¹ 1. ಯಜಮಾನರೆ ,ಪರಲೋಕತ್ಕುರು ನಿಂಗುಲ್ಕು ಯಜಮಾನ ವಂಡು ಇದು ಇಗ್ರತ ತಿಳಿಜು ನಿಗ್ಟ ಸೇವಕಾರ್ಕು ನ್ಯಾಯವಾನತ ಸಮವಾನತ ಕೂಡಂಡೋ. ^{2 3 4} 2. ಪ್ರರ್ಥನೆನ ತಪ್ಪದೇ ಸೈಯಾಂಗೋ ಅತ್ಕುರು ಕೃತಜ್ಞತ ಸುತ್ತಿಕುರು ಎಚ್ಚರವಾಯಿರಂಗೋ . 3. ನಂಗ ಕ್ರಿಸ್ತನ ಮರ್ಮತ್ಕುರು ವಸೆತುರ್ಕಾನಿ ದೌರ್ಕು ಅನುಕೂಲವಾನ ವಸುಲ್ನ ನಂಗುಲ್ಕು ವಗ್ಗುರ್ಕಾನಿ ನಂಗುಲ್ಕು ಪ್ರಾರ್ಥನೆ ಸೈಯಂಗೋ ;ಇತ್ಕೊಸ್ಕಾರ ನಾನು ಸೇರೆತ್ಕುರು ಇರೇನೆ . 4. ನಾನು ಆತಾತೆಯ ಸೊಂಡ್ರು ಬೇಕಾಯಿಕ್ರ ರೀತಿಕುರು ಪ್ರಕಟಿಸ್ರಕಾನಿ ಅನುಗ್ರಯಿಸುರ್ದು ಇಂಡು ಕೂಟ್ಗಾರೆ; ^{5 6} 5. ಸಮಯನ ಸುಮ್ಮುನೆ ಕಳ್ಜುಗುದೆ ಅತಾತೆಯ ಬೆಲೆಯೂಲಾದು ಇಂಡು ಉಪಯೋಗಿಸಿ ಬೈಲ್ಯಲ್ ಮುಂಕು ಜ್ಞಾನವುಳ್ಳವರಾಯಿ ನಡ್ಗೊಂಗೋ . 6. ನಿಗ್ಟಾ ಸಂಭಾಷಣೆ ಎಪೋದು ಕೃಪೆ ಇಂಡು ಇಕೊಟ್ಟು ಉಪ್ಪಿನಿಂಡು ರುಚಿಯಾನದು ಆಯಿಕೊಟ್ಟು ;ಹಿಂಗೋ ನಿಂಗ ಎತೆತ್ಗು ಹೆಂಗು ಉತ್ತರ ಸೊಂಡ್ರುದೋ ಆತಾತೆಯ ತಿಳ್ಜುಗೊಂಗೋ. ^{7 8 9} 7. ಪ್ರಿಯ ಸಹೋದರಾನು ನಂಬಿಗಾಸ್ತನಾನ ಸೇವಕಾನು ಕರ್ತನ್ಕುರು ದಾಸನು ಆಯಿಕ್ರ ತುಖಿಕನು ನಟ್ಟು ಸ್ಥಿತಿಯಾದಿನು ನಿಂಗುಲ್ಕು ತಿಳಿಸಾಕು . 8. ಆದೇ ರೀತಿಕುರು ಅದು (ತುಖಿಕನು )ನಿಗ್ಟ ಸ್ಥಿತಿನ ತಿಜ್ಗೊಂಡು ನಿಗ್ಟ ಹೃದಯಾನ ಸಂತೈಸುರ್ಕಾನಿ ಹಾಂಗೆ 9. ನಿಂಗುಲ್ಕುರು ವಂಡಯಿಕ್ರ ನಂಬಿಗಸ್ತನು ಪ್ರಿಯನು ಆನ ಒನ್ ಸಿಮೆತ್ಕುರು ಜೊತೆಕುರು ಆತಾತೆಯ ನಾನು ಅಮ್ಪಿರೆ ;ಆಗ್ಯ ಇಟಿ ನಡ್ಕುರ ವಿಷಯಾದಿನು ನಿಂಗುಲ್ಕು ತಿಲಿಸಾಕ್ನು. ^{10 11} 10. ನನ್ ಎಂಟಿ ಸೇರೆಯಾವನಾನ ಅರಿರ್ಸ್ತಾನು ಬಾರ್ನಬ ಸಹೋದರಿಯ ಮೊವ್ವಯಿಕ್ರ ಮಾರ್ಕಾನು (ಮಾರ್ಕನು) ವಿಷಯತ್ಕುರು ನಿಂಗ ಅಪ್ಪಣೆ ಹೊಂದಿದ್ದಿರಂಗ್ಲೆ ;ಅದು ನಿಗ್ಲಾಂಚುಗು ವಂದೇಕೆ ನಿಂಗುಲ್ಕು ತಿಳಿಸಾಕ್ನು . 