¹ Gaɗa wa wana a ɗa gayi na wila kun,kwa waya herr sǝku bai. ² Gaɗa aci ramma,"Lockutu herr na kirumtukun kun"zam gafa raa na batakun" gususku ne fa locwktu herr.Zam gusku yaye lockwtu̵ raa. ³ Ja ɗawa bi vugi i kima nǝn wanbai da kuna kun,gaɗa jancu wana ja da dlaɓai vatuku bai. ⁴ A sǝrum sǝn, ja takki aɗaja da ri wana ja, i ɗak ja guzabicin kakasǝku ne ja guzabcin gǝri dari gaw kamadaja ,na bone jiktu na bone. ⁵ Daak ,dilo,tltti ankal,wana go rankata,rashik yuwan,divid tawanke,na kun maya. ⁶ i kun be blan,zigaya,kanadi, hal blan ,i kun nǝnwa kakasǝku na intau ki jirewa. ⁷ Ja guzabcin gǝri i kun dlam jirewa i kun ƙǝrmai kakasǝku.wa na bizha a mata na matlawai. ⁸ Ja wana ikun martapa ,na kun rashik martapa,ngufta na giɗliɓ.Nda nguftaja i dak ja dak gube, duk na kasǝn da ndak jirewa . ⁹ Ja wana kaki ndawa mi da zigakshi bai amma ja a zigakshi a wana ka dawa mi a mutu gawa har gususku jana aro Ja wana ka ndawa mi da hakagatinakshi amma hagata ki tǝk bai. ¹⁰ Ja wana kaki ndawa mi na dlimit aro, amma fatawanke ja kun perrdai, ja wana ka ki ndaktluwa amman ja dawu ndawa gawa da dlam nakshi ndak birǝɗ. jawana kaki janabebai amman ja na tamke. ¹¹ Jarami kun jirewa duk ndak karantus,zan gishikja da rufta. ¹² Ja tagsu gǝshaja bai,kun ne kwa tagsu nagǝshakun gaɗa ja ¹³ gususku na ramma,na kun kaki mamau a ruftineja gǝshakun. ¹⁴ Kwa kabta aɗa kun na duk rashi bar jirewa bai kwaɓtu babu adaci na babu kumangar nǝn tam?ko kwa gwaɓtu afa na divid nǝn tam?Akawar tawan a gadaavk masihu na lǝspǝr?kwa kwaɓtu dak bar jirewa na ndak rashik bar jirewan tam? ¹⁶ Ko kwa alkawar tawan a gaɗavak susu magata kakasǝku na garǝm?Gaɗa wa susu magata kakasǝku mi na aro ,kaki ani kakasǝku ramma"Na mbasu ga ikunakshi ,na diam rakan i gaɗavakshi.Na dlamanga kakasǝku kakshi,akshi ki a dlananakshi nda ganai" ¹⁷ Gaɗa kasǝn,"Avirina da kunakshi kwa ciripci aɗa kun"ramun magǝnyi."kwa linta be gashi bai,na gǝnnakun. ¹⁸ Nadlammanga a fik i kun,kun nye kwa dlaɓa naku kutli gamsak na amatau i riga ra mun mǝgǝnyi baci kirmai duk.