¹⁷ Ọki ma iẹn emi, ọrẹ ta, "Ai viọn fo,” ' Khọ era kha cho oa mẹn oa adua rẹjọ agbọn eesẹn'? Sokpẹn vba rọ kiẹn ughe oi.” ¹⁸ Evba iejee ohẹẹn bi ekhẹn ivbiebe yan rẹ họn ebọ tai, yan ria hoo ẹgbẹ lian da gbọi vbu ubi. Ọhiọ erin yan lofẹn ghọ, irumudi ela agbọn eesẹn yan unuan vbẹgbẹ lọda ma emi. ¹⁹ Ewan kha re, yan kpa ẹvboo re. ²⁰ Ẹgbẹ lian da shan rare vbe evbievbiẹ, yan miẹn khọ ọlo oran Ifigi ọulo se evba ii ghọ. ²¹ Ipita rẹ eere, ọrẹi, "Ọlọma, kaoghe! Ọlọ oran Ifigi lu Khua ọki ulo kua.” ²² Ijesu rẹ anji iẹn, "Vba mọi adiuduyen vbe egbe Oisẹlẹbua. ²³ Ata irẹ ta ma vba, uan ikhuan lọ ta ma ọlẹ ẹkpoke na, kpare fi egbe wẹ fi ẹkẹn okun, sọi mọi azio evba vbudu ghọi, ọrẹ miehọn khe bọ ta khe rọ sẹẹ, ọni Oisẹlẹbua ọu. ²⁴ Ọhiọna, I ta ma vba: Emi ikhe emi lu le erọnmọn hi, miehọn khu miẹọn, eruo miọn. ²⁵ Ukha muzẹ khua le erọmọn, rẹ họnmọn uan ikhuan lọ wẹ ọkhọọ, lada miẹn khe Era wẹ lọ ri okhumu eimi, lọda gbo rọ ọkhọọ wẹ họmẹn. ²⁶ Sokpẹn ọkhau khu rẹ họnmọn, Era wẹ lọ ri okhumu eimi ọkhi gbo rọ ọkhọọ wẹ họnmẹn.” ²⁷ Yan rẹ che di Ijerusalẹmu re. Ẹgbẹ li Ijesu da shan vbẹkẹ oa oga, Ọlọ ọejee ohẹẹn, bi ekhẹn ivbiebe, bi idiọn yan rẹ gai yẹn. ²⁸ Yan rẹ tamai, da ẹgbẹ itotomi lu mọi, lu ra we elemina? Dọ ọlọ rọ itotomi na, lẹ we elemina?” ²⁹ Ijesu rẹ tama iẹn, "Erio nọ vba iyẹnmi ọkpa. Vba kha tama mẹn, erio tama vba ẹgbẹ itotomi li ra we elemina. ³⁰ Afiovbamẹn oghi Ijọni, okhumu eimi ọda vae da ọlagbona? Vba anjẹn mẹn.” ³¹ Yan ria kpa egbe iẹn gu iyẹnmi gbo tua unu, yan rẹi, "Ma kha ta, 'okhumu eimi ọda vae,' erọ ta ,'Bọzẹ li vbai rẹ miọhọn?' ³² Sokpẹn ma kha ta, obọ agbọn ọda vbae, yan rẹ mọọ ilofẹn elagbọn, ọhiọ yan eesẹn miọhọn khi Ijọni khi Iwoli ọ. ³³ Ọlẹ ẹghẹ ni, yan kirẹ anjẹn Ijesu mai iẹn ,Eni Ijesu khirẹ ta ma iẹn'„ Iyọi ikhi da gbo tama vba itotomi li ria we emina. „