^{1 2} ೧ ಭಾಯಿಯೋ , ಹಮ್ ಗಚ್ಚಗಚ್ಚಬ್ ತಮಾರ್ ಕನ್ ಆಯೇಕೋನಿಕನ್ ತಮೇನ್ ಮಾಲಂಛಜುಜ್, ೨ ಹಮ್ ಫಿಲಿಪ್ಪಿ ಶೇರೇಮಾ ಭಾವೇಟಿನ್ ಇಜ್ಜತನ್ ಆಂಗ್ ಚಾಲಿತೋಯಿ ಹಮ್ ಹಮಾರ್ ದೇವೆರ್ವಾಡಿತಿನ್ ಜೋರೆವಳ್ವೆನ್ ಘನೊ ವಿರೋದೇನ್ ಖಮ್ಲೆವಾಳವೇನ ತಮೆ ದೇವೆರ್ ಆಚ್ಖಬರೆನ್ ಮಾಲಂಕರ್ಲಿದೇಕೆನ್ ತಮೆನಜ್ ಮಾಲಂ. ^{3 4} ೩. ಕಸೇನ್ ಕತೋ ಹಮಾರ್ ಭೋದಾ ಲಬಾರಿ ಕೋನಿ, ಅಶುದ್ದಕೋನಿ, ಕಪಟ್ ಕೋನಿ, ದೇವ. ೪. ಹಮೇನ್ ಮಾನೇವಾಳ್ ಕೆನ್ ಆಚ್ಖಬರೇನ್ ಹಮಾನ್ ಹವಾಲ್ ಕೊದೊಕೊನಿಕ, ^{5 6} ೫. ಕನ್ ಸೋಸ್ ಕರನ್ ಮನ್ ಕ್ಯಾವುನ್ ಖುಷಿಕರೇನ್ ದಲ್ಲೇವುನ್ ಪರಿಚೋಕರೇವಾಳೋ ದೇವೆನಜ್ ಖುಷಿಕರಾಣು ಕೇನ್ ವಾತೇಕರಾಚ್. ೬. ತಮೆನ ಮಾಲಂಛಜು ಹಮ್ ಕನ್ನಾಯಿ ಆಸಾದಕಾಳೆರ್ ವಾತೇನ್ ಕೋ, ಧನ್ನೇರ್ ಆಸಾವಾಳೇರ್ ನೈ ಮಸಾಯಿ ಕಿದೊಕೋನಿ ಏನ್ ದೇವೆಜ್ ಸಾಕ್ಯಾ. ^{7 8 9} ೭. ವಜ್ಜಿ ಅಪನ್ ಕ್ರಿಸ್ತುರ್ ಅಪೋಸ್ತಲ್ ಛಾಜೇತಿ ಹಮೇನ ಮಾನ್ ದೇಣುಕೆನ್ ಕೇರವಾಸ್ ಪಣ್ ಮಾನಕ್ಯಾತಿ ಅವಜಕೋ ಮಾನೇನ ತಮಾತಿರೇದ ದುಸರತಿರೇದ್ ಲೇಲೆನ್ ಆಸಾಕರೆವಾಳ್ ಕೊನಿ. ೮. ಯಾಡಿ ಓರ್ ಬೆಪ್ಪಾವುನ್ ಪಾಳಚ ಕನುಜ್ ಹಮ್ ತಮಾರ ವಚ್ಚ ಪ್ರೇಮೇತಿ ಚಾಲ್ಲಿದೇ. ೯. ತಮ್ ಹಮೇನ್ ಘನೊಪ್ರೇಮೆರ್ ಛೂಜೆತಿ ಹಮ್ ತಮೇಮಾ ಪ್ರೇಮೆತಿರೇನ್ ದೇವೇರ್ ಆಚ್ ಖಬರೇನ್ ಕೆನ್ ಅತ್ರಾಜ್ ಕೋನಿ ತಮಾರ್ವಾಸ್ ಜಾನೇನ್ ದೇನ್ ಸದಾ ಖುಷಿ ಪಾಯೇವಾಲ್ವೆ. ^{10 11 12} ೧೦. ಭಾಯಿಯೋ ಹಮ್ ತಮೇಮಾ ಕೇರ್ ಉಪರಿ ಭಾರಿಘಾಲ್ ನುಕೊನಿ ಕೆನ್ ರಾತನ್ ದಿಂಯೇ ಕಾಮ್ ಕರನ್ ಜೀವನೊ ಕರ್ತೆ ದೇವೆರ್ ಆಚ್ ಖಬರೇನ್ ತಮೆನ ಪ್ರಚಾರ ಕೀದೆ; ಉ ಹಮಾರ್ ಭಾವೆಟಿ ವೆಲಾ ತಮಾರ್ ಹರ್ದೆಮಾ ಛ ಅತ್ರಾಜ್. ೧೧. ವಿಶ್ವಾಸ್ ಕರೇವಾಳ್ ತಮಾರ್ ಖಬರೇ ಮಾ ಹಮ್ ಕತ್ರಾಯಿಕೋ ಶುದ್ದವೇನನ್, ನಿಯತೇರ್ ವೆನನ್, ಬನಾದೋಶಿರ್ ವೆನ ಚಾಲ್ಲಿದೇ ಕಜೇನ ತಮಜ್ ಗವಾಯಿ. ದೇವ್ ಸದಾ ಗವಾಯಿ ಛ. ೧೨. ಬಾಪ್ ಓರ್ ಬೆಪ್ಪಾನ್ ಕಿಮ್ ಕೋ ಹನೂಜ್ ಹಮ್ ತಮೇಮಾ ಹರ್ಯೇಕೆನಿ ಅಕ್ಕಲ್ ಕೇತೆ, ¹³ ೧೩. ಹಿಮ್ಮತ್ ದೇತೆ ಓರ್ ರಾಜ್ಯ ಮಹಿಮಾಮಾ ಹಾಂಸೋ ದಾರ್ ವೇವಾಸ್ ಬಲಯೋಕೋ ದೆವೇನ್ ಛಾಜಜು ತಮ್ ಚಾಲನುಕೇನ್ ಸಾಸಿಜ್ ಕೇತೆರಾ ಕನ್ ತಮೇನ್ ಮಾಲಂಚ. ^{14 15 16} 14.ಹನುರೇತು ತಮ್ ದೇವೇರ್ ವತೆವುನ್ ಹಮಾತಿ ಸಮಳೆಜನಾ ಓನ್ ಮನಕ್ಯಾರ್ ವಾತೆ ಕನ್ ನಕೆಲಜು ದೇವರ ವಾತೆಕೇಲೇನ್ ಮಾಲಂಕರ್ಲಿದೇಜೇರ್ವಾಸ್ ಹಮ್ಸದಾ ಚೋಡನಜು ದೇವೆನ್ ಕೃತಜ್ಞಾತಾಸ್ತುತಿ ಕರಾಚಾ. ಉ ಸಾಸಿಜ್ ದೇವೆರ್ ವಾತಜ್; ಉ ನಮ್ಮೆವಾಳ್ ತಮಾರ್ ಮಾಯಿ ಜೋರೇತಿ ಕಾಮ್ ಕರಚ. ೧೫ ಹಾವ್, ಭಾಯಿಯೋ, ತಮ್ ಯೂದಾಯಾಮಾ ಕ್ರಿಸ್ತು ಯೇಸುರ್ ಮಾಯಿ ಛಜೆ ದೇವೆರ್ ಸಬಾವುನ್ ಚಾಲೇವಾಳ್ ವೇಗೇ ಓ ಯೆಹುದಾವಾಳೆತಿ ಹಮ್ ಕಿಮ್ ಭಾವೆಟಿ ಪಡೆಕೊ ತಮ್ ತಮಾರ್ ಖಾಸ್ ಮಲ್ಕೆವಾಳೆತಿ ಭಾವೇಟಿ ಪಡೆ. ೧೬. ಓ ಯೂದಲ್ ಪ್ರಭು ಯೇಸುನನ್ ಭಕ್ತಿ ಧಾರೇವೂನ್ ಮಾರ್ನಕೆ, ಹಮೇನ್ ದಬಾದಿನೇ; ಓ ದೇವೆನ್ ಖಾತರ್ ಛೆನಿಜಕೋ ಸೇ ಮನ್ಕ್ಯಾವೂನ್ ವಿರೋದಿವೇನ್ ರ. ^{17 18 19 20} ಪರಲ್ ಜನ್ ರಕ್ಷನ್ ಪಾಯೇನ ಆಚ್ ಕಭರೇನ್ ಕೇವಾಳ್ ಹಮೆನ್ ಆಡೊಆರೇಚ; ಹನೂಓನೆರ್ ಪಾಪೇರ್ ಕಾಮೇನ್ ಸೇ ವಗತೆಮಾಯಿ ಭರೂಉಪ್ ರೊಕರೇನ್ ಜಾವಚ, ಜೆತಿ ದೇವೆರ ರೀಸ್ ಉನೆರ್ ಉಪೆರ್ ಬರುಉಪ್ರೋವೇನ್ ಆಯಿ. ೧೮. ಭಾಯಿಯೋ; ಹಮ್ ಜಿವಡಾಮಾ ತಮೆನ್ ಥೋಡಾದಾಡ ದೂರ್ ವೆಗೆತೊಯಿ ರೇನ್ ತಮಾರ್ ಮುಂದೊ ದೇಕೆನ್ ಘನೊ ಆಸಾತಿ ಜಾದಾ ಹಿಮ್ಮತ್ ಕಿದೆ. ೧೯. ಕಸೇನ್ ಕತೋತಮಾರ್ ದಾಂಯಿ ಆಯೇನ ಹಮೇನ ಧಲ್ಲರ. ಕಿಮ್ ಪೌಲಕಜಕೋಮ ಏಕ್ ದೀ ಹಪ್ತಾ ಆಯೇಸಾರು ವೆತ್ತೋ ಅತ್ತೋ ಸೈತಾನ್ ಹಮನ್ ಥಮಾಡೋ. ೨೦. ಹಮಾರ್ ಪ್ರಭು ಯೇಸು ಆವಜನಾ ಒರ್ ಮುಂಡಾಗ್ ಬರೋಸಾನ್ ಹಮಾರ್ ಖುಷಿನ್ ಹಮಾರ್ ಮೊಟ್ಟಣಾ ರ್ ಜೀತೇರ್ ಹಾರ್ ಕುಣ್ ? ತಮಜ್ ಕೋನಿ ಕಾಂಯಿ.