8 ^{1 2} 1.ಹಮ್ ಅಬ್ಬ್ ಕೆರೆಕೊಖಬರೆಮಾ ಸಾಸ್ ವಾಟ್ ಕಾಂಯಿಕತೋ ಪರಮೆಮ ಮಹಿಮಾರ್ ದೇವೇರ್ ಸಿಮ್ಹಾಸನೆರ್ ಜಮನ್ವಡಿ ಬೇತೋಜಕೊ ಮೋಟೋ ಯಾಜಕ್ ಅಪನೆನ ಛ. 2. ಈಪವಿತರ್ ಜಾಗೆಮ ಕತೋ ಮನಕ್ಯಾ ನಘಲಜು ದೇವಾಜ್ ಫಾಲೋಜಕೋ ಸಾಸೋ ದೇವೇರ್ ಸಸರ್ನೆರ್ ದೆರಾಮ ಯಾಜಕೆರ್ ಕಾಂ ಕರೆವಆಲೋ ಛ. ^{3 4 5} 3.ಹಯರ್ಕ್ ಮೋಟೋ ಯಾಜಕ್ ಭೆತೇನನ್, ಬ್ಹೊಕ್ನೆನ್ ಸಮಪರ್ನ್ ಕರೆವಆಲೋ ಛ. 4.ಈವಜ್ಜಿ ಧರತಿಪರ ವೆಟ್ಟೋಮನತೋ ಯಾಜಕವೇನ್ ರೇತೋಕೋನಿ ಕಸ್ಸೆನ್ ಕತೋಧರ್ಮ ನಿಯಾಮೆರ್ ಪ್ರಕಾರ್ ಭೆತೇನ ಸಮರ್ಪ್ರ್ನ್ ಕರೆವಾಳ್ ರಾಜ್ ರೇತೆ. 5.ಓ ಪರಮೆಮ ಛಜಕೊ ದೇವಾಲೆರ ಸರುಪನ್, ಚಂದಿವೆನ್ ಛಜಕೊ ದೇವಾಲೆಮ ಯಾಜಕರ್ ಕಾಮೇನ ಕರೆವಾಲ್ ಮೊಷ್ ದೇವೇರ್ ದರ್ಶನೇರ್ ದೇರಾನ ಕರಾಯೋಜನಾ ಗತ್ತಾಮ ಮ ತಮೆನ ದಕಾಳು ಜೇರ್ನ್ಯೇ ಸೇನ್ ಕರಾನುಕೇನ್ ದೇವೇರ್ ವಚನ್ ಉನೆನ ಆಯಿ ಕೊನಿಕ. ^{6 7} 6.ಪಣ್ ಯೇಸು ಓತಿನಿ ಶ್ರೆಸ್ತ್ಮ್ ಯಾಜಕೇರ್ ಕಾಮೇನ ಪಾಮಲೋಚ; ಅಚ್ ವಾಗ್ದ್ನೆಪರ್ ಭಾಮ್ಧಾ ನ್ ಛಕೊ ಘನೋ ಅಚೋ ಕರಾರೇರೇನ ವಚೆಲಾ ವೇಗೊ. 7.ಉ ಅಗಾಡಿಯಾರ್ ಕರಾರ್ ದೋಷ ಛೇನಿಜಕೊ ರಿವತೊ ಡಿಮೊ ಕಾರಾರೆನ ಜಾಗ ರೇತಿಕೊನಿ. ^{8 9} 8.ಪಣ್ ದೇವ್ ಉಕರಾರೇನ ಭಲೆಜೆಪರ್ ದೋಶ್ಧಾಲನ ಹನುಕೂ ಎದೇ, ಮ ಎಸ್ರಾಯೇಳ್ ವಲಾದೆವಾಳುತಿನ್,ಯೇಹೂದ ವಲಾದೆವಾಳುಕನ್ ನವೋ ಚಾಕೊ ಏಕ್ ಕರಾರೇನ ಕರೆರ ದಾಡ್ ಅವಚ ಕನ್ ಪ್ರಭು ಕೆರೊಚ. 9.ಈ ಕರಾರ್ ಮ ಇನೇರ ವಡಬೂದೇವುರ ಹಾತ್ ಪಕ್ ಡನ್ ಎಗುಪ್ತು ದೇಶೆಮಾಕೊ ಕರಾರ್ ಅಸ್ಸೋಕೋನಿ; ಓ ಮಾರ್ ಕರಾರೇಮ ಘಟ್ಟೋ ಥಮೆಕೊನಿ ಜೇತಿ ಮ ಉನೇರ ಸೋಸೇನ್ ಚೊದಿನೋ ಕಣ್ ಪ್ರಭು ಕೆರೊಚ್. ¹⁰ 10.ಓ ದಾಡ್ ಆವಜೇರ್ ಪಚ್ಚ ಮ ಇಸ್ರಾಯೇಲ್ ವಲಾದೆಯಾಳುತಿ ಕೆಮರೋ ಕರಾರ್ ಹನುರಿಯೇ ಮಾರ್ ಅಜ್ನ್ಯಾವುನ ಉನ್ನೆರ ಮನೇಮ ಫಾಲಚು . ಓಮನ ಜನ್ ವೇನ ರಚ್. ^{11 12} 11. ಎಕ್ಕಜ್ ಗಾಮೆವಾಳ್ ಭಾಯಿ ಭಿಯಾವೋ ಎಕ್ಕೆನ್ ಎಕ್ ಪ್ರಭುರ ಗೇನೆನ ಪಾಲೋ ಕನ್ ಭೋಧಾಕರೆರೊ ಚಾಯೇನಿ; ನಾನಕ್ಯಾತಿರೇನ್ ಮೊಟೆತಾಣು ಸೇ ಮಾರ್ ಗೇನೆನ ಪಾಮಳಚ. 12.ಮ ಉನೇ ಮಾಂದೊ ಕಾಮೆರ್ ಬಾರೆಮ ಮಾರ್ ಹಾರದೆನ ಕಣ್ಣಾಯಿ ಲಾವುನಿ ಕನ್ ಪ್ರಭು ಕರೆವಾಳೋವೇನ್ ಛೂ, ಉನೇರ ಪಾಪೆವುನ ಮಾರ್ ಹಾರದೆನ ಕಣ್ಣಾಯಿ ಲಾವುನಿ ಕನ್ ಪ್ರಭು ಕೆರೋಚ. ¹³ 13.ಅತ್ತ ನವೋ ಕರೊರ್ ಕೇನ್ ಕೆನ್ ಕೇನ್ ಕೆಜೇರ್ ಪಚ್ಚ ಅಗಡಿಯ ವೆಟ್ಟೋಜೇನ ಜೂನೋ ಕರ್ನ್ನಾಕೋ ಪಣ್ ಜೂನೋವೇತ್ತೋ ಡಾವೋವಜೇನ ಅಕಾರಿ ಡಾಂಯಿವೆಗಿಚ.