1
O̱li eta na vbi emari uduo̱: O̱ia kha ho lo̱i kiain o̱lo̱ re̱o khui ue̱n, ahoo si obia le̱se̱n lo̱kiain.
2
Vbo̱hio̱ so̱na o̱lo̱ re̱o khui ue̱n lo̱ kie̱in o̱lo̱i mo̱in ibohi. O̱mo̱e̱n lo̱lo̱re̱ kie̱in o̱din o̱kposo o̱kpa. O̱lo̱ mo̱in ue̱n si id'egbere, lo̱kie̱in o̱ia si e̱wain, lo̱vbi emi e̱ko̱'e̱ko̱, lo̱ ri e̱o lo̱se̱n gho agbo̱n. O̱lo̱lo̱ meti ya vbie̱i agbo̱n emi.
3
O̱kha kie̱in o̱de̱yio̱n, lo̱i vbi o̱ia si okho̱n da ikhaerun, sokpe̱n oia si ifue̱n'egbere, isi o̱fure. O̱kha vbi o̱ia lo̱ hume̱ke̱n egho.
4
Lo̱i gbo kie̱in o̱ia lo̱lo̱ e̱n re̱o khui ue̱n si iwe so̱i le̱se̱n, ivbio̱i lo̱ya re̱o̱vbi etaso̱i le̱se̱n.
5
Erimidi akhai khi o̱mo̱he'imeti e̱n re̱ re̱o khui iwe so̱i, ebo̱lo̱i meti re̱o khui O̱se̱ si Oise̱le̱bua?
6
O̱kha vbi o̱lo̱ mie̱nho̱n o̱gbo̱n, lo̱io̱ kian kh'o̱khua egbe yi'okhumi deo̱'vbi ikhueo labi si esun.
7
O̱lo̱ kie̱n o̱li agbo̱n e̱n'o̱vbi ue̱n'le̱se̱n, laeo̱'mie̱n khi o̱deo̱vbi e̱ke̱in e̱kho̱i bi ifi si esun.
8
Ekhe̱n Dikin, nian bi'obia si O̱se̱, elo̱ kie̱n ea s'ekpe̱n, li aya gi eta eva yie̱ain vb'unu. Ekha vbi ea lian d'e̱yio̱n gbegbe da'a elo̱ i iegbe.
9
Elo̱ya ri e̱o khui eta si ata si amie̱nho̱n vbe̱ke̱n udu s'ata.
10
Elo̱ kie̱n ea lari udu iain vbegbe, e̱ghe̱ain elo̱ re̱ ga erimidi kh'emo̱i ibohi.
11
Ikposo i'gbo kie̱n ea si ekpe̱n. Yian'eya teta lebe si agbo̱n evbe'e. Yian eya vbemi ra'a yian ya vbata vbi emi'ereme̱n.
12
Ekhe̱in Dikin mo̱in lelo̱re̱ kie̱n o̱di o̱kposo o̱kpa. Lei kie̱in ea liain lo̱e̱n ri ivb'ian bi ue̱n si iwe siain s̱an le̱se̱n.
13
Ea le gai le̱se̱n lelo mi e'e si amuzai le̱se̱n bi adiudu'an vbe̱ke̱n amie̱nho̱n lo̱rivbi Jesu Kristi.
14
Eria vin elemina yie̱, iyo̱ ligboi ho'o khilo bobo̱ vare yivba.
15
Sokpe̱n akhai khike bobo̱ vare, liare vin ena livba re̱ e̱n ebai e̱'e̱n vbi oa si Oise̱le̱bua, lo̱kiēin O̱se̱ si Oise̱le̱bua, li oruku bi okhe'e si ukpod'ata.
16
O̱kie̱n emi lakha meti sin khi ata si are̱u si eta si Oise̱le̱bua lare̱vbie̱ o̱kie̱n ukut'emi: >/para<
"O̱d'ughe'e re vbe̱ke̱n egbe,
eti'lo̱fuan ri o̱se̱'e̱ so̱i,
eri ekhe̱n e̱hi zagho'o̱i,
awewe'o̱i s̱an vb'uman'ikhuman,
amie̱o̱iho̱n vbi agbo̱n ere̱me̱n,
o̱khua'egbe yi okhumi'eimi vbe̱ke̱n o̱khai."