1
Yezu jek ketiya ni nkɛyi Yude kule muni Yurdɛn yɔ jamɛ ɲɔn.Nɔn pœ tãhã tuhimã te mɔn.A tiya ni pɛn pœ sã ã npi ju a na pɛn nɔn sã duknɛ.
2
Farizɛn nɔn sɔn pœ jehe ndeyi te ma ;ni n'mã ya te hɔn.Pœ a piyã kɛn:"Nɔn ti kɔnsãna pɛn fɛnchi kɛn dihi ni te kɛyi dɛyi?"
3
Yezu pœ piyã kɛn:"Moyizi wo kuwa wo kɔnsã yi lɛ?"
4
Pœ a chiya kɛn:"Moyizi wo fɛnchi dihi ni lɛtiri nwãrr ni te flɛnhɛn ni te kɛyi dɛyi."
5
Yezu pœ chiya kɛn:"yi nɛnɲ kɔnɔn niya wo Moyizi kɔn ti kɔnsã yi lɛ."
6
Nga tamãna mi;Tepak wo dihi mutani sɛhi mã;yi dukle mã ti nã.
7
Kɔn niya wo;dihi npihi njek te Su muni te Nu mã ni nsɛyi te kɛyi sɔn;
8
ni pœ nɔn ni npihi pɛyi nɛ nuk hɛ.Pœ ke tãni nɔn ni hɛ n'ga pœ wo pɛyi nɛ nuk hɛ.
9
Tepak na yi nɛ tuyima tiya nuk,nɛduk ke se diyek.
10
Pœ wo deyi bu le minɛ mi,Yezu tɔnpɛhutɔn tã a piyã kɔn ti nuk hɛ.
11
A pœ chiya kɛn:"Ntɛn na te kɛyi dɛyi,ni sɛyi ye tɔhɔ;a wo ɲamɔnkɔya pɛyi te kɛyi nbeyi hɛ."
12
" Kɔn nuk hɛ,sɛyi na te puhɔ dɛyi ni dihi ye tɔhɔ;a wo ɲamɔkɔya pɛyi to te puhɔ nbeyi hɛ."
13
Nɔn na pɛn npo pœ yikuya hɛ,zãko Jezu ni te nmɔ tehemã pœ lɛ;nga te tɔnpɛhutɔn na pɛn pœ sɛtun.
14
Jezu wo ke tiakma nwɛ minɛn mi,ke kœ nã te diye,ni a pœ chiya kɛn:"Yi a yikuwa jehe pœ ni po nnɛ! Yi ke dɛyi pœ lɛ;Tepak ɲɔntɛnya ni pɔn duk tɛhɛ."
15
Muni yi chiya nɲɔn hɛ:"Ntɛn na ke sɛn Tepak ɲɔntɛnya ɲɔn ã ju a yikuwa hɛ;a ke npihi ndeyi ke le."
16
Kɔn nani,a,a yikuwa ɲã ni te mɔ sã pœ ɲɔnle ni duka pɛyi pœ lɛ.
17
Yezu wo wɔk tɛn minɛ;diye tuhu npo te sɔma te jani ni a piyã kɛn:"Nɔn sãhutɛn nbɛyi;nfã npɛyi duk wo ni tihi nkɛn ni wɛ?"
18
Jezu a chiya kɛn:"Kuwa niya a pɛn nju sãhutɛn n'bɛyi hɛ? Nɛduk ke ni nbɛyi hɛ,Tepak nmarr ni bɛyi."
19
Ă pɛn ti kɔnsã nɔn plɛn:"n'ke nɛn ku,nke nɛn kɛyi chi telɛ,nke ɲɛbɛ ɲɛ,nke tarr ntuk daha nɛduk sɔn,nke nɔn purma ni pœ mɔ yi chi,a Su muni a Nu boyã."
20
A dihi a chiya kɛn:"Nɔn sãhutɛn,npɛn sɔn dukle wɔk keh fo nketɛnpi mi."
21
Yezu nɛnŋ wɛhi te sɛn ni a chiya kɛn:"Kuwa nuk wo ntiak;kɛyi a mɔ yi dukle ɲɔk ni ɲãk tɔn kã se po dukle hɛ ni sɛyi mu sɔn.Tukya;ã pi yi lele wɛhɛ."
22
A dihi wo sɔn warr nɔn na ti minɛ;a te ja kɔ ni te vi.Te mɔ yi na pɛn lehe.
23
Yezu te tɔnpɛhutɔn ja te boploplo ni pœ chiya kɛn:"potɔn ni deyi Tepak ɲɔntɛnya le;ke pɛn kɔnɔn hɛ."
24
Kɔn warr wo te tɔnpɛhutɔn fɔ puk.A pœ chiya kɛn:"Nyikuwa;Tepak ɲɔntɛnya deyi nɔn ke pɛn fafa."
25
Duknɛ hɛ ke pɛn kɔnɔn hɛ ɲɔnkɔmɛn lɛ a ni deyi musɛni puhã le;kɔn duk nɛ hɛ ke pɛn tãhã kɔnɔn hɛ potɔn lɛ pœ ni deyi Tepak ɲɔntɛnya le."
26
Te tɔnpɛhutɔn fɔ tãhã puk.Po pœ win piyã kɛn:"Nɔn wo ɲɔn npihi nnãhã?"
27
Yezu pœ ja ni pœ chiya kɛn:"Ke pɛn kɔnɔn hɛ nɔn lɛ;nga ke kœ pɛn kɔnɔn hɛ Tepak lɛ.Tepak nfã ti dukle pɛyi."