11. ಯೂಸ್ತನೆನಿಸ್ಗ್ರ ಯೇಸು ನಿಂನ್ಗುಲ್ನ ವಂದಿಸಾಕು .ಈಗ್ಯ ಸುನ್ನತಿ ಆಯಿಕ್ರಗ್ಯ ; ದೌರ್ ರಾಜ್ಯತ್ಗು ಈಗ್ಯ ಮಾತ್ರ ನಂನೆಂಟಿ ಪಾನಿ ಸೈರಗ್ಯ ಆದರ್ಣೆಯಾಯಿದು. ^{12 13 14} 12. ನಿಂಗುಲ್ಕುರು ವಂಡಾಯಿಕ್ರ ಕ್ರಿಸ್ತನು ಸೇವಾಕನಾಯಿಕ್ರ ಎಪಪ್ರನು ನಿಂಗುಲ್ಕು ವಂದನೆ ಸೋನ್ನಕು .ನಿಂಗ ಪರಿಪೂರ್ಣವಾಯಿ ಆದಿ ವಿಷಯತ್ಕುರು ದೌರ್ ಚಿತ್ತತ್ಕುರು ಪೂರ್ಣ ನಿಶ್ಚಯಾ ಉಳ್ಳವಾರಯಿ ನಿಕಿರ್ಡುಯಿಂಡು ಇದು ನಿಂಗುಲ್ಕೊಸ್ಕಾರ ಕಷ್ಟಪಟ್ಟು ಪ್ರಾರ್ಥನೆತ್ಕುರು ಒಕ್ದು . 13. ನಿಗ್ಟ ವಿಷಯತ್ಕುರು ಲಾವೊದಿಕಿಯ ವಿಷಯವಾಯಿ ಹಿರಿಯ ಪೊಲಿಯರ ವಿಷಯತ್ಕುರು ಅದು ಶ್ಯಾನ ಆಸಕ್ತಿಕುರು ಆತ್ರ ವಿಷಯತ್ಕುರು ನಾನು ಸಾಕ್ಷಿ ಸೋನ್ನಾರೆ . 14. ಪ್ರಿಯ ವೈದ್ಯನಾಯಿಕ್ರ ಲೂಕಾನು ದೇಮನು ನಿಂಗುಲ್ಕು ವಂದಾನೆ ಸೋನಾಕ್ನು. ^{15 16 17} 15. ಲವೊದಿಕಿಯತ್ಕುರು ಇಕ್ರ ಅನ್ನದೆಮ್ಬಿಮಾರ್ಕು ನುಂಫನ್ಕು ಅಲ್ಟು ಉಟ್ಗುರು ಇಕ್ರ ಸಬೇತ್ಗು ವಂದನೆ ಸೋನಂಗೋ . 16. ನಿಂಗುಲ್ಕುರು ಈ ಪತ್ರಿಕೇನ ಓದ್ನ ಬೆಸಾಲಿ ಲವೊದಿಕಿಯ ಸಬೇತ್ಕುರು ಓದಂಗೋ ;ಹಾಂಗೆ ಲಾವೊದಿಕಿತಿಂಡು ಪತ್ರಿಕೇನ ಆತೆಂದು ಓದಂಗೋ . 17. ಅರ್ಖಿಪ್ಪನ್ಕು ನೀನು ಕರ್ತನಿಂಡು ಹೊಂದಿಕ್ರ ಸೇವೆನ ನೆರವೆರಿಸುರ್ಕು ಎಚ್ಚವಾಗುರ್ದುಯಿಂಡು ಸೋನಂಗೋ . ¹⁸ 18. ಇದು ಪೌಲ ಇಗ್ರ ನಾನು ನಟ್ಟು ಕೈಯಿಂಡು ವರ್ಜಿಕ್ರ ವಂದನೇ .ನಾನು ಸೇರೆತ್ಕುರು ಇಗ್ರತ ಜ್ಞಾಪಾಕ ಸೇದ್ಗೊಂಗೋ .ಕೃಪೆ ನಿಗ್ಲೆಂಟಿ ಇಕೊಟ್ಟು .