7
1
2
3
1.ಈ ಮಲ್ಕಿಜೆದೆಕ್ ಸಾಲೆಮೇರ್ ರಾಜನ್ ಮೋತೋ ದೇವೇರೋ ಯಾಜಕ್ ವತೋ ; ರಾಜೆವುನ ಮಾರದೆನ್ ಹೋತೋ ಆರೋತೊಕೋ ಅಬ್ರ್ಹಾಮೆನ ಸಮನಕ್ ಜಾನ್ ಒಣ ಅಸ್ನಿಸ್ ಕೀದೋ.
2.ಓನ ಅಬ್ರಹಾಮ ಉ ಜಿತನ್ ಲಾಯೋಜಕೋ ಸೇ ಚಿಜೆಚುಮಾ ದಸ್ತೆಮಾ ಏಕ್ ಹಂಸೋ ದಿನೊ. ಓರ್ ನಾಮೇರ ಅರ್ದ್ಹ್ ನಿಯತೆಧಾನೆರ್ ರಾಜ್ ; ಓನ ಯಾದಿಕೋ; ಬಾಪೋಕ್ , ವಲಾದೆರ್ ನಾತೋಕೋ ಛೆನಿ.
3.ಜಲ್ಮರೋ ಅಗದಿಯಾನ್ ಜಿವನೆರೋ ಅಕಾರಿ ಛೆನಿ . ಉ ದೇವೆರ್ ಬೆತಾನ ಬರೋಬ್ಬರ್ ಅನ್ ಹಮೇಶಾ ಯಾಜಕ್ ವೇನ್ ಛ.
4
5
6
4.ಈ ಮನಕ್ಯಾ ಕತ್ರಾ ಮೋಟೋ ಕಣ್ ಸಾಸ್ ಕರೋ. ಅಪ್ನೆರ್ ವಲಾದೆರೋ ಅಬ್ರಹಾಮ ಉಅ ಲಾಯೋ ಜಕೋ ಘನ್ ಅಚ್ ಚಿಜೆಮ ದಸ್ಸೇಮಾ ಏಕ್ ಹಂಸೋ ಓನ ದಿನೋಕೊನಿಕ.
5.ಲೇವೀರ್ ಗೊತೆಮ ಯಾಜಕವೆವಾಲೋ ಜನೆತಿ ಕತೋ ಅಬ್ರ್ಹಾಮೆರ ವಲಾದೆವಾಳ್ ಉನೆರ್ ಭಾಯಿವು ತಿಜ್ ದಶಮ ಬಾಗ್ ಲನ್ ಧಮರ್ ಶಾಸ್ತ್ರೆಮ ಅಜ್ನ್ಯಾಛ.
6.ಪಾನ್ ಉನೇರ ವಲಾದೆಮಾ ಭಲೇನಿಕೋ ಮಲ್ಕಿಜೆದೆಕ್ ಅಬ್ರಹಾಮೆತಿಜ್ ದಶಮ ಭಾಗೇನ ಲಿದೊಜಕೊಜ್ ಕೋಣಿ ದೇವೇತಿ ವಾಗ್ದ್ನ್ ಲಿದೊಜಕೋ ಓನಜ್ ಅಸಿಸ್ ದಿನೋ.
7
8
9
10
7.ಅಸಿಸ್ ಪಾವಜೆತಿ ಅಸಿಸ್ ದೇವಾಲೋ ಮೋಟೋ ಕಣ್ ಕೆರೋ ಲಡಾಯಿ ಛೆ =ನಿಕೋ ವಾಟ್ ಅತ್ರಾಜ್.
8.ಉಜ್ಜಿ ಲೆವಿಯುರ್ ಚಾಲ್ ದೆಕತೋ ಮರೆವಾಲೋ ಮನಕ್ಯಾ ದಶಾಂ ಭಾಗೆನ ಲೇವಾಚ್ . ಪಾನ್ ಮಲ್ಕಿಜೆದೇಕೇರ್ ಚಾಲ್ ದೆಕತೋ ಬ್ಮ್ಚ್ರೋಚ್ ಕೇನ್ ಸಾಕ್ಯಾಲೆಮಳೋಕೋ ಮನಕ್ಯಾ ಧಶಂ ಭಾಗೇನ ಲೆವ್ಚ್ .
