¹ Jemisi, ovie̱n si Oise̱le̱bua bi si O̱lo̱mo̱e̱mai Jesu Kristi, re̱yi uanmi igbeva irue̱ vba. ² gho o̱i bi egho̱ngho̱n imio̱me̱, sivba mi okpokpo o̱do̱dan. ³ Ue̱n khi adamagho si ajuduan se̱e̱ o̱si iziengbe re. ⁴ Zi iziengbe foi obia so̱i, lalo̱zamie̱n uohiai bi ogha, lare̱ mie̱n emio̱so imianmee̱. ⁵ Ama akha mi otuokpa viva lo̱hoi ewain, zoi mian Oise̱le̱bua, o̱lo̱ revbo̱ bori bi o̱lo̱yaigbo̱a okan reyi agbo̱n ere̱me̱n yan vbi, o̱lo̱ wo̱in nai. ⁶ Ama o̱ire̱kein ajuduan mian lo̱i o̱ mo̱in udu eva. O̱hio̱ o̱lo̱ mo̱in udu eva oubi ame̱n si okun lefio o̱fi yean fi yean. ⁷ O̱lo̱ a o̱igbe kho̱lo̱ mi emi o̱so̱ so vbisi o̱lo̱mo̱emai. ⁸ Oa liyo̱ mo̱i udu eva, o̱yamuzan vbe̱ghe̱ ere̱me̱n. ⁹ Zi omio̱n le̱son gbe yarehe soi ruo̱. ¹⁰ Ama o̱lo̱fei vbe̱ghe̱ so̱i likere, erimidi o̱lo̱rale̱ elabi ododo vbi ekein iumi. ¹¹ O̱hio̱ si ovo̱n khavbae bi otohia o̱lo̱ kaki o̱li iumian. O̱li ododo lo̱ dere ose̱n so̱i khue o̱ina, o̱lo̱fei lo̱ daan kua vbi esese̱ si emoiagbo̱n so̱i. ¹² Ihianba likhi isao lo̱mo̱i iziengbe si adamagho re̱ o̱lo̱mie̱n uvbierun si o̱khai. lare̱hi ele hume̱n Oise̱le̱bua. ¹³ Aizo̱ o̱so̱i ta e̱ghe̱ lio̱n re̱ midamighe "khi Oise̱le̱bua lo̱ damio̱n" erimidi Oise̱le̱bua yamo̱i adama si ababe, dai egherivbo lo̱re̱ damaigho. ¹⁴ Vbe̱ ke̱in ao mai li maza mi adamagho losio̱ reyi emo̱n zato. v Okhaka hami o̱li ao vbudu, loke vbi okho̱, o̱lio̱kho kha ohia re, o̱vbi eu. ¹⁶ Ezuan te̱i imio̱nme̱. ¹⁷ Ivbohan le̱se̱n ere̱me̱n bi ivbohan lo̱dia okhumeimi yo̱nza vare, o̱vare vbi obo̱si eri urukpa. Re̱yi aimi odudu o̱hio̱si ifiegbedelegbe. ¹⁸ Oise̱le̱bua lo̱ mai ma khion o̱vbi ama vbi ekein eta si ata lare̱ mien khi maubi ikpeko̱mi lo̱kpao isi emie̱re̱me̱n lo̱mai. ¹⁹ Ein o̱na, imio̱me̱n lo̱do̱de ya bobo̱ mo̱i idaeho̱n, mo̱i ifue̱n gbere vbi ohan ubimi. ²⁰ O̱hio̱ ohansoa oyabi obia si Oise̱le̱bua. ²¹ O̱hio̱ si o̱na wui iwan si o̱kho̱'o̱ ere̱me̱n fia bi uen lo̱be ogbere'e. Vbekein idegbere wui ata la wun gbo̱n, lo̱lo̱ meti fain eti se̱. ²² Chie̱n O̱lo̱vbiemi lo̱ ho̱in o̱ivbi o̱lo̱ ho̱n o̱kpa, wa te̱i egbe se̱'e̱. ²³ O̱hio̱ o̱akha chie̱n o̱lo̱ho̱n o̱kpa ama o̱yaro̱i u, o̱u bi o̱lo̱ri ughegbe fe̱i eo so̱i gho. ²⁴ O̱fe̱i egbe so̱igho o̱khake su vbain re oea ebi e̱oso̱i ri. ²⁵ Ama o̱lo̱fe e̱ghe̱ kho̱ le̱se̱n vbe̱ke̱in uhi lo̱dia. Si anifan, lo̱ ya kpevbo̱, ovbi o̱lo̱ho̱n o̱kpa lo̱ ea, oa nina lo̱mo̱i ihianba vbue̱n so̱i. ²⁶ O̱ia kha ghoi egbe so̱ kho̱fuan, e̱ghe̱ lo̱e̱in re̱okhui oe̱mi so̱i ote̱ udu so̱i e ugami so̱i chien aho̱i. ²⁷ Ugami lo̱fuan re̱yi Oise̱le̱bua bi eramai likho̱ na. Lare̱ kpai elemo̱i era bi elo̱mo̱i o̱dio̱n vbemi lemien vbegbe, lure̱ wui egbese̱'e̱ fuan vbi o̱lagbona.