1 ¹ I ta klagir naj kə maj ya Jeju Kris, ngon Nɛbə. ² Ti tin i kə ndaŋ kem maktub ya Ejai nge kaj naj kə ta Nəbə tə n, « A̰a̰ məla kɛ nge kəna mber yam nony tə, i nen i nge ra go rob yai nə. ³ Ndu dee kogum ɓar ndaglo tə idana:‹ Əndai dɔ rob ya Kɔbe danaa, i ndajii rob gə yan adə ra sumu›». ⁴ Ja̰ ree ra deg batɛm ndaglo tə, ɔj naj ya deg kad tur haldi tam kad Nəbə manyron dɔ majal yadi tə. ⁵ De gə kem ɓe kə go naŋ kə Jude tə ho de gə Jurujalɛm tə ho malaŋ reen rɔn tə adə ra də batɛm kem man Jurdɛ̰ tə. Idan majal gə yadə kə ndaga rɔn tə. ⁶ Ja̰ ila kuɓə bii djambal rɔn tə ho dɔɔ ɓodin kə ndar, nya̰ kəsan i watə, adii mbal tej gə oo nyim gə oo. ⁷ Ɔj naj i dana: «Dee kogəm a ree gom tə nɔ tog n toyum. Maskad mərug, mə tutu kla saa kə jan tə lee. ⁸ Mə ra si batɛm i kə manaa ba nii a ra si batɛm kə ndil kə Tal. ⁹ Dokaglonnɔ tə Jeju ree Najarɛt go naŋ kə Galile tə ad Ja̰ ran batɛm kem man Jurdɛ̰ tə. ¹⁰ Titə Jeju tee kem man tə nə, Jeju a̰ lo dora̰ tə ba dora̰ tɛtan ad Ndil ris ndi dɔn tə titi der nda bee. ¹¹ Nduu koɣum te doran tə idanna: « Ii i ngonum kə ko tar, nelim ngay sey nə. ¹² Ndil unən aw senɛɛ dla lo tə. ¹³ E i Ndla loo tə ndɔɔ kutə sɔɔ, ad suu naan. E ndi naa tə kə da̰ gə waa tə, ba anjə gə raan senɛ. ¹⁴ Gidgootə danni uwɔn Ja̰ ni, Jeju ree Galile tə ɔj naj ya Nəbə. ¹⁵ I da dee gə na: «Ndɔɔ gə təgan, kɔr bee ya Nəbə i ngɔr. I turi hal sii bə taa i kɛm naj kə maj ya Nəbə.» ¹⁶ Jeju ree man kad baa kə Galile. A̰ Simɔ kə ngokɔn Andre. Nan bra kum man tə tam nin i naw gə. ¹⁷ Jeju idadə na: « I rey unii gom adə mə ra sii kad telii ge saa de gə adii Nəbə». ¹⁸ Ho Telən lay ngay i nyan bra gə yadi ba unən gon. ¹⁹ Lonnə Jeju njəra kə sany anɛ, a̰ ngan Jebdee gə joo, Jak wo Ja̰ wo ndin kem to tə a to̰ nə kum bra gə. ²⁰ Jeju ɓar də anɛ, i nyan bra də Jebdee kə gə kla gə yan ken too tə ba awun gonə tə. ²¹ Reen ugən kapernayum tə kə ndɔ taakoo. Jeju aw kuj ndɔy ya Jup gə tə a ndoo de gə nya̰. ²² :Ɔrkum di kə nya ndo yanɛɛ t,od,o nya ndo yan i kə tɔgɔɔ ngany ba i titə ya gə ndaŋ maktub gɛ lee. ²³ Kə ngɔrn to tə dee kogum ndi kem kuj ya Jup gə tə i kə ndil kə majal ad nii sɔm ngay. ²⁴ Ndil kə majal ida Jeju na: « I ri nə ila ji naa tə sey wa, Jeju kə Najarɛt? I ree laa ya nuj ji a? Mə ger kad i i kə kal ya Nəbə!». ²⁵ Jeju ndaŋ ndil kə majal idana, utu tay, i tɛ̰ kemnə tə kɔɔ!» ²⁶ Lon nɔ tə ndil uwɔn ninə kə naŋ tə ba tee kə nɔɔ ngany. ²⁷ Ad ɔr kum kos de gə ngany, ba dəjen naa dodandi tə na: « I tam rii tə na nya̰ ndo yanə i kə tɔgɔɔ ngay woo ida ndil kə majal gə ad oo nə tan oo». ²⁸ Ad naj kə maj yan aw law kə lo gə malaŋ go naŋ kə Galile tə. ²⁹ Goo tə gogə awun kem kuj ya Simɔ kə Andre. Jak ho Ja̰ i naa tə loo kogəm. ³⁰ Mum Simɔ totə kə mɔnyɔɔ ad rɔn tənga ngany. Ad reen i dan Jeju. ³¹ Jeju ree ke rɔn tə la jin unən kə dɔɔ̀ ad mɔny rɔ tənga nə inyan ad dinya nə ḭ ra kla ad də. ³² Ree ndɔɔ, lon mbaŋ udə kɔɔ nə, de gə reen kə nge mɔny ge rɔn tə ngegən ndil ke madjal gə raan də nə. ³³ Ad kos de gə malaŋ kə kem bee kan naa ta kuj tə rɔn tə. ³⁴ Nga nge mɔny gə kə daŋ daŋ gə ho təba ndil kə majal gə ho. Ɔgə ndil kə majal kɔr naj tam ninə gerən Jeju maj. ³⁵ Jeju tee kə ndɔy ɓatə ta gir loo tə aw ndag lo tə ya ndɔy Nəbə. ³⁶ Simɔ ninə kə madən gə aw san;Jeju tə. ³⁷ I ngenənən ba idan na: « De gə malaŋ a sayinə.» ³⁸ Jeju idadəna: « Jawi kə ngan ɓee gə raŋ gə tə woo kad mɔj naj tutu woo. I taməntotən maa i laa nə. ³⁹ Jeju aw gaŋ dɔnaŋ kə Galile ɔj naj kem kuj ndɔy ya Jup gə tə. Nɛ təba ndil kə majal gə kɔɔ. ⁴⁰ Nge banj kogum ree rɔn tə tetə kɛjən nɔnə tə raan ɓɔɔ bə idan na: « Re i ndig anɛɛ i ram ad muju.» ⁴¹ kum Jeju ɔɔnə senɛɛ ba inda jin ɔdən nɛɛ ba idan na: «Mə gɛɛ ad rɔy unju.» ⁴² Ngɔrnəto tə banj nə ur kɔɔ ad rɔn uju. ⁴³ Jeju taanə ɓaŋ ɓaŋ ba inyanə. ⁴⁴ Jeju idan na: « Aw ba ida dee kogum lee ba aw rɔ ge gug dɔɔ ge tə, ɔjə də roy ba ad nyaa kə sɔdɔ kunju rɔ yay nə Mooj ad ndu kad de gə malaŋ raan kad de gə gerin kad i i kə unju.» ⁴⁵ Tee kə ndaga a ɔj de gə nyaa kə maj nə igenə ad Jeju a ngɛny rɔnə taa a udən kem bee. Ndi ndag loo tə ad de gə teenə lo gə tə malaŋ reen rɔn tə.