್ ದಲೆನ ಡೋಕೋದೇಲೇನ್ ಒಣ ಭಕ್ತಿದರ್ ಕನ್ ಕೆಲತೋ ಓರ್ ಬಕ್ತಿ ತಾಲೋಚ.
27.ಬನಾದಿಕ್ಕೆರ್ ಬೆಪ್ಪನ್ ರಂದ್ ಬಿರೇ ಪಾರೆಜಕೋ ಬಾವೇಟಿಮಾ ಉಂದೇನ ಸಾಯಿವೆಂ ಥರತಿತಿ ಮೆಲಿನಿಜು ಓನ ಜತನ್ ಲಲೆರಾಜ್ ಬಾಪ್ , ದೇವೆರ್ ಅಂಗ ಬನಾದೊಷೆರ್ ಪವಿತ್ರ್ ಬಕ್ತಿ ಛ.