28
Piɛri a chiya kɛn:"Nɔn wo na ti dukle je ni sɛyi ɔ sɔn"
29
Jezu a chiya kɛn:"Mu ni yi chiya nɲɔn hɛ;ntɛn na te ku,kumuku te nɔnhɔn,kumuku te Su,Kumuku te Nu,kumuku te yikuwa,kumuku te suhãta na jehe; nmu mutani nɛnɲwɛ warr niya;
30
tetɛn npihi ke diya nɔn tikuwɔ wɛhɛ.Tetɛn npihi kunɔn muni mɛn nɔn muni nikibɛ muni Nu muni suhãta lele wɛhɛ.
31
Nga jani tɔn lele npihi npɛyi tɔn hɛ;ni tɔhɔn tɔn npihi npɛyi jani tɔn hɛ."
32
Yezu na pɛn nke te tɔnpɛhutɔn jani Yerizalɛm wɔk ya.Tek na pɛn te tɔnpɛhutɔn muni pœ nani tɔn dukle ɲɔn.Yezu te tɔnpɛhutɔn tɛn kɛyi bopo .Ti nɛ dukele npihi a nãhã a se dukle hɛ pœ chiya.
33
A po chiya kɛn:"Yi wo wɛ kɛn nɔn pɛn Zerizalɛm wɔɲɔn.Pœ npihi Nɛn Pidi hɛ prɛti muni ti kɔnsãna sãhutɔn kã pœ ni a ku.
34
Pœ npihi ntɛn ni a chiye,ni a sɛyi,ni nsingma te ja le,ni a ku."Mitɔn ntã chin tihi na,ã npiyi jek te kuwin le."
35
Kɔn nani Zebede yikuwa Jak muni Jã po Yezu ma ni a chiya kɛn:"Nɔn sãhutɛn;nɔn pɛn kelɛ kɛn nɔn na kuwa nɛ ni alɛ nni nɔn kã kesɛn."
36
Yezu pœ chiya kɛn :"yi pɛn kelɛ muni kuwa pɛyi yi lɛ?"
37
Pœ a chiya kɛn:"Nɔn pɛn kelɛ ni npɛn a sɛn a na po a ɲɔntɛnya tama minɛ mi.Nɛn ni pɛn a mɔ ɲɔn hɔn,ni nɛn ni pɛn a mɛnɛ hɔn."
39
Yezu pœ chiya kɛn:"Yi ke pɛnɲ yi pɛn kuwa nɛn hɔn. Yi nfã nkuwɔ ja viãna muni wu viãna nɛ npihi nnãha hɔn? "
38
Pœ a chiya kɛn:"Nɔn fã nkuwɔk."Yezu pœ chiya kɛn:"Yi npihi nwowo ni wo? Pœ npihi ndaha nvlek ni nɛ le ,yi npihi nfɛnchi pœ ni yi daha nvlek te kɔn ni nɛ le?
40
Nke pɛn nbopo tɔn tɛn tɔn jatɔ.Nbopo tɛnsuã kuwa na ni nɔn nɛ niya wo Tepak se tãhã tɛ hɛ."
41
Tɔnpɛhutɔn tɔhɔn ( nɔn bɔn)wo ke nãha tiya nɛ po pœ fɔ nviã Jã muni Jak ha.
42
Yezu yã pœ dukle juya ni po chiya kɛn:"Yi wo pɛnɲ kɛn nɔn nɛ wo nɔn pɛn nja ã ju janitɔn muni nɔn sãhutɔn hɛ;po dukle pɛn nna ɲɔntɛn nɔn lɛ.
43
Nga ke kœ fã npɛhi nbuhɔ yɔn setarle.Nɛn na pɛn kelɛ ni npɛyi ɲɔntɛn hɛ yɔn setarle;a nɔn ni npɛyi yi tɔnpɛhutɛn hɛ.
44
Nɲɔn juna le,ntɛn na pɛn kelɛ ni npɛyi ɲɔntɛn hɛ,a nɔn ni npɛn nɔn dukle buwe hɛ.
45
Nɛn Pidi ke po te wɔ ti tãhã nɔn niya;nga,a wo po nɔn ti tãhã nɔn niya,ni te nin kã zãko nɔn dukle ɲɔn ni na."
47
Pœ kɛyi ndeyi Yerko.Pœ wuk mi a kule ni nɔn lele hɛ pœ nani,Time pidi ɲɔntun Bartime tɛn nɔn na pɛn nwɔk bopole ni pɛn nɔn ni.
46
A wo na minɛ kɛn Yezu hɛ;a ni mihima kɛn:"N'yikuar ja,Davidi pidi Yezu."
48
Nɔn lele na pɛn te sɛ tin ni pɛn a chiya kɛn ani te nviã wihi.Nga a ɲama nchin ni mima fãka hɛ kɛn:"N'yikuar ja Davidi pidi Yezu!"
49
Yezu ɲik ni ju:"Yi a juya."Pœ a juya ni a chiya kɛn:"Jek ni a ja sã,a pɛn nju."
50
A ɲã te fumu npak su,ni ntu nkɛyi Yezu mã.
51
Yezu a piyã kɛn:"A pɛn kelɛ muni kuwa pɛyi alɛ?" Ă,a chiya kɛn:"Nɔn sãhutɛn;njama nɲɔn ni wɛ."
52
Jezu a chiya:"kɛyi,a ti ɲɔn sɛn na wo npuhama."Te ɲɔn yek,ni a sɛyi yezu hɔn.