1
Yezu napɛ nwuk minɛ Egilichi le te tɔnpayiwu ye a chiya:<< Ja nɔn sãwu :a duwɔ muni a wœk mã dug hɛ!>>
2
Yezu a chiya:<>
3
A tì ni nkayi tɛn olivienã ŋɔng ŋɔtale ni te ja viŋ Tepa nini wœk kã.Ni Piɛri muni Jaki muni Ãdere nɛ napɛn tehɛn po a piŋa:
4
<>
5
Ketiya Yezu tàmã ni npɛ po chiya:<< ihichɔk nayi duk keke po ikã ini payi npu.
6
Nɔn lele npeyi npi mu ŋing ŋɔn ni npeyi ntɛni njuhu:'kɛ pubɔn ni Muhu.' Ni po npeyi nɔn lele ƒɔk
7
I nako pɛn màk nã tayi na ntu sug, i keke tek payi,sebɔn tinɛ wo lani npo payi. Nimɛ kebɔn keto ni yi duglewɔ dɔmãmĩ suãtaɲɔn.
8
Kunã npeyi ntɛni puwi barr,ŋɔtɔn npeyi ntɛni puwi barr;suwatã npeyi ntɛni nchiya nɔn yɔn ntusug,npo dœli kuɔk ɲɔn,sebɔn tinɛ npeyi payi a peyiju kuwœrtɛnã jirœ hɛ.
9
Ibɔn ni iwɔk chɔk. Po npeyi ntɛni i tɛn nkayi vlɛwawutɔn lɛ,ni po npeyi ntɛni i mãyi Tepa niŋ ntu,po npeyi ntɛni itɛ nkayi ku ɲɔtɔn govɛnɛrnã lɛ lɛ mu niyã ni ntɛni ipiya tiyɛ muɲɔ.
10
Nãyĩ wayĩ vlɛ nbi wolã ni nju kutɔn duglewɔ le.
11
Po nako itɛ nkayi ŋɔtɔn kãtiya,i keke tek payi;i ju tinɛ npeyi ichiya juhutayi ketiya. Ke ŋɔn wo kɛ ibɔn ke npeyi nvlɛ nimɛ a vlɛ npeyi njek Tepa mœrr le.
12
Supi npeyi ntɛni puwi tɛn nkã kùtiya,duwutɔn npeyi ntɛni po pi tɛn nkã;ikuwa npeyi ntɛni nbarr po duwutɔn hɛ ni npeyi ntɛni po ku.
13
I tayi npeyi ntɛni nɔn je mu ŋig niya;nimɛ ntɛnɛ nako se kuŋ te wœle fɔ npeyi nã se dɔmana lɛ tewɔntɛ ŋɔn peyi npuwa.
14
>>i nake po ntɛni Tepa diye kana ti wɛ tiyanɛ seke lani npɛ tiyanɛ,ntɛnɛ(kɛ ntɛnɛ na ke a vlɛ karr ani a vlɛ jawɛ),ni nɔn nɛ npeyi npɛ Jude Kule po ni tu nkayi ntɛ ŋɔnnã le,
15
kɛ ntɛnɛ npeyi npɛ wayina tɔgha tɔ keke tã te viŋ ntek ni nju po pɛ kelɛni kuwa ye tœ wœle,
16
ni kɛ ntɛnɛ npeyi pɛ suwãle tetɛn keke tã teviŋ nkayi ni npɛ kelɛ ni te ƒomupak tœ te bule.
17
Siye kuwerrtɔn muni siye nɛ pɛ po ikuwa kã hãhi pubɔn npeyi nkle kebɔn sɔnɛ!
18
I Tepa niŋ sebɔn tinɛ keke po npayi viarr miŋ.
19
Tek tinã npeyi ntɛni npayi kebɔn minɛ,tinɛ duk keto payi ha Tepa lɛ suwatã mamã npo mã nunu lɛ,muni keduk yarr ketã npeyi npayi.
20
Ni Yezu na keke a vianã turrpayi nayi duk na ke npeyi tewɔk wɛ nchima,nimɛ a wo kebɔn payi te hãyiletɔn niya.
21
Ni nãyi ye na kœ nchiya kɛ:Krista wo ndiya,ni kɛn apɛn hɛhaale:A ke nsɛ tetɛ ŋɔn bó.
22
Nɔnsug npeyi po wœ payi Krista hɛ, posug npeyi po wœ payi Tepa tutuɛju hɛ;posug npeyi ntɛni tetek tisug payi ni ntɛni kelɛni Tepa nɔn ƒɔk.
23
Ini ijɔk: Nwo kuwã ichiya se tì payi duk hɛ.
24
Sebɔn sɔnɛsɔn,a tinã payichiŋ ntina,mitɔn npeyi ƒitug mã muni ƒipiek kepeyi npɛ,
25
wɔnponã npeyi ntɛni nbɔ nsãg,ni ƒaga nɛ pɛ tɔk ha sedulewɔ npeyi nchiya.
26
Ni na npeyi Nayipi pih ye wɛ a npeyi njek njœrr nã le ni ntɛni ntek ƒaga muni ɲɔtɛyale.
27
A peyi Tepa tutuɛpayiwutɔn tɔmã npeyi ni a npeyi mɛlɛkɛnã tɔmã npeyi suwatã mɛjanɛ nkelewɔ poni po te hãyiletɔn nɛ na a vlek,ni po tuwimã po nako npeyi pɛ tiyaho-tiya.
28
Ini ntɛni iwœ diye klɛn mã nkayi ƒigiye sepiek payi dug hɛ,ni ntɛni iwœ kã hãyiplɛn hɛ.A sepiek muhɔn na k tamã npɛ mãyiná wuk ini pãyi kɛ bɔdœmi wo nã nti.
29
Kebɔn duk nughu,i na ke sebɔn tinɛ wɛ se pɛ npayi,ini pãyi kɛ nayipi Pi pomiŋ wo nã nti,wœ biya muya.
30
Nwoni nŋɔn ju ilɛ,kɔ mitɔn mĩ tɔn ke npeyi nchiŋ ni sebɔn tinɛ kepo npayi.
31
Suãta muni tɔk ha npeyi nchiŋ,nimɛ mù vlɛn ke npeyi nchĩya wɛ.
32
Ni Tepa nmarr kɔn,nayi duk ke npeyi ke sɔn muni ke minɛ pãyi hale te tutuɛpayiwutɔn nɛ pɛ tɔk ha muni te Pidi.
33
Ini ichɔk i keke i diye mãpu iwœ tayi hɛ,ini ntɛni Tepa niŋ,i ke pãyi kœ npeyi npayi minɛ.
34
Ke npeyipayi a npeyi ju nayipi nɛ wo kayi kœle ni te butɛn yahɛ te tɔnpayiwutɔn kã,ni ntɛkelewɔ kã te papayitayihɛ,ni a bù sek wu tɛn chiya a keke dòh.
35
Ibɔnvke lani ndòh,i ke pãyi a butɛn npeyi npeyī minɛ,nto a npeyi ŋɔmi,sekãwale,suãtɔmi,sedɔhɔnwó po ke pãyi;
36
te ponã keke po i tœnko ni i je dòle.
37
Nwo i chiya dug nɛ,nwoni ke duk ju nɔnlewɔ lɛ: I keke dòh.