9.ಅತ್ರಾಜ್ ಕೋಣಿ ದಶಾಂ ಭಾಗೇನ ಲೇವಾಲ್ ಲೆವಿಯು ಸದಾ ಅಭ್ರಾಮೆರ್ ವದಿತಿ ದಶಾಂ ಭಾಗೇನ ದಿನೆಜು ವೇಗಿ ಕಣ್ ಕೆವಾಸ್ ;
10.ಕಿಮ್ ಕತೋ ಮಲ್ಕಿಜೆದೆಕ್ ಲೆವಿರ್ ವದಿಬುಉದೆನ್ ಸಮನುಕ್ ಗೊಜನಾ ಲೇವಿ ಸದಾ ಅಬ್ರಾಹಾಮೆರ ವಲಾದೆಮ ಅಬ್ರಾಹಾಮೆರ್ ಸರುಪ್ ವೇನ್ ರ.
11
12
11.ಇಸ್ರೆಲೆನ್ ವೆತ್ತೋಜಕೋ ಧಮರ್ಶಾಸ್ತಸ್ ಲೇವಿ ರ ಯಾಜಕ್ ಕರೆಪರಾಜ್ ಅಧಾರ ವೆಂ ಛ ಅತ್ರಾಜ್. ಉ ಯಾಜಕೆರ್ ಕಾಮೇತಿ ಸೇ ಪೂರೋವೋವಾತೋ ಆರೋನೆ ಸರಿಕೋ ನರುಜು ಮಲಿಕಿಜೆದೆಕೆರ್ ಸರಿಕೋ ದುಸರೋ ಯಾಜಕ ಆಯೇರೋ ಜರೂರ್ ಕಾಂಯಿ ವೆಕ್ತಿ?
12.ಯಾಜಕ್ರೆ ಕಾಂ ದುಸರೊ ವತ್ತೋ ಧರ್ಮಶಾಸ್ರ್ತ ಸದಾ ದುಸಾರೋ ವೇರ್ ಜರೂರ್ ಛ.
13
14
13.ಉಪ್ಪರೆರ್ ವಾಟ್ ಕುನ್ಸಿರ್ ಬಾರೇಮ ಕೇನ್ ಚಕೋ ಉ ದುಸರ್ ಪಾದಾಮ ಹುಯೋಜಕೋ ಓ ಪಾದಾಮ ಏಕ್ ತಾಯಿ ಚೊಕನೆರ್ ಪಿತಾರ್ ಡಾಂಯಿ ಸೇವಾಕಿದೊಕೊನಿ.
14.ಅಪನೇರ್ ಪ್ರಭು ಯುಉದಾ ಗೊತೆಮ ಹುಯೋಕನ್ ಸೇನ್ ಪೆಲಾನ್ ಚಾಕೊ ವಾಟ್ . ಈ ಗೋತೇರ್ ಬಾರೆಮ ಮೋಶೆಯಾಜಕೇರ್ ಸಂಭಂಡ ಏಕ್ ವಾತೆತೊಯಿ ಕೀದೊಕೊನಿ.
15
16
17
15.ವಜ್ಜಿ ದುಸ್ಸರೋ ಯಾಜಕ ಜಿವದಿರ್ ವಾಡಿ ನಿಯಮೆರೋ ಪ್ರಕಾರ್ ಕೊನಿ ಪಣ್ .
16.ಮಲ್ಕಿಜೆದೆಕೆರ್ ಸರುಪೆಮಾ ನಾಸ್ ವೆನಿಜಕೋ ಜಿವಣೆರೊ ಜೋರೇವಆಲೋ ವೇನ್ ಆಯೇರೋ ವೆಕ್ತಿ ಜೇರ್ ವಾಸ್ ತ್ಮಾರ್ ವಾಟ್ ವಜ್ಜಿ ಘನ್ ಸ್ವಸ್ವೆಗಿ .
17.ಓರ್ ಬಾರೇಮ ತು ಹಮೆಶಾ ಮಲ್ಕಿಜೆದೆಕೆರ್ ನ್ಯೆ ಯಾಜಕ್ ಕಣ್ ಕೆಮೆಚಕೊನಿಕ.
18
19
18.ಧರ್ಮಶಾಸ್ತ್ರ ಕುನ್ಸಿನಿ ಪುರೋಕೀದೋಕೋಣಿ ಜೇ ರ್ ವಾಸ್ ಅಗದಿಯಾರ್ ನಿಯಮ್ ಕಮ್ ಜೋರರನ್ , ಕಾಂಯಿ ಪ್ಹಾಯೋಡಿ ಛೆನಿಜು ರೇನ್ ಥಮ್ ಗೋ.
19.ಓರ್ ಜಾಗೆಪರ್ ಅಚ್ಹೊಚಜಕೋ ಏಕ್ ಭಾರೋಸಾರ್ ಅಧಾರ್ ಪೇಲೋಥಿಆಯೋ . ಈ ಭಾರೋಸಾರೋ ಅಧಾರ ಅಪನೇನ ದೇವೇರ್ ಘರೆನ ಭೆಲಜಕೋ.
