² Pœ te tɔn pɛhutɛn sɔn ye wɛ po pɛn ŋɔn tɔ pœ mɔ nɔnɔn hɛ, ³ n'ka,ƒariziɛn muni yuƒunɔn ke pɛn n'ŋɔn ni po ke pœ mɔhɔ tãhã vu;ã ju pœ nɔn di na pɛn pɛhi duk nɛ. ⁴ Pœ na jek nɔn le n'po,Pœ ke pɛn n'ŋɔn ni po ke po wiyi.Ti di sɔn lele na pɛn po lɛ ã ju n'fu vunã,n'bi vunã,muni nɛkɛdaka n'via vunã. ⁶ Yeezu po chia kɛn:ƒɔ ninɔn tɔn,Ezayi wo i tɛhi ju;i pɛn n'tɛyi ju i viã le ni kœ kœ pɛn tek i nɛ le. ⁷ Pœ pɛn n'nihi n'nã ni pɛn nɛpi sariya kãkã. ⁸ I pɛn Tepa sariya je ni pɛn n'sɛhi nɔn ti diya sɔn. ⁹ A tã pœ chiya: I pɛn Tepa vlɛn je ni pɛn n'sɛhi nɔn vlɛ diŋɔn. ¹⁰ Mohizi na ju kɛn:Nã,a su muni a nu lɛ;n'tɛn na te su muni te nu dãkã,a wo nɔn tɛn kunã hɛ. ¹¹ N'ka,ŋɔnhɔn pɛn i wɔ chiya ken;n'tɛnɛ na te nu muni te su chiya;mu n'fã n'jamã,n'ka a jamã kuha ni korban hɛ,ke kuhɔr wo Tepa tɛhi. ¹² I ke pɛn a je a ni ti duk pɛyi te nu muni te su lɛ. ¹³ I pɛn Tepa vlɛ ŋar i tidi nɔn hɛ n'buhɔ.I pɛn sɔn duk lele pɛyi ¹⁴ Telɛ nɔn vi juya po ti nã te mã,a po chiya. kɛn:I duk le ni nã mulɛ ni ke ƒamuya. ¹⁵ Kuha nɛ pɛn dehi nɔn viã le ke pɛn pœ nɔ, tɛn,n'ka n'tɛnɛ pɛn wuk pu le kɔn pɛn pœ nɔtɛn. ¹⁶ Nãhã nik na pɛn n'tɛnɛ lɛ a ni nã ¹⁷ A dehi wɔ le te mã bɛ a nɔn hɛ,te sɔn tɔn a pihã a tœ kuhuɔr hɛ. ¹⁸ A pœ chia ken:I ke pɛn ŋɔn plɛn wo? I ke pɛnŋi kɛn kekɔnŋɔn yi nɛ pɛn n'deyi nɛpi ƒɔ le ke ƒã a nɔtɛn wo? ¹⁹ Se ke pɛn n'deyi te nɛ le n'ka te ƒɔ le ni ã kɛhi se wã vlek.Ke kuhɔr wo kɛn ŋɔn nɔn duk le pɛn puhɔ. ²⁰ A tã ju kuwa nɛ pɛn wuk nɛpi le ,kɔn kuwa nɛ ke pɛn a nɔtɛn. ²¹ N'ka nɛpi ƒɔ muni te nɛ ŋɔn sɔnsɔnnã,che tɛn sɛn nã,nɔn kunã, ²² ŋabɛ,mɔ kɔnɔn,nɔn vitɛnã,sun kana,hɛnŋ wuknã,ŋink ƒiyenã,nɔn tɛ junã,vi pɛyinã; ²³ sɔn tipuk nɔn duk le pɛn wuk ƒɔle ni nɛpi nɔtɛn. ²⁴ Yeezu wo jek ketiya ni kɛhi. Tyr muni Sidon suãta ŋɔn.A dehi wɔ le yãko nɛduk ke te po nɔn pɛnŋ;n'ka a ke te nu kuhɔ. ²⁵ Tetɛnŋ na pɛn sɛye pusɛ le,a wo Yeezu te na a po te sɔmã te bahanã sɔn. ²⁶ A sɛy na pɛn jek Grɛk kule.A wo du Ƒenezit Siri kule.A na pɛn a ni a ni a tetɛŋ hɛnŋ wuk te pusɛ le. ²⁷ Yeezu a chiya: Je ikuwa ni tã ti;ke ke pɛn puhɔ ni ikuwa bur tɛnchi sumã pã pinã lɛ. ²⁸ A chiya n'ŋɔn ŋɔntɛndi,n'ka pã pinã pɛn ikuwa ŋɔn kuwɛ nã ŋɔn tabal nã hɔn. ²⁹ A ŋɔn a chiya: kɔn war niya kɛhi a tetɛnŋ wo wuk a pusɛ le. ³⁰ A wo dehi te wɔ le,a kɛhi te pi sɛnã wɛ;a tetɛnŋ wo a ŋamã ³¹ Yeezu jek Tyr suhãta ŋɔn ni chin ''Decapole'' kule ni te vi po Sidon muhɛ Galile yɔ mɔn.Pœ po nitun diyehe telɛ,a na ke ƒã vlɛ. ³² Pœ a chiya kɛn a ni te mɔ tœmã telɛ. ³³ A a tɛn wuk nɔn le ni kɛhi tiya sɔ ni te n'ble daha te niknã le,ni tumã te niparr lɛ te sunsun hɛ. ³⁴ A ja tukya ,a mɛyi tekma ni ju:Efafa ke kuhɔr wo a wo yehe. ³⁵ Te nik ŋɔn yehe,te niparn ke wama,ni a tahã vlɛ. ³⁶ Yeezu pœ chiya. po ke ke nɛduk chiya tiduk hɛ,n'ka a na pɛn pœ tãhã chiya duknɛ pœ na pɛnke tãhã ŋama nɔn lɛ n'buhɔ. ³⁷ Pœ duk le fɔ na tãhã puk ni po pɛn ju kɛn:A pɛn ti duk le tãhã pɛyi, a pɛn nitun nɔn pɛyi pœ pɛn nã;ni bobo nɔn pɛyi pœ pɛn vlɛ.