20
21
20.ವಜ್ಜಿ ಲೆವಿಯೋ ಸೋಕನ್ ಛೆನಿಜು ಯಾಜಕ್ ವೆಗೆ; ಯೇಸುತೋಯಿ ಸೋಕನೆರ್ ವದಿತಿ ಯಾಜಕ್ ವೇಗೋ.
21.ದೇವ್ ಓನ ತು ಹಮೇಶಾ ಯಾಜಕ್ ಛೀ ಕನ್ ಪ್ರಭು ಚುಕೊ ಮ ಸೊಕನ್ ಖಾನ್ ಕೆಮೊಚು; ಬಾದಲ್ ಕರುಉನಿಕನ್ ಕೆಮೋಚ ಕೊನಿಕ.
22
23
24
22.ಯೇಸು ಸೋಕನಿರ್ ವಡತಿ ಯಾಜಕ್ ಮೊಜೆತಿ ಕತ್ರಾಯಿ ಕೋ ಶ್ರೆಸ್ತ್ಮ್ ಕರಾರೆನ ಜಾಮಿನ್ ವೇಗೋ.
23.ಲೆವಿಯೋ ಶಾಸ್ವಿತ ಯಾಜಕ್ವೇನ್ ಬನಿಕೊನಿ; ಕಸ್ಸೇನ ಕತೋ ಉನೆಮ ಘನ್ ಮಾತೆನ ಪಾಲ್ದಿಜೆತಿ ಉನೆಮ ಯಾಜಕೆಕೆವೊ ಸದಾ ಘಣ್ ವೆ.
24.ಉತೊಯಿ ಹಮೆಶಾ ಛಜೇತಿ ಓರ್ ಯಾಜಕೇರ್ ಕಾಂ ವಜ್ಜಿಕೇನ್ ಜಾಯೆರೋಕೋನಿ.
25
26
25.ಜೇತಿ ಉ ಓರ್ ವದಿತಿ ದೇವೇರ್ ದಾಂಯಿ ಆಯ ವಾಲುನ ಸೇನ್ ಔರೋ ರಕ್ಷಣಾ ದೇನ್ ಓರ್ ಬುತಾ ವಚ್ಚ . ಉನ್ನೇರ್ ವಾಸ್ ವಿಂತಿಕ್ ರೇನ ಹಮೆಶಾ ಬಂಚೆವಾಳೋ ಛ.
26.ಅಸ್ಸೋ ಮೋಟೋ ಯಾಜಕಾಜ್ ಅಪನೇನ ಚಾವಚ. ಈ ಪವಿತ್ರನ್, ಬಣಾ ದೋಶಿರೊನ್ ಕುಂಸಿ ಖೇಡ್ ಛೆನಿಜಕೊನ್, ಪಾಪಿಯುಮಾ ಭಲೆನಿಜು ಛೆತಿರೇವಆಲೋನ್ ಅಸ್ಮಾನೆತಿ ಉಂಚೋ ವೇನ್ ಛ.
27
28
27.ಅಗಡಿಯ ಖಾಸ್ ಓನೆರ್ ಪಾಪ್ ಫೈತೇನನ್ ಪಚ್ಚ ಮನಕ್ಯಾವುರ್ ನ್ಯೆ ಈ ಹ್ಯೇರ್ಕ್ ದಾಡ್ ಭೋಕನ್ ದೇರ್ ಜರೂರ್ ಛೆನಿ. ಈ ಓನಜ್ ಸಮಪರ್ನ್ ಕರಂ ಎಕ್ಕಾಜ್ ಹಪ್ತಾ ಉಕಾಮೆನ ಔರೋ ಕೀದೋ.
28.ಧರ್ಮಶಾಸ್ತ್ಯತ್ರ ಕಮ್ ಜೋರೇರ್ ಮನಕ್ಯಾವುನ ಮೊತ್ ಯಾಜಕ್ ಕೇನ್ ನಿಯ್ಮ್ಕರಚ. ಪಣ್ ಧರ್ಮಶಾಸ್ತ್ರೆರ್ ಪಚ್ಚ ಸೋಕನೆತಿ ಆಯಿಜಕೋ ವಾಟ್ ಹಯೇರ್ಕ್ ದಾಡೆಮಾಂಯಿ ಸೇಮಾ ಪುರೋವೇನ್ ಛಕೋ ಬೇತಾನಜ್ ನಿಯಮ ಕರಾಚ.